完整藏文原文 · 德格版页 当前仅加载第 52 函德格 227b 版页；藏文 NFD、目录标记与异常页序保留在来源切片中，重复版页行以稳定序号区分。
ནི་རིང་པོ་མི་ཐོགས་པར་འཁོར་གྱི་དཀྱིལ་འཁོར་མང་པོ་ལ་ཡོངས་སུ་མྱ་ངན་ལས་འདས་པའི་མདོ་སྡེ་དེ་བཞིན་གཤེགས་པའི་སངས་རྒྱས་ཀྱི་རང་བཞིན་དགོངས་ཏེ་གསུངས་པའི་སྙིང་པོ་སྟོན་ཅིང་འཆད་པར་འགྱུར་རོ། །རིགས་ཀྱི་བུ་སྔོན་འདས་པའི་དུས་སངས་རྒྱས་ཀྱི་ཉི་མ་མ་ཤར་བ་དེའི་ཚེ་དེའི་
D119.052.0227b01.01དུས་ན་ང་བྲམ་ཟེར་གྱུར་ཏེ། བྱང་ཆུབ་སེམས་དཔའི་སྤྱད་པ་སྤྱོད་པ་ན་མུ་སྟེགས་ཅན་ཐམས་ཅད་ཀྱིས་མུ་སྟེགས་ཅན་གྱི་གཙུག་ལག་ཐམས་ཅད་ཀྱང་ཁོང་དུ་ཆུད་དེ་རབ་ཏུ་ཞི་བར་སྤྱོད་ཅིང་། སྤྱོད་ལམ་དང་ལྡན་པ་སེམས་ཡོངས་སུ་དག་པས་ཕྱི་རོལ་གྱི་རྐྱེན་གྱིས་འདོད་པའི་འདུ་ཤེས་མི་སྐྱེ་སྟེ།
D119.052.0227b02.01ཞེ་སྡང་གི་མེ་བསད་ནས། རྟག་པ་དང་། བདེ་བ་དང་། བདག་དང་། ཡོངས་སུ་དག་པའི་ཆོས་ཡིད་ལ་བཟུང་སྟེ། ཕྱོགས་ཐམས་ཅད་དུ་ཐེག་པ་ཆེན་པོའི་མདོ་སྡེ་བཙལ་ཀྱང་ཤིན་ཏུ་རྒྱས་པའི་མིང་ཙམ་ཡང་མ་ཐོས་སོ། །ང་དེའི་ཚེ་ན་གངས་ཀྱི་རི་ཞིག་ལ་གནས་ཏེ། རི་དེ་ཤིན་ཏུ་དབེན་
D119.052.0227b03.01ལ། ཆུ་མིག་དང་། འབབ་ཆུ་དང་། ཁྲུས་ཀྱི་རྫིང་བུ་དང་། སྐྱེད་ཤིང་དང་། ནགས་ཚལ་དང་། རྩི་ཤིང་གིས་ཡོངས་སུ་གང་སྟེ། གནས་དེའི་བར་བར་ན། བྲག་ལས་ཆུ་མིག་གཙང་མ་འབབ་སྟེ། མེ་ཏོག་བསུང་ཅན་གྱིས་ཡོངས་སུ་བརྒྱན་ལ། བྱ་དང་{རི་དགས་,རི་དྭགས་}ཀྱང་དཔག་ཏུ་མེད་དོ། །
D119.052.0227b04.01དེ་ན་ཤིན་ཏུ་རོ་དང་ལྡན་པའི་འབྲས་བུའི་ཤིང་རྣམ་པ་ཐ་དད་པ་ཡང་དཔག་ཏུ་མེད་ལ། གཞན་ཡང་པད་མོའི་རྩ་བ་དངར་པོ་དང་། ཤིང་སྔོན་པོའི་རྩ་བ་བསུང་ཅན་གྱིས་ཡོངས་སུ་གང་ངོ་། །ང་དེའི་ཚེ་དེའི་དུས་ན་གཅིག་པུ་དེ་ན་གནས་ཏེ། ཤིང་གི་འབྲས་བུ་འབའ་ཞིག་ཟའོ། །ཟོས་
D119.052.0227b05.01ནས་སེམས་རྩེ་གཅིག་ཏུ་ཏིང་ངེ་འཛིན་ཡིད་ལ་བྱེད་དེ། ལོ་ཚད་མེད་པའི་བར་དུ་དེ་བཞིན་གཤེགས་པ་འཇིག་རྟེན་དུ་འབྱུང་ངོ་ཞེས་ཀྱང་མ་ཐོས་ལ། ཐེག་པ་ཆེན་པོའི་མདོ་སྡེའི་མིང་ཡང་མ་ཐོས་སོ། །རིགས་ཀྱི་བུ་ངས་དེ་ལྟར་དཀའ་ཐུབ་སྤྱོད་པ་ན་བརྒྱ་བྱིན་ལྷའི་དབང་པོ་དང་།
D119.052.0227b06.01ལྷའི་བུ་རྣམས་ཤིན་ཏུ་ངོ་མཚར་དུ་གྱུར་ཏེ། འདུས་ནས་སོ་སོ་ནས་འདི་སྙམ་དུ་འགྱུར་ཏེ། ཚིགས་སུ་བཅད་པ་འདི་སྨྲས་སོ། །གཅིག་ལ་གཅིག་ནི་འདི་སྐད་ཅེས། །རྣམ་དག་གངས་ཀྱི་རི་འདི་ལ། །རབ་ཞི་འདོད་ཆགས་སྤངས་པའི་བདག །ཡོན་ཏན་བརྒྱད་པའི་རྒྱལ་
D119.052.0227b07.01