完整藏文原文 · 德格版页 当前仅加载第 52 函德格 37a 版页；藏文 NFD、目录标记与异常页序保留在来源切片中，重复版页行以稳定序号区分。
སྨན་པ་དེ་བཀུག་སྟེ་འདི་ལྟར་ང་ནི་ནད་ཀྱིས་ཤིན་ཏུ་སྡུག་བསྔལ་བར་གྱུར་ན་ཇི་ལྟར་གསོ་ཞེས་སྨྲས་པ་དང་། སྨན་པ་དེས་རྒྱལ་པོའི་ནད་བལྟས་ན་སྨན་དུ་འོ་མ་དགོས་པ་འདྲ་ནས། རྒྱལ་པོ་ལ་གསོལ་པ། རྒྱལ་པོའི་ནད་ཐབས་དང་སྦྱར་ན་སྨན་དུ་འོ་མ་
D119.052.0037a01.01གཏང་འཚལ་ཏེ། བདག་གིས་སྔར་སྨན་དུ་འོ་མ་གཏང་དུ་མི་རུང་ཞེས་གསོལ་བ་{བརྫུན་,རྫུན་}དུ་གྱུར་ཏེ། སྨན་དུ་འོ་མ་ལས་བཟང་བ་མ་མཆིས་ལ། རྒྱལ་པོའི་ནད་ཀྱང་ཚ་བ་ལས་གྱུར་པས། སྨན་དུ་འོ་མ་བཏང་ན་བཟང་ངོ་། །རྒྱལ་པོས་སྨྲས་པ། སྨན་པ་ཁྱོད་
D119.052.0037a02.01འོན་ཏེ་མྱོས་སམ། ཚ་བའི་ནད་ཀྱིས་བཏབ་ན་ནད་འདི་ལ་འོ་མ་ཕན་ནོ། །ཞེས་སྨྲ། ཁྱོད་ཀྱིས་སྔར་འོ་མ་ལ་དུག་ཡོད་དོ་ཞེས་སྨྲས་ན། ད་ཇི་ལྟར་བཏུང་། ཁྱོད་ཀྱིས་ང་ལ་བགམ་མམ། སྨན་པ་སྔ་མས་བསྔགས་པ་ལ་དུག་ཡོད་དོ་ཞེས་བྱས་པས་སྨན་པ་གཅིག་
D119.052.0037a03.01བསྐྲད་པའི་འོག་ཏུ་ད་ཡང་ན་བ་ལ་སྨན་དུ་འོ་མ་བཟང་ངོ་ཞེས་ཁྱོད་སྨྲ་བ་དང་སྦྱར་ན། ངའི་སྨན་པ་རྙིང་པ་ནི་ཁྱོད་པས་མཁས་ངེས་སོ། །དེ་ནས་སྨན་པས་ཡང་རྒྱལ་པོ་ལ་འདི་སྐད་ཅེས་གསོལ་ཏོ། །རྒྱལ་པོ་དེ་སྐད་མ་གསུངས་ཤིག །དཔེར་ན་སྲིན་བུ་ཤིང་ཟན་
D119.052.0037a04.01གྱི་རྗེས་ལས་ཡི་གེར་རུང་བའང་ཡོད་དོ། །སྲིན་བུས་ནི་ཡི་གེ་ཡིན་ནམ་མ་ཡིན་པ་མི་ཤེས་ཀྱི། དེ་ལ་མཁས་པ་ཤེས་རབ་ཅན་གྱིས་མཐོང་ན། སྲིན་བུ་ཡི་གེ་ཤེས་སོ་ཞེས་ངོ་མཚར་དུ་མི་འཛིན་ཏོ། །རྒྱལ་པོ་ཆེན་པོ་སྨན་པ་སྔ་མ་ཡང་དེ་དང་འདྲ་སྟེ། ནད་རྣམས་
D119.052.0037a05.01མི་རྟོགས་པས་ཐམས་ཅད་ལ་སྨན་འོ་མ་གཏོང་བ་ནི་ཇི་ལྟར་སྲིན་བུའི་རྗེས་ལས་ཡི་གེར་འགྱུར་བ་བཞིན་ཏེ། སྨན་པ་སྔ་མས་ནི་འོ་མ་བཟང་ངན་དང་། རུང་མི་རུང་ཡང་མི་ཤེས་སོ། །རྒྱལ་པོས་སྨྲས་པ། སྨན་པ་སྔ་མས་ཇི་ལྟ་བུར་མི་ཤེས། སྨན་པས་སྨྲས་
D119.052.0037a06.01པ། སྨན་འོ་མ་ཞེས་བྱ་བ་ནི་གདུག་པ་ཡང་ལགས་ལ། བདུད་རྩི་ཡང་ལགས་སོ། །དེ་ལ་ཇི་ལྟར་ན་འོ་མ་དེ་གདུག་པ་ཡང་ཡིན་ལ། བདུད་རྩི་ཡང་ཡིན་ཞེ་ན། གལ་ཏེ་བ་ཉིད་སྤང་མ་དང་། རྩྭ་སྦྱིན་པ་དང་། ཕུབ་མ་མ་ཟོས་ལ། བེའུ་ཡང་ཤིན་
D119.052.0037a07.01