完整藏文原文 · 德格版页 当前仅加载第 52 函德格 331b 版页；藏文 NFD、目录标记与异常页序保留在来源切片中，重复版页行以稳定序号区分。
ཐོས་པ་ནི་གདོད་ཐོས་པར་མི་འགྱུར་རོ། །དེ་ཅིའི་སླད་དུ་ཞེ་ན། སྔར་ཐོས་ལགས་པའི་ཕྱིར་རོ། །དེ་བས་ན་ཅིའི་སླད་དུ་མ་ཐོས་པ་ཐོས་པར་འགྱུར་རོ་ཞེས་གསུངས། དཔེར་ན་འགྲོ་བ་ནི་ཕྱིན་ལགས་ན་མི་འགྲོའོ། །འགྲོ་ན་ཕྱིན་པ་མ་ལགས་སོ། །གཞན་ཡང་དཔེར་ན་
D119.052.0331b01.01སྐྱེས་ནས་མི་སྐྱེ་སྟེ། མི་སྐྱེ་བ་ནི་སྐྱེ་བར་མི་འགྱུར། ཐོབ་ནས་མི་ཐོབ་སྟེ། མི་ཐོབ་པ་ནི་ཐོབ་པར་མི་འགྱུར་རོ། །ཐོས་ནས་མི་ཐོས་ཏེ། མི་ཐོས་པ་ནི་ཐོས་པར་མི་འགྱུར་བ་ཡང་དེ་བཞིན་ནོ། །བཅོམ་ལྡན་འདས་གལ་ཏེ་མི་ཐོས་པ་ཐོས་པར་གྱུར་ན། སེམས་ཅན་ཐམས་ཅད་
D119.052.0331b02.01བྱང་ཆུབ་མ་མཆིས་པ་ཡང་མཆིས་པར་འགྱུར་བའི་རིགས། མྱ་ངན་ལས་འདས་པ་མ་ཐོབ་པ་ཡང་ཐོབ་པའི་རིགས། སངས་རྒྱས་ཀྱི་རང་བཞིན་མ་མཐོང་བ་ཡང་སངས་རྒྱས་ཀྱི་རང་བཞིན་མཐོང་བའི་རིགས་ན། ཅིའི་སླད་དུ་ཡང་འདི་སྐད་ཅེས་བྱང་ཆུབ་སེམས་དཔའ་ས་བཅུ་ལ་
D119.052.0331b03.01གནས་པ་ནི་སངས་རྒྱས་ཀྱི་རང་བཞིན་མཐོང་མོད་ཀྱི། མངོན་དུ་གསལ་བར་མ་གྱུར་ཏོ་ཞེས་གསུངས། བཅོམ་ལྡན་འདས་གལ་ཏེ་མ་ཐོས་པ་ཐོས་པར་འགྱུར་ན། དེ་བཞིན་གཤེགས་པས་སྔོན་སུ་ལས་གསན། གལ་ཏེ་གསན་པ་ཞིག་ལགས་ན། ཅིའི་སླད་དུ་དེ་བཞིན་
D119.052.0331b04.01གཤེགས་པས་ལུང་ལས་སྟོན་པ་མེད་དོ་ཞེས་གསུངས། གལ་ཏེ་མ་ཐོས་པ་ཐོས་པས་དེ་བཞིན་གཤེགས་པ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་པར་འགྱུར་བ་ལགས་ན། སེམས་ཅན་ཐམས་ཅད་ཀྱང་མ་ཐོས་པ་ཐོས་པས་དེ་དག་ཀྱང་བླ་ན་མེད་པ་ཡང་དག་པར་
D119.052.0331b05.01རྫོགས་པའི་བྱང་ཆུབ་ཐོབ་པའི་རིགས་སོ། །དེ་བཞིན་གཤེགས་པས་གལ་ཏེ་མྱ་ངན་ལས་འདས་པ་ཆེན་པོའི་མདོ་འདི་མ་ཐོས་པར་སངས་རྒྱས་ཀྱི་རང་བཞིན་མཐོང་བར་གྱུར་ན། སེམས་ཅན་ཐམས་ཅད་ཀྱང་མདོ་སྡེ་འདི་མ་ཐོས་པ་ལགས་ཏེ། སངས་རྒྱས་ཀྱི་རང་བཞིན་
D119.052.0331b06.01མཐོང་བའི་རིགས་སོ། །བཅོམ་ལྡན་འདས་གཟུགས་ཁ་ཅིག་ནི་མཐོང་། ཁ་ཅིག་ནི་མི་མཐོང་། སྒྲ་ཡང་དེ་བཞིན་ཏེ། ཁ་ཅིག་ནི་ཐོས། ཁ་ཅིག་ནི་མི་ཐོས་ཏེ། མྱ་ངན་ལས་འདས་པ་ཆེན་པོ་ནི་གཟུགས་མ་ལགས། སྒྲ་མ་ལགས་ན། ཅིའི་སླད་དུ་མཐོང་ངོ་
D119.052.0331b07.01