完整藏文原文 · 德格版页 当前仅加载第 52 函德格 276b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཞིག་བདག་གི་བཞིན་མཐོང་ན་རབ་ཏུ་དགའ་བའི་སེམས་སྐྱེའོ། །ཚུལ་ཁྲིམས་ཡོངས་སུ་དག་པ་ཡང་དེ་དང་འདྲའོ། །རིགས་ཀྱི་བུ་ཚུལ་ཁྲིམས་ངན་པ་ཅན་ནི་ཚུལ་ཁྲིམས་ཡོངས་སུ་མ་དག་པས་ན་དགའ་བའི་སེམས་མི་སྐྱེའོ། །དཔེར་ན་བཞིན་མི་སྡུག་པ་ཞིག་བདག་
D119.052.0276b01.01གི་བཞིན་མཐོང་ན་དགའ་བའི་སེམས་མི་སྐྱེ་བ་ལྟར་ཚུལ་ཁྲིམས་ངན་པ་ཅན་ཡང་དེ་དང་འདྲའོ། །རིགས་ཀྱི་བུ་དཔེར་ན་བུད་མེད་རྫེའུ་ཐོགས་པ་གཉིས་ཤིག་གཅིག་ནི་ཞོའི་བུམ་པ་ཐོགས་ལ། གཅིག་ནི་དར་བའི་བུམ་པ་ཐོགས་ཏེ། གཉིས་ཀ་འགྲོགས་ནས་ཚོང་འདུས་སུ་ཆས་
D119.052.0276b02.01པ་ལས་ལམ་དུ་རྡེག་འཆོས་ཏེ། བུམ་པ་གཉིས་ཀ་ཆག་ན་གཅིག་ནི་དགའ། གཅིག་ནི་མི་དགའོ། །ཚུལ་ཁྲིམས་དང་ལྡན་པ་དང་། ཚུལ་ཁྲིམས་ཉམས་པ་ཡང་དེ་དང་འདྲའོ། །ཚུལ་ཁྲིམས་ཡོངས་སུ་དག་པ་ནི་སེམས་རབ་ཏུ་དགའ་བར་འགྱུར་རོ། །སེམས་རབ་ཏུ་དགའ་
D119.052.0276b03.01བས་ན་དེ་འདི་སྙམ་དུ་སེམས་སོ། །སངས་རྒྱས་བཅོམ་ལྡན་འདས་ཀྱིས་ཡོངས་སུ་མྱ་ངན་ལས་འདས་པ་ལས་གང་གིས་ཚུལ་ཁྲིམས་ཡོངས་སུ་དག་པར་བསྲུངས་ན་མྱ་ངན་ལས་འདའ་བར་འགྱུར་རོ་ཞེས་གསུངས་ཏེ། བདག་གིས་ཀྱང་ཚུལ་ཁྲིམས་ཡོངས་སུ་དག་པར་
D119.052.0276b04.01ནན་ཏན་བྱས་ན་འཐོབ་པར་འགྱུར་རོ་སྙམ་སེམས་ཏེ། དེའི་རྒྱུ་དེའི་རྐྱེན་གྱིས་ན་སེམས་རབ་ཏུ་དགའ་བར་འགྱུར་རོ། །བྱང་ཆུབ་སེམས་དཔའ་འོད་སྲུང་གིས་ཡང་གསོལ་པ། བཅོམ་ལྡན་འདས་དགའ་བ་དང་བདེ་བ་ཞེས་བགྱི་བ་ལ་ཁྱད་པར་ཅི་མཆིས། བཅོམ་ལྡན་
D119.052.0276b05.01འདས་ཀྱིས་བཀའ་སྩལ་པ། རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཁ་ན་མ་ཐོ་བར་འགྱུར་བའི་སྡིག་པ་མི་བྱེད་པས་ན་དགའ་བ་ཞེས་བྱའོ། །ཡོངས་སུ་དགའ་བའི་སེམས་ཀྱིས་ཚུལ་ཁྲིམས་སྲུང་བ་ནི་བདེ་བ་ཞེས་བྱའོ། །རིགས་ཀྱི་བུ་བྱང་ཆུབ་སེམས་
D119.052.0276b06.01དཔའ་སེམས་དཔའ་ཆེན་པོས་འཁོར་བ་ཤིན་ཏུ་རྟོགས་པས་དགའ་བ་ཞེས་བྱའོ། །ཡོངས་སུ་མྱ་ངན་ལས་འདས་པ་ཆེན་པོ་ཐོབ་པས་བདེ་བ་ཞེས་བྱའོ། །ཐ་མ་ནི་དགའ་བ་ཞེས་བྱའོ། །མཆོག་ནི་བདེ་བ་ཞེས་བྱའོ། །འཇིག་རྟེན་དང་འདྲེས་པའི་ཆོས་ཡོངས་སུ་སྤངས་པ་ནི་དགའ་
D119.052.0276b07.01