完整藏文原文 · 德格版页 当前仅加载第 52 函德格 318b 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་བྱང་བར་གྱུར་ཏོ་ཞེས་དེ་སྐད་དུ་སྨྲས་པ་ཐོས་ནས་འཚོ་བྱེད་ལ་སྨྲས་པ། བདག་དེང་དེ་ལྟ་བུའི་ཚིག་རྣམ་པ་གཉིས་ཐོས་མོད་ཀྱི་འོན་ཀྱང་བདེན་ནམ་མི་བདེན་པ་ཡིད་མི་ཆེས་ཀྱིས་འཚོ་བྱེད་ཁྱོད་ཚུར་ཤོག །ཁོ་བོ་དང་བལ་གླང་གཅིག་ལ་ཞོན་པར་དགའོ། །གལ་ཏེ་ཁོ་བོ་མཚམས་མེད་པའི་
D119.052.0318b01.01སེམས་ཅན་དམྱལ་བར་ལྷུང་ན། ཁྱོད་ཀྱིས་ཁོ་བོ་ལྟུང་བར་མི་འགྱུར་བར་ཟུང་ཤིག །དེ་ཅིའི་ཕྱིར་ཞེ་ན། བདག་སྔོན་འདི་སྐད་དུ་ལམ་ཐོབ་པའི་མི་ནི་སེམས་ཅན་དམྱལ་བར་མི་འགྲོའོ་ཞེས་ཐོས་སོ། །དེ་ནས་བཅོམ་ལྡན་འདས་ཀྱིས་འཁོར་མང་པོ་རྣམས་ལ་བཀའ་སྩལ་པ། རྒྱལ་པོ་ཆེན་པོ་མ་
D119.052.0318b02.01སྐྱེས་དགྲ་ད་དུང་དུ་ཐེ་ཚོམ་གྱི་སེམས་དང་བཅས་ཀྱིས་དེའི་སེམས་གདོན་མི་ཟ་བར་བྱའོ་ཞེས་གསུངས་སོ། །དེ་ནས་འཁོར་གྱི་དཀྱིལ་འཁོར་དེའི་ནང་ན་བྱང་ཆུབ་སེམས་དཔའ་ཐམས་ཅད་འཛིན་པ་ཞེས་བྱ་བས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཇི་ལྟར་བཅོམ་
D119.052.0318b03.01ལྡན་འདས་ཀྱིས་གསུངས་པ་ལྟར་ཆོས་ཐམས་ཅད་མ་ངེས་པའི་མཚན་ཉིད་དོ། །འདི་ལྟ་སྟེ། གཟུགས་མ་ངེས་པའི་མཚན་ཉིད་ནས་མྱ་ངན་ལས་འདས་པའི་བར་དུ་ཡང་མ་ངེས་པའི་མཚན་ཉིད་དོ་ཞེས་གསུངས་ན། དེ་བཞིན་གཤེགས་པས་དེ་ཅིའི་སླད་དུ་རྒྱལ་པོ་མ་སྐྱེས་དགྲའི་སེམས་ངེས་
D119.052.0318b04.01པར་མཛད་དོ་ཞེས་གསུངས། བཅོམ་ལྡན་འདས་ཀྱིས་བཀའ་སྩལ་པ། ལེགས་སོ་ལེགས་སོ། །ངས་དེང་ངེས་པར་རྒྱལ་པོ་མ་སྐྱེས་དགྲའི་སེམས་ངེས་པར་མཛད་དོ། །དེ་ཅིའི་ཕྱིར་ཞེ་ན། གང་རྒྱལ་པོའི་ཐེ་ཚོམ་གྱིས་སེམས་གཞིག་ཏུ་རུང་བ་ཞིག་ཡིན་ན། ཆོས་ཐམས་ཅད་ཀྱང་ངེས་པའི་
D119.052.0318b05.01མཚན་ཉིད་མེད་པ་ཡིན་པར་རིག་པར་བྱ་སྟེ། དེའི་ཕྱིར་ངས་རྒྱལ་པོ་མ་སྐྱེས་དགྲའི་སེམས་ངེས་པར་མཛད་པའི་སེམས་དེ་ཉིད་ངེས་པ་མེད་པ་ཡིན་པར་རིག་པར་བྱའོ། །རིགས་ཀྱི་བུ་གལ་ཏེ་རྒྱལ་པོ་དེའི་སེམས་ངེས་པ་ཞིག་ཡིན་ན། རྒྱལ་པོ་དེའི་མཚམས་མེད་པའི་ཁ་ན་མ་ཐོ་བ་འཇིག་ཏུ་མི་རུང་ངོ་། །ངེས་
D119.052.0318b06.01པ་མེད་པས་ན་ཁ་ན་མ་ཐོ་བ་དེ་འཇིག་ཏུ་རུང་ངོ་། །དེ་བས་ན་ངས་རྒྱལ་པོ་མ་སྐྱེས་དགྲའི་སེམས་ངེས་པར་མཛད་དོ། །དེ་ནས་རྒྱལ་པོ་ཆེན་པོ་སཱ་ལའི་ཤིང་དྲུང་སངས་རྒྱས་ཀྱི་སྤྱན་སྔར་ཕྱིན་ཏེ། དེ་བཞིན་གཤེགས་པའི་མཚན་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུ་ལ་བལྟས་ན། གསེར་
D119.052.0318b07.01