完整藏文原文 · 德格版页 当前仅加载第 52 函德格 277b 版页；藏文 NFD、目录标记与异常页序保留在来源切片中，重复版页行以稳定序号区分。
དབང་པོ་དང་། ཏིང་ངེ་འཛིན་གྱི་དབང་པོ་དང་། ཤེས་རབ་ཀྱི་དབང་པོའོ། །དབང་པོ་ལྔ་ཐོབ་པས་མྱ་ངན་ལས་འདས་པ་རྣམ་པ་ལྔ་ཡང་འཐོབ་པར་འགྱུར་རོ། །ལྔ་གང་ཞེ་ན། གཟུགས་རྣམ་པར་གྲོལ་བ་ནས། རྣམ་པར་ཤེས་པ་རྣམ་པར་གྲོལ་བའི་བར་དུ་སྟེ། དེ་ནི་བྱང་ཆུབ་
D119.052.0277b01.01སེམས་དཔའི་ཚུལ་ཁྲིམས་ཡོངས་སུ་དག་པ་ཞེས་བྱའི། འཇིག་རྟེན་གྱི་མ་ཡིན་ནོ། །རིགས་ཀྱི་བུ་དེ་དག་ནི་འཇིག་རྟེན་པས་མི་ཤེས་པ་དང་མི་མཐོང་བ་དང་མི་རྟོགས་པ་སྟེ། བྱང་ཆུབ་སེམས་དཔས་ཤེས་པ་དང་མཐོང་བ་དང་རྟོགས་པ་ཞེས་བྱའོ། །རིགས་ཀྱི་བུ་ཇི་སྟེ་ངའི་ཉེ་གནས་
D119.052.0277b02.01ལས་ཐེག་པ་ཆེན་པོ་ཡོངས་སུ་མྱ་ངན་ལས་འདས་པའི་མདོ་སྡེ་འཆང་ངམ། འཛིན་ཏམ། ཀློག་གམ། འདོན་ཏམ། གླེགས་བམ་དུ་འདྲིའམ། སྟོན་ཅིང་འཆད་པ་གང་ཞིག་ཚུལ་ཁྲིམས་ཉམས་ན་གཞན་གྱིས་བརྙས་ཤིང་སྨོད་དེ། དེ་དག་འདི་སྐད་དུ་གལ་ཏེ་སངས་རྒྱས་
D119.052.0277b03.01ཀྱིས་དགོངས་པའི་སྙིང་པོ་ཡོངས་སུ་མྱ་ངན་ལས་འདས་པ་ཆེན་པོའི་མདོ་མཐུ་དང་ལྡན་པ་ཞིག་ཡིན་ན། ཅིའི་ཕྱིར་ཚུལ་ཁྲིམས་མནོས་པ་ཉམས་པར་འགྱུར་ཞེས་ཟེར་རོ། །ཅི་སྟེ་གང་ཞིག་མྱ་ངན་ལས་འདས་པའི་མདོ་འཆང་ངམ་འཛིན་པ་ལ་ཚུལ་ཁྲིམས་ཉམས་ན་དེ་ནི་མདོ་སྡེ་
D119.052.0277b04.01མཐུ་མེད་པར་རིག་པར་བྱ་སྟེ། གལ་ཏེ་མཐུ་མེད་ན་ཀློག་གམ་འདོན་ཀྱང་ཕན་པའི་དོན་དུ་མི་འགྱུར་ཏེ། དེ་ལྟར་མྱ་ངན་ལས་འདས་པའི་མདོ་སྡེ་ལ་བརྙས་སྨད་པས་སེམས་ཅན་ཚད་མེད་མཐའ་ཡས་པ་སྙེད་སེམས་ཅན་དམྱལ་བར་ལྟུང་བར་བྱེད་དོ། །ཅི་སྟེ་མདོ་སྡེ་འདི་ཉིད་འཆང་
D119.052.0277b05.01ངམ་འཛིན་པ་དེ་ཚུལ་ཁྲིམས་ཉམས་པར་བྱེད་ན་དེ་ནི་སེམས་ཅན་གྱི་སྡིག་པའི་བཤེས་གཉེན་ཡིན་ཏེ། ངའི་ཉེ་གནས་མ་ཡིན་གྱི་བདུད་ཀྱི་འཁོར་ཡིན་ནོ། །གང་ཟག་དེ་ནི་མདོ་སྡེ་འདི་ཉིད་འཆང་ངམ། འཛིན་ཏམ། ཉན་དུ་ཡང་མ་གནང་གི་ཉིས་ན་མ་བཅངས། མ་བཟུང་། མ་
D119.052.0277b06.01བསྒོམས་ཀྱང་སླའི། ཚུལ་ཁྲིམས་ཉམས་པས་འཆང་ངམ། འཛིན་ཏམ་སྒྲུབ་པར་བྱེད་པ་མ་ཡིན་ནོ། །རིགས་ཀྱི་བུ་ངའི་ཉེ་གནས་ལས་ཡོངས་སུ་མྱ་ངན་ལས་འདས་པའི་མདོ་སྡེ་འཆང་ངམ། འཛིན་ཏམ། ཀློག་གམ། འདོན་ཏམ། གླེགས་བམ་དུ་འདྲི་བའམ། སྟོན་ཅིང་
D119.052.0277b07.01