完整藏文原文 · 德格版页 当前仅加载第 52 函德格 205b 版页；藏文 NFD、目录标记与异常页序保留在来源切片中，重复版页行以稳定序号区分。
མོངས་པ་གཅད་དོ་ཞེས་ཀྱང་གསུངས། སྐབས་ཁ་ཅིག་ཏུ་ནི་དེ་བཞིན་གཤེགས་པས་སྦྱིན་པ་ནི་ལམ་ལགས་སོ་ཞེས་གསུངས་ཏེ། དེ་ཡང་སྔོན་སངས་རྒྱས་བཅོམ་ལྡན་འདས་ཀྱིས་རྒྱལ་པོ་སྡེ་རབ་ཏུ་ཕམ་བྱེད་ལ་འདི་སྐད་ཅེས་བཀའ་སྩལ་ཏོ། །རྒྱལ་པོ་ཆེན་པོ་ངས་སྔོན་
D119.052.0205b01.01སྦྱིན་པ་མང་དུ་བྱས་པས། དེའི་རྒྱུ་དེའི་རྐྱེན་གྱིས་ང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སངས་རྒྱས་པར་རིག་པར་གྱིས་ཤིག་ཅེས་ཀྱང་གསུངས་པ་ལགས་ན། བཅོམ་ལྡན་འདས་ད་གལ་ཏེ་འཕགས་པའི་ལམ་བརྒྱད་ལམ་གྱི་བདེན་པ་ལགས་སོ་ཞེས་གསུངས་ན་
D119.052.0205b02.01མདོ་སྡེ་གཞན་དག་ལས་དེ་སྐད་ཅེས་གསུངས་པ་དག་{བརྫུན་,རྫུན་}དུ་མ་གྱུར་ཏམ། གལ་ཏེ་མདོ་སྡེ་དེ་དག་ལས་འབྱུང་བ་{བརྫུན་,རྫུན་}དུ་མ་གྱུར་ན་ཅིའི་སླད་དུ་དེ་དག་ལས་ཀྱང་འཕགས་པའི་ལམ་བརྒྱད་ནི་ལམ་གྱི་བདེན་པ་ཡིན་ནོ་ཞེས་མ་གསུངས། དེ་ལྟར་མ་གསུངས་པས་ན་སྔོན་དེ་བཞིན་
D119.052.0205b03.01གཤེགས་པས་གསུངས་པ་ཡང་འཁྲུལ་པ་འདྲ་སྟེ། བདག་ནི་ངེས་པས་སངས་རྒྱས་བཅོམ་ལྡན་འདས་ནི་ཡུན་རིང་པོ་ནས་འཁྲུལ་པ་དང་བྲལ་བར་འཚལ་ཏོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་འོད་སྲུང་ལ་བཀའ་སྩལ་པ། ལེགས་སོ་ལེགས་སོ། །
D119.052.0205b04.01རིགས་ཀྱི་བུ་ཁྱོད་ནི་བྱང་ཆུབ་སེམས་དཔའི་ཐེག་པ་ཆེན་པོའི་མདོ་སྡེ་ལས་དོན་ཤིན་ཏུ་ཟབ་མོ་ཤེས་པར་འདོད་པས་དེ་སྐད་ཅེས་ཞུས་པ་ཤིན་ཏུ་ལེགས་སོ། །རིགས་ཀྱི་བུ་མདོ་སྡེ་དེ་དག་ཀྱང་ཐམས་ཅད་ལམ་གྱི་བདེན་པར་འཇུག་གོ། །རིགས་ཀྱི་བུ་དད་པ་ནི་ལམ་མོ། །
D119.052.0205b05.01ཞེས་བྱ་བ་དད་པ་ནི་ལམ་ཡིན་ཏེ། དད་པ་ནི་རྩ་བ་ཡིན་པས་ན་བྱང་ཆུབ་ཀྱི་ལམ་གྱི་གྲོགས་སུ་འགྱུར་ཏེ། དེ་བས་ན་ངས་གསུངས་པ་དེ་ལ་འཁྲུལ་པ་མེད་དོ། །རིགས་ཀྱི་བུ་དེ་བཞིན་གཤེགས་པ་ནི་ཚད་མེད་པའི་ཐབས་ལ་ཤིན་ཏུ་མཁས་པས་སེམས་ཅན་གདུལ་
D119.052.0205b06.01བའི་ཕྱིར་དེ་ལྟར་རྣམ་པ་སྣ་ཚོགས་སུ་གསུངས་པ་ཡིན་ནོ། །རིགས་ཀྱི་བུ་འདི་ལྟ་སྟེ་དཔེར་ན་སྨན་པ་མཁས་པ་ནི་སེམས་ཅན་གྱི་ནད་རྣམ་པ་སྣ་ཚོགས་ལ་ཤིན་ཏུ་མཁས་པས་ཇི་ལྟར་ན་བ་བཞིན་དུ་སྨན་སྦྱོར་ཏེ། སྨན་གྱི་མི་རུང་བའི་གཉེན་པོ་ཡང་སྟོན་ན་ཆུ་
D119.052.0205b07.01