完整藏文原文 · 德格版页 当前仅加载第 52 函德格 151b 版页；藏文 NFD、目录标记与异常页序保留在来源切片中，重复版页行以稳定序号区分。
གལ་ཏེ་སེམས་ཅན་ཐམས་ཅད་ལ་དེ་བཞིན་གཤེགས་པའི་རང་བཞིན་ཡོད་པ་བསྟན་ན་དེ་ལ་སྐྱེས་བུ་མཁས་པས་ནི་འདི་ལྟར་དེ་བཞིན་གཤེགས་པས་རྟག་པ་ཞེས་བྱ་བའི་ཆོས་བསྟན་ཏེ། དགེ་སློང་དག་ཡང་དག་པར་རྟག་པའི་ཆོས་ལ་ནན་ཏན་བྱེད་དུ་གཞུག་པར་ཤེས་སོ། །དགེ་
D119.052.0151b01.01སློང་དག་དེ་ལྟར་རྗེས་སུ་ནན་ཏན་བྱེད་ཅིང་སློབ་པ་དེ་ནི་ངའི་ཉེ་གནས་ཡང་དག་པ་ཡིན་པར་རིག་པར་བྱའོ། །དེ་བཞིན་གཤེགས་པས་དགོངས་ཏེ་གསུངས་པའི་སྙིང་པོ་ལ་མཁས་པ་དེ་ནི་ཇི་ལྟར་རྒྱལ་པོ་ཆེན་པོ་དེའི་བློན་པོ་མཁས་པས་རྒྱལ་པོའི་བསམ་པ་ཤེས་པ་དང་འདྲའོ། །རིགས་
D119.052.0151b02.01ཀྱི་བུ་དེ་ལྟར་རྒྱལ་པོ་ཆེན་པོ་དེ་ལ་ཡང་མན་ངག་ཏུ་སྨྲ་བའི་ཚིག་ཡོད་ན་དེ་བཞིན་གཤེགས་པ་ལ་ཡོད་པ་ལྟ་ཅི་སྨོས། རིགས་ཀྱི་བུ་དེ་བས་ན་དེ་བཞིན་གཤེགས་པས་དགོངས་ཏེ་གསུངས་པ་ནི་ཤིན་ཏུ་ཤེས་པར་དཀའ་སྟེ། མཁས་པ་ཤེས་རབ་ཅན་གྱིས་ནི་ངས་དགོངས་ཏེ་གསུངས་པའི་
D119.052.0151b03.01ཆོས་ཟབ་མོ་འདི་ཤེས་པར་འགྱུར་གྱི། འཇིག་རྟེན་ན་བྱིས་པ་གླེན་པ་དག་གིས་ཤེས་པར་འགྱུར་བ་མ་ཡིན་ནོ། །གཞན་ཡང་རིགས་ཀྱི་བུ་འདི་ལྟ་སྟེ་དཔེར་ན་ཤིང་པ་ལ་ཤ་དང་། ཀ་ནི་ཀ་དང་། ཨ་ཤོ་ཀ་ནི་ཐན་ཆེན་བྱུང་ན་མེ་ཏོག་དང་འབྲས་བུ་མི་སྐྱེ་སྟེ། གཞན་ཡང་ཆུ་ལས་སྐྱེས་
D119.052.0151b04.01པ་ཐམས་ཅད་ཀྱང་སྣུམ་མེད་ལ་ཚད་དུ་ཕྱིན་པར་མི་སྐྱེ་ཞིང་སྨན་ཐམས་ཅད་ཀྱང་མཐུ་ཆུང་བར་འགྱུར་རོ། །རིགས་ཀྱི་བུ་ཐེག་པ་ཆེན་པོའི་མདོ་སྡེ་ཡོངས་སུ་མྱ་ངན་ལས་འདས་པ་ཆེན་པོ་འདི་ཡང་དེ་དང་འདྲ་སྟེ། ང་མྱ་ངན་ལས་འདས་ནས་སེམས་ཅན་དག་བསྟི་སྟང་མི་བྱེད་དེ། གཟི་
D119.052.0151b05.01བརྗིད་ཀྱང་ཆུང་བར་འགྱུར་རོ། །དེ་ཅིའི་ཕྱིར་ཞེ་ན། སེམས་ཅན་དེ་དག་དེ་བཞིན་གཤེགས་པས་དགོངས་ཏེ་གསུངས་པ་མི་ཤེས་པའི་ཕྱིར་རོ། །དེ་ཡང་ཇི་ལྟ་ཞེ་ན། སེམས་ཅན་དག་བསོད་ནམས་ཆུང་བའི་ཕྱིར་རོ། །རིགས་ཀྱི་བུ་གཞན་ཡང་དེ་བཞིན་གཤེགས་པའི་དམ་པའི་
D119.052.0151b06.01ཆོས་རྣམ་པར་འཇིག་ཅིང་ཟད་དུ་ཉེ་བ་ན་དེའི་ཚེ་དེའི་དུས་ན་དགེ་སློང་སྡིག་པ་སྤྱོད་པ་མང་སྟེ། དེ་བཞིན་གཤེགས་པས་དགོངས་ཏེ་གསུངས་པའི་སྙིང་པོ་མི་ཤེས་པས་ལེ་ལོ་དང་སྙོམ་ལས་བྱེད་དེ། དེ་བཞིན་གཤེགས་པའི་ཡང་དག་པའི་ཆོས་ཀློག་པ་དང་། འདོན་པ་དང་། རྣམ་པར་
D119.052.0151b07.01