完整藏文原文 · 德格版页 当前仅加载第 52 函德格 100b 版页；藏文 NFD、目录标记与异常页序保留在来源切片中，重复版页行以稳定序号区分。
བའི་དོན་ཏོ། །གང་ཞིག་དེ་བཞིན་གཤེགས་པ་ནི་རྟག་པའོ། །མི་འགྱུར་མི་འཕོ་བའོ་ཞེས་སྨྲ་བ་ནི་ངེས་པའི་དོན་ཅེས་བྱའོ། །གང་ཉན་ཐོས་ཀྱི་བསྟན་པས་ཆུད་ཅིང་རྟོགས་པ་ནི་བཀྲི་བའི་དོན་ཏོ། །བྱང་ཆུབ་སེམས་དཔའི་བསྟན་པས་ཆུད་ཅིང་རིག་པ་ནི་ངེས་པའི་དོན་
D119.052.0100b01.01ཅེས་བྱའོ། །གང་ཞིག་དེ་བཞིན་གཤེགས་པ་ལ་ཞལ་ཟས་ཀྱིས་གསོ་དགོས་ཞེས་སྨྲ་བ་ནི་བཀྲི་བའི་དོན་ཏོ། །གང་ཞིག་རྟག་པ་གནས་པ་མི་འགྱུར་མི་འཕོ་བའོ་ཞེས་སྨྲ་བ་ནི་ངེས་པའི་དོན་ཅེས་བྱའོ། །གང་ཞིག་དེ་བཞིན་གཤེགས་པ་མྱ་ངན་ལས་འདས་པ་ནི་ཇི་ལྟར་ཤིང་
D119.052.0100b02.01ཟད་ནས་མེ་ཤི་བ་བཞིན་ནོ་ཞེས་སྨྲ་བ་ནི་བཀྲི་བའི་དོན་ཏོ། །གང་ཞིག་དེ་བཞིན་གཤེགས་པ་ནི་ཆོས་ཀྱི་དབྱིངས་ཉིད་ལ་ཞུགས་སོ། །ཞེས་སྨྲ་བ་ནི་ངེས་པའི་དོན་ཅེས་བྱའོ། །མདོར་ན་ཉན་ཐོས་ཀྱི་ཐེག་པའི་ཆོས་ལ་ནི་གནས་པར་མི་བྱའོ། །དེ་ཅིའི་ཕྱིར་ཞེ་ན། དེ་བཞིན་
D119.052.0100b03.01གཤེགས་པས་སོ་སོའི་སྐྱེ་བོ་བསྒྲལ་བའི་ཕྱིར་ཉན་ཐོས་ཀྱི་ཐེག་པ་ནི་སྦྱོར་བའི་ཐབས་སུ་གསུངས་སོ། །འདི་ལྟ་སྟེ་དཔེར་ན། ཁྱིམ་བདག་གིས་བུ་ཆུང་ངུ་ལ་ཡི་གེ་ཕྱེད་བསྟན་པ་བཞིན་ནོ། །རིགས་ཀྱི་བུ་ཉན་ཐོས་ཀྱི་ཐེག་པ་ནི་དཔེར་ན་ཞིང་ཐོག་མ་རྨོས་མ་ཐག་པ་དང་མཚུངས་
D119.052.0100b04.01ཏེ་འབྲས་བུ་མེད་པས་གནས་པར་མི་བྱའོ། །དེ་བས་ན་ཉན་ཐོས་ཀྱི་ཐེག་པ་ནི་བཀྲི་བའི་དོན་ཅེས་བྱའོ། །ཐེག་པ་ཆེན་པོའི་ཆོས་ལ་ནི་གནས་པར་བྱའོ། །དེ་ཅིའི་ཕྱིར་ཞེ་ན། དེ་བཞིན་གཤེགས་པས་སོ་སོའི་སྐྱེ་བོ་དག་བསྒྲལ་བའི་ཕྱིར་སྦྱོར་བའི་ཐབས་སུ་ཐེག་པ་ཆེན་པོ་གསུངས་
D119.052.0100b05.01ཏེ། དེ་བས་ན་ངེས་པའི་དོན་ཅེས་བྱ་སྟེ། གནས་པར་བྱའོ། །དེ་ལྟར་དེ་ལྟ་བུའི་ཚུལ་དུ་གནས་པ་རྣམ་པ་བཞི་ཁོང་དུ་ཆུད་ཅིང་ཤེས་པར་བྱའོ། །གཞན་ཡང་དོན་ལ་གནས་ཞེས་བྱ་བ་དོན་ནི་ཡང་དག་པའོ། །ཡང་དག་པ་ནི་འོད་གསལ་བའོ། །འོད་གསལ་བ་ནི་མ་ཞུམ་པའོ། །
D119.052.0100b06.01མ་ཞུམ་པ་ནི་དེ་བཞིན་གཤེགས་པའོ། །གཞན་ཡང་འོད་གསལ་བ་ནི་ཡེ་ཤེས་སོ། །ཡང་དག་པ་ནི་རྟག་ཏུ་གནས་པའོ། །དེ་བཞིན་གཤེགས་པ་རྟག་པ་ནི་ཆོས་ལ་གནས་པའོ། །ཆོས་ཞེས་བྱ་བ་ནི་རྟག་པ་མཐའ་ཡས་པ་བསམ་གྱིས་མི་ཁྱབ་པ་གཟུང་དུ་མེད་པ་བཅིང་དུ་མེད་
D119.052.0100b07.01