完整藏文原文 · 德格版页 当前仅加载第 52 函德格 250a 版页；藏文 NFD、目录标记与异常页序保留在来源切片中，重复版页行以稳定序号区分。
མ་འདིར་མི་འོང་བར་འགྱུར། གཅེར་བུ་པས་སྨྲས་པ། དགེ་སྦྱོང་གཽ་ཏ་མ་ནི་རང་བཞིན་གྱིས་ནགས་ཚལ་དང་། ཆུ་མིག་དང་། འབབ་ཆུ་ལ་དགའ་བའི་རིགས་ཀྱིས་གྲོང་ཕྱི་ན་ཅི་ཡོད་པ་ཐམས་ཅད་བཅད་དེ་མེད་པར་བྱ་དགོས་ཀྱིས། ཁྱེད་རྣམས་སོ་སོ་ནས་གྲོང་
D119.052.0250a01.01ཁྱེར་གྱི་ཕྱི་རོལ་དུ་དེང་ལ་སྐྱེད་ཤིང་གཅིག་ཀྱང་མ་ལུས་པར་ཆོད་ཅིག །ཆུ་མིག་དང་། ཁྲོན་པ་དང་། འབབ་ཆུ་ཀུན་ཡང་མི་གཙང་བ་དང་། ངན་སྐྱུགས་ཀྱིས་ཁོང་ཤིག །ཕྱིར་ལོག་ལ་གྲོང་ཁྱེར་གྱི་སྒོ་དམ་དུ་བཅད་ལ་དགྲ་ཆ་བཤམས་ཏེ་གྲོང་ཁྱེར་བསྲུངས་ལ་ཅི་ནས་ཀྱང་
D119.052.0250a02.01མི་ཆུད་པར་བྱའོ། །གལ་ཏེ་གནས་འདིར་མ་ཆུད་ན་ཁྱེད་ཀྱང་གདོད་བདེ་བར་འགྱུར་རོ། །བདག་ཅག་ཀྱང་ཅི་ནུས་ཀྱིས་དགེ་སྦྱོང་གཽ་ཏ་མ་ཕྱིར་བཟློག་པའི་ཆོ་ག་བྱའོ་ཞེས་སྨྲས་ནས་དེ་དག་ཀྱང་བསྒོ་བ་བཞིན་དུ་མཉན་ཏེ། ཤིང་ཐམས་ཅད་ཀྱང་བཅད། ཆུ་ཡང་བསྐམས་
D119.052.0250a03.01ནས་དགྲ་ཆ་བཤམས་ཏེ་གྲོང་ཁྱེར་བསྲུང་ངོ་། །རིགས་ཀྱི་བུ་དེའི་ཚེ་ང་གྲོང་ཁྱེར་དེར་ཕྱིན་པ་ན། ནགས་ཚལ་དང་། སྐྱེད་ཤིང་ནི་གཅིག་ཀྱང་མི་སྣང་གི །མི་མང་པོ་མཚོན་ཆ་ཐོགས་ཏེ་སྡོད་པ་མཐོང་ངོ་། །དེ་ལྟ་བུ་དག་མཐོང་བ་དང་ཤིན་ཏུ་ཐུགས་བརྩེ་ནས་བྱམས་པའི་
D119.052.0250a04.01ཐུགས་བསྐྱེད་པས། ནགས་ཚལ་དང་། སྐྱེད་ཤིང་ཐམས་ཅད་ཀྱང་ཕྱིར་སྐྱེས་ཏེ། དེ་མ་ཡིན་པ་གཞན་ཡང་དཔག་ཏུ་མེད་པའི་ཤིང་རྣམས་སྐྱེས་ལ། ཆུ་མིག་དང་། རྫིང་བུ་དང་། ཁྲོན་པ་དང་། འབབ་ཆུ་ཐམས་ཅད་ཀྱང་ཤིན་ཏུ་གསལ་ཞིང་དང་བ་ནི་བཻ་དཱུརྱ་སྔོན་པོ་ལྟ་
D119.052.0250a05.01བུར་གྱུར་ནས། ཀུན་ཏུ་གང་ཞིང་ལུད་དེ། མེ་ཏོག་རྣམ་པ་སྣ་ཚོགས་ཀྱིས་ཀྱང་ཡོངས་སུ་ཁེབས་པར་གྱུར་ཏོ། །གྲོང་ཁྱེར་དེའི་ངོས་ཀྱི་ར་བ་ཡང་བཻ་དཱུརྱ་མཐོན་མཐིང་ལྟ་བུར་གྱུར་ཏེ། གྲོང་ཁྱེར་དེ་ན་གནས་པ་ཐམས་ཅད་ཀྱིས་ཐལ་བྱུང་དུ་ང་འཁོར་དང་བཅས་པ་ཡང་
D119.052.0250a06.01གསལ་བར་མཐོང་ངོ་། །གྲོང་ཁྱེར་གྱི་སྒོ་དེ་ཡང་རང་བྱེ་ནས་ཐོགས་པར་མ་གྱུར། མཚོན་ཆ་རྣམས་ཀྱང་མེ་ཏོག་སྣ་ཚོགས་སུ་གྱུར་ཏེ། ཁྱིམ་བདག་འདོད་པས་གཙོ་བོར་བྱས་ནས་མི་ཐམས་ཅད་འཁོར་དང་བཅས་ཏེ། བཅོམ་ལྡན་འདས་ཀྱི་སྤྱན་སྔར་ལྷགས་སོ། །ངས་
D119.052.0250a07.01