完整藏文原文 · 德格版页 当前仅加载第 52 函德格 251b 版页；藏文 NFD、目录标记与异常页序保留在来源切片中，重复版页行以稳定序号区分。
མང་དུ་འཐུངས་པ་ལས་{གླད་པ་,ཀླད་པ་}ན་ཞིང་སྦོས་པར་གྱུར་ཏེ། ཤིན་ཏུ་མི་བཟད་པའི་སྡུག་བསྔལ་ཆེན་པོ་མྱོང་སྟེ། འདི་སྐད་དུ་སངས་རྒྱས་ལ་ཕྱག་འཚལ་ལོ། །སངས་རྒྱས་ལ་ཕྱག་འཚལ་ལོ་ཞེས་བོས་སོ། །དེའི་ཚེ་ན་ང་གྲོང་ཁྱེར་ཨུ་ད་ནི་ན་བཞུགས་པ་ལས། དེ་སྐད་ཅེས་བོས་
D119.052.0251b01.01པའི་སྒྲ་ཐོས་ནས་ཤིན་ཏུ་བྱམས་པའི་སེམས་སྐྱེས་པས་དེའི་ཚེ་ལྷ་སྦྱིན་གྱིས་ང་མཐོང་བར་གྱུར་ཏོ། །དེའི་ཚེ་ང་ཡང་དེར་གཤེགས་ནས་ཕྱག་གིས་མགོ་དང་ལྟོ་བ་ལ་བྱུགས་ཏེ། ལྒའི་ཁུ་བ་བླུད་ནས་འཐུངས་མ་ཐག་ཏུ་སོས་པར་གྱུར་ཏོ། །རིགས་ཀྱི་བུ་དེའི་ཚེ་ན་ཡང་དག་པར་
D119.052.0251b02.01ལྷ་སྦྱིན་གྱི་དྲུང་དུ་གཤེགས་པ་ཡང་མེད་ལ། ཕྱག་གིས་མགོ་དང་ལྟོ་བ་ལ་བྱུགས་པའམ། ལྒའི་ཁུ་བ་ཡང་བླུད་པ་མེད་མོད་ཀྱི། རིགས་ཀྱི་བུ་དེ་ཡང་བྱམས་པའི་དགེ་བའི་རྩ་བའི་ཤུགས་ཀྱིས་ལྷ་སྦྱིན་གྱིས་དངོས་པོ་དེ་དག་མཐོང་བར་རིག་པར་བྱའོ། །རིགས་ཀྱི་བུ་
D119.052.0251b03.01གཞན་ཡང་ཡུལ་ཀོ་ས་ལར་མི་རྒོད་མ་རུངས་པ་ལྔ་བརྒྱ་ཙམ་ཞིག་བསྡོངས་ཤིང་ཆོམ་ཤོད་བྱེད་དེ་ཤིན་ཏུ་གནོད་པར་གྱུར་ནས་རྒྱལ་པོ་སྡེ་རབ་ཏུ་ཕམ་བྱེད་ཀྱིས་དམག་གིས་བཏབ་སྟེ། ཐམས་ཅད་བཟུང་ནས་མིག་ཕྱུང་སྟེ། ནགས་ཚལ་སྟུག་པོར་བཞག་གོ། །དེའི་ཚེ་ན་མི་རྒོད་
D119.052.0251b04.01མ་རུངས་པ་དེ་དག་སྔོན་སངས་རྒྱས་རྣམས་ལ་དགེ་བའི་རྩ་བ་བསྐྱེད་པ་ཤ་སྟག་སྟེ། དེ་ལྟར་མིག་ཕྱུང་བས་ཤིན་ཏུ་སྡུག་བསྔལ་ཆེན་པོ་མྱོང་བར་གྱུར་པས་འདི་སྐད་དུ་སངས་རྒྱས་ལ་ཕྱག་འཚལ་ལོ། །སངས་རྒྱས་ལ་ཕྱག་འཚལ་ལོ་ཞེས་བོས་སོ། །བདག་ཅག་ལ་
D119.052.0251b05.01མགོན་དང་སྐྱབས་བགྱིད་པ་མ་མཆིས་ཏེ། དཔུང་གཉེན་མ་མཆིས་སོ་ཞེས་ཆོ་ངེ་བཏབ་སྟེ་ངུས་སོ། །དེའི་ཚེ་ན་ང་རྒྱལ་བུ་ཛེ་ཏའི་ཚལ་ན་བཞུགས་པ་ལས་དེ་སྐད་ཅེས་འབོད་པའི་སྒྲ་ཐོས་ནས་ཤིན་ཏུ་བྱམས་པའི་ཐུགས་བསྐྱེད་དེ། དེའི་ཚེ་ན་ཤིན་ཏུ་བསིལ་བའི་རླུང་གིས་
D119.052.0251b06.01རི་བསུང་ཅན་ལས་སྨན་བདུད་རྩི་ལྟ་བུ་རྣམ་པ་སྣ་ཚོགས་ཀྱིས་མིག་ཏུ་བཀང་ནས་ཕྱིར་སོས་བཞིན་དུ་མཐོང་བར་གྱུར་ཏོ། །མི་རྒོད་མ་རུངས་པ་དེ་དག་དེ་ལྟར་མིག་ཕྱེ་མ་ཐག་ཏུ་དེ་བཞིན་གཤེགས་པ་མཐོང་བར་གྱུར་ཏོ། །དེ་ནས་མི་རྒོད་མ་རུངས་པ་དེ་དག་ལ་དམ་པའི་ཆོས་བསྟན་
D119.052.0251b07.01