完整藏文原文 · 德格版页 当前仅加载第 52 函德格 47a 版页；藏文 NFD、目录标记与异常页序保留在来源切片中，重复版页行以稳定序号区分。
འབྱེར་ཞིང་འབྲོས་སོ། །བ་རྣམས་མ་ཤི་བས་འཁོར་ལོས་སྒྱུར་བའི་རྒྱལ་པོས་རྫིའུ་ཐབས་དང་ལྡན་པ་ལ་གཏད་དེ། རྫིའུ་ཐབས་དང་ལྡན་པས་མར་གྱི་སྙིང་པོ་ཡང་ཡོད་པར་གྱུར་ཏོ། །མར་གྱི་སྙིང་པོ་ཡོད་པས་སེམས་ཅན་ཐམས་ཅད་ཀྱང་ནད་
D119.052.0047a01.01ཀྱི་སྡུག་བསྔལ་དང་བྲལ་ལོ། །ཆོས་ཀྱི་འཁོར་ལོས་སྒྱུར་བའི་རྒྱལ་པོ་འཇིག་རྟེན་དུ་གཤེགས་ནས་སྐྱེ་བོ་མ་རབས་དག་ཚུལ་ཁྲིམས་དང་། ཏིང་ངེ་འཛིན་དང་། ཤེས་རབ་སྟོན་མི་ནུས་ཏེ་སོ་སོར་འབྱེར་ཞིང་འབྲོས་སོ། །དེའི་ཚེ་བཅོམ་ལྡན་འདས་ཀྱིས་འཇིག་
D119.052.0047a02.01རྟེན་གྱི་ཆོས་དང་། འཇིག་རྟེན་ལས་འདས་པའི་ཆོས་སེམས་ཅན་གྱི་དོན་དུ་བྱང་ཆུབ་སེམས་དཔའ་རྣམས་ལ་བསྟན་ཅིང་བཤད་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་མར་གྱི་སྙིང་པོ་ལྟ་བུ་ཐོབ་པར་གྱུར་ཏེ། གཞན་ཡང་སེམས་ཅན་མཐའ་ཡས་དཔག་
D119.052.0047a03.01ཏུ་མེད་པ་དག་བླ་ན་མེད་པའི་ཆོས་བདུད་རྩི་ལྟ་བུ་ཐོབ་པར་བྱ་བ་ནི་འདི་ལྟ་སྟེ། དེ་བཞིན་གཤེགས་པའི་རྟག་པ་དང་། བདེ་བ་དང་། བདག་དང་། ཡོངས་སུ་དག་པའི་ཆོས་རྣམས་སོ། །དོན་དེ་ལྟ་བས་ན་རིགས་ཀྱི་བུ་དེ་བཞིན་གཤེགས་པ་ནི་རྟག་པ་དང་། མི་འགྱུར་
D119.052.0047a04.01བའི་ཆོས་ཅན་ཡིན་ཏེ། འཇིག་རྟེན་པ་སྐྱེ་བོ་མ་རབས་དག་གིས་ཚངས་པའི་ལྷ་ལ་སོགས་པ་ལ་རྟག་པའི་ཆོས་ཡིན་ནོ་ཞེས་སྨྲ་བ་དང་མི་འདྲ་སྟེ། རྟག་པའི་ཆོས་སུ་གྲགས་པ་འདི་ནི་མདོར་ན་དེ་བཞིན་གཤེགས་པ་ལ་བྱའི་ཆོས་གཞན་དག་ལ་ནི་མ་ཡིན་ནོ། །འོད་སྲུང་
D119.052.0047a05.01དེ་ལྟ་བས་ན་དེ་བཞིན་གཤེགས་པའི་སྐུར་རིག་པར་བྱའོ། །འོད་སྲུང་གང་རིགས་ཀྱི་བུ་འམ། རིགས་ཀྱི་བུ་མོ་དག་ནི་རྟག་ཏུ་རྩེ་གཅིག་པའི་སེམས་ཀྱིས་སངས་རྒྱས་རྟག་པ་དང་གནས་པའོ་ཞེས་བྱ་བའི་ཚིག་འདི་གཉིས་ལ་ནན་ཏན་བྱའོ། །འོད་སྲུང་གང་རིགས་ཀྱི་བུ་
D119.052.0047a06.01འམ་རིགས་ཀྱི་བུ་མོ་དག་ནི་ཚིག་འདི་གཉིས་ལ་ནན་ཏན་བྱེད་ན། གང་ཟག་དེ་ནི་ངའི་རྗེས་སུ་སྤྱོད་ཅིང་ངས་ཕྱིན་པའི་གནས་སུ་ཕྱིན་པར་རིག་པར་བྱའོ། །རིགས་ཀྱི་བུ་གང་གིས་ཚིག་འདི་གཉིས་ལ་ནན་ཏན་བྱེད་པ་དེ་མཚན་མ་སྤངས་ན་དེ་བཞིན་གཤེགས་པས་ཡོངས་སུ་མྱ་
D119.052.0047a07.01