完整藏文原文 · 德格版页 当前仅加载第 52 函德格 262a 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་སེམས་དཔའ་སེམས་དཔའ་ཆེན་པོས་དེ་ལ་གནས་ན་ཤེས་བཞིན་དུ་མི་མཐོང་ངོ་། །གང་དག་ཤེས་ཞེ་ན། འདི་ལྟ་སྟེ་བདག་སྨྱུང་བར་བྱེད་པའི་ཆོས་དང་། ཆུར་མཆོང་བ་དང་། མེར་མཆོང་བ་དང་། བྲག་ལ་མཆོང་བ་དང་། རྐང་པ་ཡ་
D119.052.0262a01.01གཅིག་གིས་འགྲེང་བ་དང་། ཚ་བ་ལྔས་སྲེག་པ་དང་། ཐལ་ཁུང་དང་། ས་དང་ཚེར་ཕུང་དང་། ལོ་མ་དང་། རྩྭ་དང་། ལྕི་བའི་སྟེང་ན་ཉལ་བ་དང་། གོས་རྩུབ་པོ་གསོ་རས་གྱོན་པ་དང་། དུར་ཁྲོད་དང་། ཕྱག་དར་ཁྲོད་དུ་བོར་བའི་བར་བུར་གྱོན་པ་དང་། ཁམ་
D119.052.0262a02.01པ་ལ་གྱོན་པ་དང་། ཤ་བའི་པགས་པ་གྱོན་པ་དང་། ཤིང་ཤུན་དང་། རྩྭ་གྱོན་པ་དང་། རྩྭ་དང་འབྲས་བུ་ཟ་བ་དང་། པད་མོའི་རྩ་བ་དང་། སྣུམ་གྱི་ཞག་དང་བ་ལང་གི་ལྕི་བ་དང་། རྩ་བ་དང་འབྲས་བུ་ཟ་བ་དང་། གལ་ཏེ་སློང་ཞིང་ཟ་ན་ཡང་། ཁྱིམ་བདག་
D119.052.0262a03.01གཅིག་ལས་ལྷག་པར་མི་སློང་སྟེ། ཅི་སྟེ་མེད་ཅེས་བྱས་ན་ཐལ་བྱུང་དུ་འགྲོ་སྟེ། ཕྱིར་བོས་ཀྱང་འོང་དུ་མི་བཏུབ་པ་དང་། ལན་ཚྭ་དང་། ཤ་དང་བའི་འོ་མ་ལས་གྱུར་པའི་རོ་རྣམ་པ་ལྔ་མྱོང་བར་མི་བྱེད་པ་དང་། རྟག་ཏུ་ཕུབ་མ་ཟ་ཞིང་ཆུ་ཚན་འཐུང་བ་དང་། བ་ལང་
D119.052.0262a04.01གི་དཀའ་ཐུབ་དང་། ཁྱི་དང་བྱ་དང་ཕག་གི་དཀའ་ཐུབ་ལེན་པ་དང་། ལུས་ལ་ཐལ་བ་སྐུས་པ་དང་། སྐྲ་སྐྱེད་པས་མཚན་མར་འཛིན་པ་དང་། ལུག་གིས་ལྷ་རྗེད་ཅིང་དེའི་འོག་ཏུ་གསོད་པ་དང་། ཟླ་བ་བཞི་མི་རྗེད་པ་དང་ཞག་བདུན་རླུང་ཟ་བ་དང་། མེ་ཏོག་
D119.052.0262a05.01རྣམ་པ་བརྒྱ་སྟོང་གིས་ལྷ་རྣམས་ལ་མཆོད་དེ། དེའི་རྐྱེན་གྱིས་འདོད་པ་ཐམས་ཅད་འགྲུབ་བོ་ཞེས་ཟེར་བ་དང་། དེ་ལ་སོགས་པ་ཆོས་འདི་དག་ནི་བླ་ན་མེད་པ་རྣམ་པར་ཐར་བའི་རྒྱུར་འགྱུར་བའི་གནས་མེད་དོ། །དེ་དག་ནི་ཤེས་པར་བྱ་བ་ཞེས་བྱའོ། །དེ་ལ་མི་
D119.052.0262a06.01མཐོང་བ་ནི་བྱང་ཆུབ་སེམས་དཔའ་སེམས་དཔའ་ཆེན་པོས་གང་ཟག་གཅིག་ཙམ་ཡང་ཆོས་དེ་དག་བྱས་པས་ཡང་དག་པར་རྣམ་པར་ཐར་པ་མ་མཐོང་བས་ན་མི་མཐོང་བ་ཞེས་བྱའོ། །རིགས་ཀྱི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་བཞིན་
D119.052.0262a07.01