完整藏文原文 · 德格版页 当前仅加载第 52 函德格 293b 版页；藏文 NFD、目录标记与异常页序保留在来源切片中，重复版页行以稳定序号区分。
རྙེད་པ་དང་གྲགས་པའི་ཕྱིར་མདོ་སྡེ་ཟབ་མོ་སྟོན་ལ་དེ་བཞིན་གཤེགས་པ་ཡོངས་སུ་མྱ་ངན་ལས་འདས་པར་གྱུར་ན་ཆོས་དེ་འཇིག་རྟེན་ན་རིང་པོར་མི་གནས་པར་རིག་པར་བྱའོ། །གཞན་ཡང་རིགས་ཀྱི་བུ་དེ་བཞིན་གཤེགས་པ་ཐོག་མ་བྱུང་ནས། བླ་ན་མེད་པ་དགྲ་བཅོམ་པ་ཡང་
D119.052.0293b01.01དག་པར་རྫོགས་པའི་བྱང་ཆུབ་ཐོབ་མ་ཐག་ཏུ་དོན་ཟབ་མོ་ཤེས་པའི་ཉེ་གནས་ཀྱང་ཡོད། ཁྱིམ་པ་ཤིན་ཏུ་དད་པ་སངས་རྒྱས་ཀྱི་ཆོས་ལ་བཀུར་བའི་དགེ་བསྙེན་ཡང་ཡོད་ལ། ཉེ་གནས་རྣམས་ཀྱིས་སྟོན་ཅིང་བཤད་པ་ཡང་རྙེད་པ་དང་། གྲགས་པའི་ཕྱིར་ནི་མ་ཡིན་གྱི། མྱ་ངན་
D119.052.0293b02.01ལས་འདས་པ་ཚོལ་བའི་ཕྱིར་སྟོན་ན་དེ་བཞིན་གཤེགས་པ་མྱ་ངན་ལས་འདས་སུ་ཟིན་ཀྱང་དེའི་ཆོས་འཇིག་རྟེན་ན་ཡུན་དུ་གནས་པར་འགྱུར་བར་རིག་པར་བྱའོ། །གཞན་ཡང་རིགས་ཀྱི་བུ་དེ་བཞིན་གཤེགས་པ་ཐོག་མ་བྱུང་ནས་བླ་ན་མེད་པ་དགྲ་བཅོམ་པ་ཡང་དག་པར་རྫོགས་པའི་
D119.052.0293b03.01བྱང་ཆུབ་ཐོབ་མ་ཐག་ཏུ་དོན་ཟབ་མོ་ཤེས་པའི་ཉེ་གནས་ཀྱང་ཡོད། ཁྱིམ་པ་ཤིན་ཏུ་དད་པ་སངས་རྒྱས་ཀྱི་ཆོས་ལ་བཀུར་བའི་དགེ་བསྙེན་ཡོད་དུ་ཟིན་ཀྱང་། ཉེ་གནས་རྣམས་གཅིག་གིས་གཅིག་སྨད་ཅིང་རྩོད་པ་མང་ལ། དེ་བཞིན་གཤེགས་པ་ཡང་མྱ་ངན་ལས་འདས་པར་
D119.052.0293b04.01གྱུར་ན་ཆོས་དེ་འཇིག་རྟེན་ན་རིང་པོ་མི་གནས་པར་རིག་པར་བྱའོ། །གཞན་ཡང་རིགས་ཀྱི་བུ་དེ་བཞིན་གཤེགས་པ་ཐོག་མ་བྱུང་ནས་བླ་ན་མེད་པ་དགྲ་བཅོམ་པ་ཡང་དག་པར་རྫོགས་པའི་བྱང་ཆུབ་ཐོབ་མ་ཐག་ཏུ་དོན་ཟབ་མོ་ཤེས་པའི་ཉེ་གནས་ནི་ཡོད། ཁྱིམ་པ་ཤིན་ཏུ་དད་པ་སངས་
D119.052.0293b05.01རྒྱས་ཀྱི་ཆོས་ལ་བཀུར་བའི་དགེ་བསྙེན་ཡང་ཡོད་ལ། ཉེ་གནས་དེ་དག་ཀྱང་འདུམ་པའི་ཆོས་སྤྱོད་ཅིང་གཅིག་ལ་གཅིག་མི་སྨོད་པར་གཅིག་གིས་གཅིག་བཀུར་ན་དེ་བཞིན་གཤེགས་པ་ཡོངས་སུ་མྱ་ངན་ལས་འདས་སུ་ཟིན་ཀྱང་དེའི་ཆོས་ཡུན་རིང་དུ་འཇིག་རྟེན་ན་གནས་པར་འགྱུར་བར་རིག་པར་
D119.052.0293b06.01བྱའོ། །གཞན་ཡང་རིགས་ཀྱི་བུ་གལ་ཏེ་དེ་བཞིན་གཤེགས་པ་ཐོག་མ་བྱུང་ནས་བླ་ན་མེད་པ་དགྲ་བཅོམ་པ་ཡང་དག་པར་རྫོགས་པའི་བྱང་ཆུབ་ཐོབ་མ་ཐག་ཏུ་དོན་ཟབ་མོ་ཤེས་པའི་ཉེ་གནས་ཀྱང་ཡོད། ཁྱིམ་པ་ཤིན་ཏུ་དད་པ་སངས་རྒྱས་ཀྱི་ཆོས་ལ་བཀུར་བའི་དགེ་བསྙེན་ཀྱང་ཡོད་ལ།
D119.052.0293b07.01