完整藏文原文 · 德格版页 当前仅加载第 52 函德格 343a 版页；藏文 NFD、目录标记与异常页序保留在来源切片中，重复版页行以稳定序号区分。
སྲུབ་ཤིང་དང་། མི་ལས་མར་གྱི་རིང་བའི་རྒྱུར་འགྱུར་བ་དང་། སྣང་བ་དང་། གཟུགས་ལ་སོགས་པ་ནི་རྣམ་པར་ཤེས་པའི་རིང་བའི་རྒྱུར་འགྱུར་བ་དང་། ཕ་མའི་ཁུ་བ་དཀར་ནག་ནི་སེམས་ཅན་གྱི་རིང་བའི་རྒྱུར་འགྱུར་བ་དང་། ཇི་ལྟར་དུས་ལ་སོགས་པ་
D119.052.0343a01.01ཀུན་ཀྱང་རིང་བའི་རྒྱུ་ཞེས་བྱའོ། །རིགས་ཀྱི་བུ་མྱ་ངན་ལས་འདས་པའི་རང་བཞིན་ནི་དེ་ལྟ་བུའི་རྒྱུ་ལྔས་གྲུབ་པ་མ་ཡིན་ན། ཅིའི་ཕྱིར་མི་རྟག་པའི་རྒྱུར་འགྱུར་བ་ཞེས་བྱ། རིགས་ཀྱི་བུ་གཞན་ཡང་རྒྱུ་རྣམ་པ་གཉིས་ཡོད་དེ། བྱས་པའི་རྒྱུ་དང་གསལ་བའི་རྒྱུའོ། །ཇི་ལྟར་
D119.052.0343a02.01རྫ་མཁན་གྱི་འཁོར་ལོ་ནི་བྱས་པའི་རྒྱུ་ཞེས་བྱའོ། །རིགས་ཀྱི་བུ་ཇི་ལྟར་མེ་སྒྲོན་ལ་སོགས་པས་མུན་པའི་རྫས་སྣང་བར་བྱེད་པ་ནི་གསལ་བའི་རྒྱུ་ཞེས་བྱའོ། །རིགས་ཀྱི་བུ་མྱ་ངན་ལས་འདས་པ་ཆེན་པོ་ནི་བྱས་པའི་རྒྱུ་ལས་གྲུབ་པ་མ་ཡིན་ཏེ། གསལ་བའི་རྒྱུ་འབའ་
D119.052.0343a03.01ཞིག་གོ། །གསལ་བའི་རྒྱུ་ཞེས་བྱ་བ་ནི་འདི་ལྟ་སྟེ། བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་དང་། ཕ་རོལ་ཏུ་ཕྱིན་པ་དྲུག་ནི་གསལ་བའི་རྒྱུ་ཞེས་བྱའོ། །རིགས་ཀྱི་བུ་སྦྱིན་པ་ནི་མྱ་ངན་ལས་འདས་པའི་རྒྱུ་ཡིན་ཏེ། མྱ་ངན་ལས་འདས་པ་ཆེན་པོའི་རྒྱུ་ནི་
D119.052.0343a04.01མ་ཡིན་ནོ། །སྦྱིན་པའི་ཕ་རོལ་ཏུ་ཕྱིན་པ་ནི་མྱ་ངན་ལས་འདས་པ་ཆེན་པོའི་རྒྱུ་ཞེས་བྱའོ། །བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་ནི་མྱ་ངན་ལས་འདས་པའི་རྒྱུ་ཡིན་ཏེ། མྱ་ངན་ལས་འདས་པ་ཆེན་པོའི་རྒྱུ་ནི་མ་ཡིན་ནོ། །བྱང་ཆུབ་ཀྱི་ཡན་ལག་གི་ཆོས་ཚད་
D119.052.0343a05.01མེད་གྲངས་མེད་པ་སྙེད་ནི་མྱ་ངན་ལས་འདས་པ་ཆེན་པོའི་རྒྱུ་ཞེས་བྱའོ།། །། མངྒ་ལཾ།།
D119.052.0343a06.01