完整藏文原文 · 德格版页 当前仅加载第 52 函德格 134a 版页；藏文 NFD、目录标记与异常页序保留在来源切片中，重复版页行以稳定序号区分。
ལས་འདས་པའི་མདོ་འདི་མ་ཐོས་ན་ཐམས་ཅད་མི་རྟག་ཅེས་སྨྲའོ། །མདོ་སྡེ་འདི་ཐོས་ནས་ཉོན་མོངས་པ་དང་བཅས་ཀྱང་ཉོན་མོངས་པ་མེད་པ་དང་འདྲ་སྟེ། ལྷ་དང་མི་ཐམས་ཅད་ལ་ཕན་པ་དང་བདེ་བའི་དོན་དུ་འགྱུར་རོ། །དེ་ཅིའི་ཕྱིར་ཞེ་ན།
D119.052.0134a01.01བདག་གི་ལུས་ལ་སངས་རྒྱས་ཀྱི་རང་བཞིན་ཡོད་པར་རྟོགས་པས་རྟག་པ་ཞེས་བྱའོ། །རིགས་ཀྱི་བུ་གཞན་ཡང་དཔེར་ན་འབབ་ཆུ་ཐམས་ཅད་ནི་རྒྱ་མཚོར་འབབ་བོ། །དེ་བཞིན་དུ་མདོ་སྡེ་ཐམས་ཅད་ཀྱི་ཏིང་ངེ་འཛིན་ཀྱང་ཐེག་པ་ཆེན་པོ་ཡོངས་སུ་མྱ་ངན་ལས་འདས་པའི་མདོ་
D119.052.0134a02.01སྡེ་འདི་ལ་འབབ་བོ། །དེ་ཅིའི་ཕྱིར་ཞེ་ན། མཐར་སངས་རྒྱས་ཀྱི་རང་བཞིན་ཡོད་པར་ལེགས་པར་གསུངས་པའི་ཕྱིར་རོ། །རིགས་ཀྱི་བུ་དེ་བས་ན་རྟག་པའི་ཆོས་ཀྱང་གཞན་ལ། མི་རྟག་པའི་ཆོས་ཀྱང་གཞན་ཞེས་ངས་གསུངས་ཏེ། བདག་མེད་པའི་བར་དུ་ཡང་
D119.052.0134a03.01དེ་བཞིན་དུ་རྒྱས་པར་རིག་པར་བྱའོ། །བྱང་ཆུབ་སེམས་དཔའ་འོད་སྲུང་གིས་བཅོམ་ལྡན་འདས་ལ་གསོལ་པ། བཅོམ་ལྡན་འདས་དེ་བཞིན་གཤེགས་པ་ནི་སློས་པའི་མྱ་ངན་གྱི་ཟུག་རྔུ་དང་བྲལ་བའོ། །སློས་པའི་མྱ་ངན་ཅན་ནི་གནམ་གྱི་ལྷ་ལགས་ཏེ། དེ་བཞིན་
D119.052.0134a04.01གཤེགས་པ་ནི་ལྷ་མ་ལགས་སོ། །སློས་པའི་མྱ་ངན་ནི་མི་ལགས་ཏེ། དེ་བཞིན་གཤེགས་པ་ནི་མི་མ་ལགས་སོ། །སློས་པའི་མྱ་ངན་ཅན་ནི་སྲིད་པ་ཉི་ཤུ་ལྔ་པོ་ལགས་ཏེ། དེ་བཞིན་གཤེགས་པ་ནི་སྲིད་པ་ཉི་ཤུ་ལྔ་པོ་མ་ལགས་སོ། །དེ་བས་ན་དེ་བཞིན་
D119.052.0134a05.01གཤེགས་པ་ལ་སློས་པའི་མྱ་ངན་མི་མངའ་ན་ཅིའི་སླད་དུ་དེ་བཞིན་གཤེགས་པ་ལ་སློས་པའི་མྱ་ངན་མངའ་ཞེས་བསྒྲགས་ཤིང་གསུངས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་འདུ་ཤེས་མེད་པའི་ལྷ་ནི་འདུ་ཤེས་མེད་པ་ཞེས་བྱའོ། །གལ་ཏེ་འདུ་ཤེས་
D119.052.0134a06.01མེད་ན་འཚོ་བའི་སྲོག་ཀྱང་མེད་དོ། །གལ་ཏེ་འཚོ་བའི་སྲོག་མེད་ན་ཕུང་པོ་དང་ཁམས་དང་སྐྱེ་མཆེད་ག་ལ་ཞིག་ཡོད་དེ། དེ་བས་ན་འདུ་ཤེས་མེད་པའི་ལྷའི་སྲོག་ནི་འདི་ན་གནས་སོ་ཞེས་སྨྲར་མི་རུང་ངོ་། །རིགས་ཀྱི་བུ་དཔེར་ན་ཤིང་གི་ལྷ་ལྟ་བུ་ཤིང་ལ་གནས་ཀྱང་ཡལ་
D119.052.0134a07.01