完整藏文原文 · 德格版页 当前仅加载第 52 函德格 82a 版页；藏文 NFD、目录标记与异常页序保留在来源切片中，重复版页行以稳定序号区分。
སྟེ། དེ་ལྟར་རྣམ་པར་གྲོལ་བ་དེ་ནི་དེ་བཞིན་གཤེགས་པའོ། །གཞན་ཡང་རྣམ་པར་གྲོལ་བ་ནི་ཅིར་ཡང་དགོས་ཏེ། དཔེར་ན་འཛམ་བུ་ཆུ་ཀླུང་གི་གསེར་ནི་ཅིར་ཡང་དགོས་ཏེ། དེ་ལ་ཉེས་པའི་སྐྱོན་གདགས་སུ་མེད་དོ། །རྣམ་པར་གྲོལ་བ་ཡང་དེ་དང་འདྲ་སྟེ་ཉེས་
D119.052.0082a01.01པའི་སྐྱོན་མེད་དོ། །ཉེས་པའི་སྐྱོན་མེད་པ་ནི་ཡང་དག་པར་རྣམ་པར་གྲོལ་བ་སྟེ། ཡང་དག་པར་རྣམ་པར་གྲོལ་བ་ནི་དེ་བཞིན་གཤེགས་པའོ། །གཞན་ཡང་རྣམ་པར་གྲོལ་བ་ཞེས་བྱ་བ་ནི་བུས་པ་ཤེད་མ་བྱེ་བའི་བྱ་བ་སྤངས་པའོ། །དཔེར་ན་སྐྱེས་བུ་ཆེན་པོ་ནི་བུས་པའི་བྱེད་པ་མི་བྱེད་དོ། །
D119.052.0082a02.01རྣམ་པར་གྲོལ་བ་ཡང་དེ་དང་འདྲ་སྟེ། ཕུང་པོ་ལྔ་ཡོངས་སུ་སྤངས་པའོ། །ཕུང་པོ་ལྔ་ཡོངས་སུ་སྤངས་པ་ནི་ཡང་དག་པར་རྣམ་པར་གྲོལ་བ་སྟེ། ཡང་དག་པར་རྣམ་པར་གྲོལ་བ་ནི་དེ་བཞིན་གཤེགས་པའོ། །གཞན་ཡང་རྣམ་པར་གྲོལ་བ་ནི་མཐར་ཕྱིན་པའོ། །དཔེར་ན་བཙོན་དོང་དུ་
D119.052.0082a03.01བཅུག་པ་དེ་ལས་ཐར་ན་སྔར་རབ་ཏུ་ཁྲུས་བྱས་ཏེ་གདོད་ཁྱིམ་དུ་འགྲོའོ། །རྣམ་པར་གྲོལ་བ་ཡང་དེ་དང་འདྲ་སྟེ། མཐར་ཡོངས་སུ་དག་པའོ། །མཐར་ཡོངས་སུ་དག་པ་ནི་ཡང་དག་པར་རྣམ་པར་གྲོལ་བའོ། །ཡང་དག་པར་རྣམ་པར་གྲོལ་བ་ནི་དེ་བཞིན་གཤེགས་པའོ། །གཞན་ཡང་རྣམ་
D119.052.0082a04.01པར་གྲོལ་བ་ནི་མ་བྱས་པར་བདེ་བའོ། །མ་བྱས་པར་བདེ་བ་ནི་འདོད་ཆགས་དང་། ཞེ་སྡང་དང་གཏི་མུག་ལ་སོགས་པ་ཐམས་ཅད་སྐྱུགས་པའི་ཕྱིར་རོ། །དཔེར་ན་མི་ཞིག་མ་ཚོར་བར་སྦྲུལ་གདུག་པས་ཟིན་ན་གདུག་པ་མེད་པར་བྱ་བའི་ཕྱིར་སྐྱུག་སྨན་གཏང་ངོ་། །སྐྱུགས་ན་དུག་མེད་པར་འགྱུར་ཏེ་
D119.052.0082a05.01ལུས་བདེའོ། །རྣམ་པར་གྲོལ་བ་ཡང་དེ་དང་འདྲ་སྟེ། ཀུན་ནས་ཉོན་མོངས་པའི་གདུག་པ་ཐམས་ཅད་སྐྱུགས་པས་ལུས་བདེ་བར་འགྱུར་ཏེ། མ་བྱས་པར་བདེ་བ་ཞེས་བྱའོ། །མ་བྱས་པར་བདེ་བ་ནི་ཡང་དག་པར་རྣམ་པར་གྲོལ་བ་སྟེ། ཡང་དག་པར་རྣམ་པར་གྲོལ་བ་ནི་དེ་བཞིན་གཤེགས་
D119.052.0082a06.01པའོ། །གཞན་ཡང་རྣམ་པར་གྲོལ་བ་ནི་ཉོན་མོངས་པ་རྣམ་པ་བཞིའི་སྦྲུལ་གདུག་པ་བཅད་པ་ཞེས་བྱའོ། །ཉོན་མོངས་པ་བཅད་པ་ནི་ཡང་དག་པར་རྣམ་པར་གྲོལ་བའོ། །ཡང་དག་པར་རྣམ་པར་གྲོལ་བ་ནི་དེ་བཞིན་གཤེགས་པའོ། །གཞན་ཡང་རྣམ་པར་གྲོལ་བ་ནི་སྲིད་པ་ཐམས་ཅད་སྤངས་
D119.052.0082a07.01