完整藏文原文 · 德格版页 当前仅加载第 52 函德格 207b 版页；藏文 NFD、目录标记与异常页序保留在来源切片中，重复版页行以稳定序号区分。
ལམ་ཡང་དེ་དང་འདྲ་བར་གཅིག་སྟེ། གཉིས་སུ་མེད་མོད་ཀྱི། དེ་བཞིན་གཤེགས་པས་སེམས་ཅན་དག་གདུལ་བའི་ཕྱིར་རྣམ་པ་སྣ་ཚོགས་སུ་ཕྱེ་ཞིང་བསྟན་པ་ཡིན་ནོ། །རིགས་ཀྱི་བུ་གཞན་ཡང་འདི་ལྟ་སྟེ་དཔེར་ན། གཟུགས་ལྟ་བུ་གཅིག་ལ་མིག་
D119.052.0207b01.01གིས་མཐོང་བའི་སྐབས་སུ་ནི་གཟུགས་ཞེས་བྱ། རྣ་བས་ཐོས་པའི་སྐབས་སུ་ནི་སྒྲ་ཞེས་བཏགས། སྣས་སྣོམ་པའི་ཚེ་ནི་དྲི་ཞེས་བྱ། ལྕེས་མྱོང་བའི་དུས་སུ་ནི་རོ་ཞེས་བྱ། ལུས་ཀྱིས་ཚོར་བའི་སྐབས་སུ་ནི་རེག་བྱ་ཞེས་བཏགས་སོ། །རིགས་ཀྱི་བུ་ལམ་
D119.052.0207b02.01ཡང་དེ་དང་འདྲ་བར་གཅིག་སྟེ་གཉིས་སུ་མེད་མོད་ཀྱི། སེམས་ཅན་དག་གདུལ་བའི་ཕྱིར་རྣམ་པ་སྣ་ཚོགས་སུ་ཕྱེ་ཞིང་བསྟན་ཏོ། །རིགས་ཀྱི་བུ་དོན་དེ་ལྟ་བས་ན་འཕགས་པའི་ལམ་གྱི་ཡན་ལག་བརྒྱད་ཀྱང་འཕགས་པའི་ལམ་གྱི་བདེན་པ་ཞེས་བྱའོ། །རིགས་ཀྱི་
D119.052.0207b03.01བུ་སངས་རྒྱས་བཅོམ་ལྡན་འདས་ཀྱིས་འཕགས་པའི་བདེན་པ་བཞི་རིམ་གྱིས་བསྟན་ཏེ། དེའི་རྒྱུ་དེའི་རྐྱེན་གྱིས་སེམས་ཅན་ཚད་མེད་པ་སྙེད་འཁོར་བ་ལས་སྒྲོལ་བར་གྱུར་ཏོ། །བྱང་ཆུབ་སེམས་དཔའ་འོད་སྲུང་གིས་སངས་རྒྱས་ལ་གསོལ་པ། །བཅོམ་
D119.052.0207b04.01ལྡན་འདས་སྔོན་དུས་གཅིག་ཅིག་ན། ཀླུང་གང་གཱའི་འགྲམ་ཤི་ཤུ་ཞེས་བགྱི་བའི་ཚལ་ན་བཞུགས་ཏེ། དེའི་ཚེ་དེ་བཞིན་གཤེགས་པས་ཤིང་གི་འདབ་མ་གཅིག་ཕྱག་གིས་བླངས་ནས་དགེ་སློང་རྣམས་ལ་བཀའ་སྩལ་པ། ད་ལྟར་ངའི་ལག་ན་ཡོད་པའི་འདབ་མ་མང་
D119.052.0207b05.01ངམ། ས་ལ་བརྟེན་ཏེ་རྩི་ཤིང་ལ་སོགས་པ་སྐྱེས་པ་ཐམས་ཅད་ཀྱི་ལོ་མ་མང་ཞེས་བཀའ་སྩལ་པ་དང་། དགེ་སློང་རྣམས་ཀྱིས་གསོལ་པ། ས་ལ་བརྟེན་ཏེ་སྐྱེས་པའི་རྩི་ཤིང་གི་ལོ་མ་ནི་རབ་ཏུ་མང་སྟེ། དཔག་ཏུ་མ་མཆིས་སོ། །དེ་བཞིན་གཤེགས་པའི་ཕྱག་ན་
D119.052.0207b06.01བསྣམས་པའི་ལོ་མ་ནི་ཤིན་ཏུ་ཡང་ཉུང་སྟེ་སྨོས་སུ་མི་འཚལ་ལོ། །བཀའ་སྩལ་པ། དགེ་སློང་དག་ངས་རྟོགས་པའི་ཆོས་ཐམས་ཅད་ནི་ས་ཆེན་པོ་ལ་བརྟེན་ཏེ་སྐྱེས་པའི་རྩི་ཤིང་ལ་སོགས་པའི་ལོ་མ་དང་འདྲའོ། །སེམས་ཅན་རྣམས་ལ་བསྟན་པ་ནི་ལག་ན་ཁྱེར་
D119.052.0207b07.01