完整藏文原文 · 德格版页 当前仅加载第 52 函德格 305a 版页；藏文 NFD、目录标记与异常页序保留在来源切片中，重复版页行以稳定序号区分。
པས་ཉ་སྐམ་སར་ཕྱུང་ན་དགའ་བ་ལྟ་ག་ལ་ཞིག་ཡོད། །{རི་དགས་,རི་དྭགས་}རྙི་ལ་ཐོགས་ན་དགའ་བའི་སེམས་མེད་པའམ། ཇི་ལྟར་གང་ཟག་གིས་རིང་པོར་མི་ཐོགས་པར་ཤི་བར་ཤེས་པའམ། རྒྱལ་པོ་སྲིད་སྟོར་བ་ཡུལ་གཞན་དུ་བྲོས་པའམ། ནད་ཚབས་པོ་ཆེས་བཏབ་པ་ལས་
D119.052.0305a01.01གསོར་མི་རུང་ཞེས་ཐོས་པའམ། ཁྲིམས་བཤིག་པ་ཁ་ན་མ་ཐོ་བའི་ལས་ཡོད་པར་ཐོས་པ་དང་འདྲའོ། །བདག་གིས་སྔོན་མཁས་པ་ཤེས་རབ་ཅན་དག་ལས་ཐོས་ན་ལུས་དང་ངག་དང་ཡིད་ཀྱི་ལས་ཡོངས་སུ་མ་དག་ན། གང་ཟག་དེ་ནི་གདོན་མི་ཟ་བར་སེམས་ཅན་དམྱལ་བར་ལྟུང་
D119.052.0305a02.01ངོ་ཞེས་ཐོས་པས། བདག་ཀྱང་གདོན་མི་ཟ་བར་སེམས་ཅན་དམྱལ་བར་ལྟུང་ན་བདེ་བར་ཉལ་བའི་གཏོལ་ག་ལ་ཞིག་ཡོད། ད་བདག་བླ་ན་མེད་པའི་སྨན་པ་ཆེན་པོ་ཆོས་ཀྱི་སྨན་གཏོང་བ་བདག་གི་ནད་ཀྱི་སྡུག་བསྔལ་གསོ་བ་ཡང་མེད་དོ། །འཚོ་བྱེད་ཀྱིས་སྨྲས་པ། རྒྱལ་པོ་
D119.052.0305a03.01ཆེན་པོ་ལེགས་སོ་ཤིན་ཏུ་ལེགས་སོ། །རྒྱལ་པོས་འདི་ལྟར་ཁ་ན་མ་ཐོ་བའི་ལས་བྱས་ཀྱང་ཤིན་ཏུ་འགྱོད་པའི་སེམས་སྐྱེས་ཏེ། ཁྲེལ་བ་དང་འཛེམ་པའི་སེམས་དང་ལྡན་པ་ལེགས་སོ། །རྒྱལ་པོ་ཆེན་པོ་སངས་རྒྱས་བཅོམ་ལྡན་འདས་ནི་རྟག་ཏུ་འདི་སྐད་ཅེས་གསུང་ངོ་། །རྣམ་པར་དཀར་
D119.052.0305a04.01བའི་ཆོས་འདི་གཉིས་ཀྱིས་སེམས་ཅན་གྱི་མགོན་དང་སྐྱབས་སུ་འགྱུར་རོ། །གཉིས་གང་ཞེ་ན་ཁྲེལ་བ་དང་འཛེམ་པའོ། །འཛེམ་པ་ནི་བདག་ཁ་ན་མ་ཐོ་བའི་ལས་མི་བྱེད་དོ། །ཁྲེལ་བ་ནི་གཞན་བྱེད་དུ་མི་འཛུད་པའོ། །འཛེམ་པ་ནི་བདག་ངོ་ཚ་བར་བྱེད་པའོ། །ཁྲེལ་བ་ནི་ཕ་
D119.052.0305a05.01རོལ་ལ་འགྱོད་ཅིང་མཐོལ་བའོ། །འཛེམ་པ་ནི་མི་ལ་ངོ་ཚ་བའོ། །ཁྲེལ་བ་ནི་ལྷ་ལ་ངོ་ཚ་བ་སྟེ། དེ་ནི་འཛེམ་པ་དང་ཁྲེལ་བ་ཞེས་བྱའོ། །འཛེམ་པ་དང་ཁྲེལ་བ་མེད་པ་ནི་མི་ཞེས་མི་བྱ་སྟེ་བྱོལ་སོང་ཞེས་བྱའོ། །འཛེམ་པ་དང་ཁྲེལ་བར་ལྡན་པའི་ཕྱིར་ཕ་མ་དང་། སློབ་དཔོན་ལ་
D119.052.0305a06.01བཀུར་སྟི་བྱེད་དོ། །ཁྲེལ་བ་དང་འཛེམ་པར་ལྡན་པའི་ཕྱིར་ཕ་མ་དང་། ཕུ་ནུ་དང་མིང་སྲིང་ཡོད་པར་སྨྲའོ། །རྒྱལ་པོ་ཆེན་པོ་འཛེམ་པ་དང་ཁྲེལ་བར་ལྡན་པ་ལེགས་སོ། །རྒྱལ་པོ་ཆེན་པོ་རེ་ཞིག་བདག་གིས་སངས་རྒྱས་བཅོམ་ལྡན་འདས་ལས་ཐོས་པ་གསོན་ཅིག །ཤེས་རབ་
D119.052.0305a07.01