完整藏文原文 · 德格版页 当前仅加载第 52 函德格 291a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་ཆོས་རྣམ་པ་གཉིས་མངའ་སྟེ། ཀུན་རྫོབ་དང་། དོན་དམ་པའོ། །ཀུན་རྫོབ་ཀྱི་ཆོས་ནི་འགོག་གོ། །དོན་དམ་པའི་ཆོས་ནི་མི་འཇིག་མི་འགོག་གོ། །དེ་ཡང་རྣམ་པ་གཉིས་ཏེ། མི་རྟག་པ། བདག་མེད་པ། བདེ་བ་མེད་པ། ཡོངས་སུ་དག་པ་མེད་པ་དང་།
D119.052.0291a01.01རྟག་པ། བདེ་བ། བདག་ཡོངས་སུ་དག་པའོ། །དེ་ལ་མི་རྟག་པ་དང་། བདག་མེད་པ་དང་། བདེ་བ་མེད་པ་དང་ཡོངས་སུ་དག་པ་མེད་པ་ནི་འཇིག་པ་དང་འགོག་པ་ཡོད་དོ། །རྟག་པ་དང་། བདེ་བ་དང་། བདག་དང་། ཡོངས་སུ་དག་པ་ནི་འཇིག་པ་དང་འགོག་པ་མེད་དོ། །ཡང་
D119.052.0291a02.01རྣམ་པ་གཉིས་ཏེ། ཐེག་པ་གཉིས་ཀྱིས་འཛིན་པ་དང་། བྱང་ཆུབ་སེམས་དཔས་འཛིན་པའོ། །དེ་ལ་ཐེག་པ་གཉིས་ཀྱིས་འཛིན་པ་ནི་འཇིག་པ་དང་འགོག་པ་ཡོད་དོ། །བྱང་ཆུབ་སེམས་དཔས་འཛིན་པ་ནི་འཇིག་པ་དང་འགོག་པ་མེད་དོ། །ཡང་རྣམ་པ་གཉིས་ཏེ། ནང་དང་། ཕྱི་
D119.052.0291a03.01རོལ་ལོ། །དེ་ལ་ཕྱི་རོལ་གྱི་ཆོས་ནི་འཇིག་པ་དང་འགོག་པ་ཡོད་དོ། །ནང་གི་ཆོས་ནི་འཇིག་པ་དང་འགོག་པ་མེད་དོ། །ཡང་རྣམ་པ་གཉིས་ཏེ། འདུས་བྱས་དང་། འདུས་མ་བྱས་སོ། །དེ་ལ་འདུས་བྱས་ཀྱི་ཆོས་ནི་འཇིག་པ་དང་འགོག་པའོ། །འདུས་མ་བྱས་ཀྱི་ཆོས་ནི་
D119.052.0291a04.01འཇིག་པ་དང་འགོག་པ་མེད་པའོ། །ཡང་རྣམ་པ་གཉིས་ཏེ། དམིགས་སུ་ཡོད་པ་དང་། དམིགས་སུ་མེད་པའོ། །དེ་ལ་དམིགས་སུ་ཡོད་པའི་ཆོས་ནི་འཇིག་པ་དང་འགོག་པའོ། །དམིགས་སུ་མེད་པའི་ཆོས་ནི་འཇིག་པ་དང་འགོག་པ་མེད་པའོ། །ཡང་རྣམ་པ་
D119.052.0291a05.01གཉིས་ཏེ། འདྲེས་པའི་ཆོས་དང་མ་འདྲེས་པའི་ཆོས་སོ། །དེ་ལ་འདྲེས་པའི་ཆོས་ནི་འཇིག་པ་དང་འགོག་པའོ། །མ་འདྲེས་པའི་ཆོས་ནི་འཇིག་པ་དང་འགོག་པ་མེད་པའོ། །ཡང་རྣམ་པ་གཉིས་ཏེ། ལྷ་དང་། མིའོ། །དེ་ལ་མི་ནི་འཇིག་པ་དང་འགོག་པའོ། །ལྷ་ནི་
D119.052.0291a06.01འཇིག་པ་དང་འགོག་པ་མེད་པའོ། །ཡང་རྣམ་པ་གཉིས་ཏེ། མདོ་སྡེ་བཅུ་གཅིག་དང་། ཤིན་ཏུ་རྒྱས་པའི་མདོ་སྡེའོ། །དེ་ལ་མདོ་སྡེ་བཅུ་གཅིག་ནི་འཇིག་པ་དང་འགོག་པའོ། །ཤིན་ཏུ་རྒྱས་པའི་མདོ་སྡེ་ནི་འཇིག་པ་དང་འགོག་པ་མེད་པ་སྟེ། རིགས་ཀྱི་བུ་གལ་
D119.052.0291a07.01