完整藏文原文 · 德格版页 当前仅加载第 52 函德格 86a 版页；藏文 NFD、目录标记与异常页序保留在来源切片中，重复版页行以稳定序号区分。
སོ་ཤིན་ཏུ་ལེགས་སོ། །རིགས་ཀྱི་བུ་རྒྱུ་དང་རྐྱེན་དེ་ལྟ་བས་ན་ངས་རྣམ་པ་སྣ་ཚོགས་ཀྱི་ཐབས་དང་དཔེས་རྣམ་པར་གྲོལ་བའི་དཔེར་གསུངས་པ་ཡིན་ནོ། །དཔེ་རྣམ་པ་གྲངས་མེད་ཚད་མེད་པ་སྙེད་ཀྱིས་དཔེར་བསྟན་ཀྱང་ཡང་དག་པར་ན་དཔེར་བསྐྲུན་དུ་མེད་དེ།
D119.052.0086a01.01རྒྱུ་དང་རྐྱེན་ཁ་ཅིག་གི་སྐབས་སུ་ནི་དཔེས་བསྟན་དུ་རུང་ངོ་། །རྒྱུ་དང་རྐྱེན་ཁ་ཅིག་གི་སྐབས་སུ་ནི་དཔེས་བསྟན་དུ་མི་རུང་སྟེ། དེ་བས་ན་རྣམ་པར་གྲོལ་བ་ནི་དེ་ལྟ་བུའི་ཡོན་ཏན་ཚད་མེད་པ་དང་ལྡན་ཏེ། མྱ་ངན་ལས་འདས་པ་ལ་ཞུགས་པའོ། །མྱ་ངན་ལས་འདའ་བ་དང་། དེ་བཞིན་
D119.052.0086a02.01གཤེགས་པ་ལ་ཡང་དེ་ལྟ་བུའི་ཡོན་ཏན་ཚད་མེད་པ་དང་ལྡན་ནོ། །དེ་ལྟ་བུའི་ཡོན་ཏན་ཚད་མེད་པ་དང་ལྡན་ཏེ། ཕུན་སུམ་ཚོགས་པའི་ཕྱིར་ན་ཡོངས་སུ་མྱ་ངན་ལས་འདས་པ་ཆེན་པོ་ཞེས་བྱའོ། །བྱང་ཆུབ་སེམས་དཔའ་འོད་སྲུང་གིས་བཅོམ་ལྡན་འདས་ལ་གསོལ་པ། བཅོམ་
D119.052.0086a03.01ལྡན་འདས་བདག་གིས་ནི་དེ་བཞིན་གཤེགས་པ་བྱོན་པའི་གནས་གདོད་འཚལ་ཏེ། བས་མི་འཚལ་བའི་གནས་སོ། །དེ་ལྟར་བས་མི་འཚལ་བས་ན་སྐུ་ཚེའི་ཚད་ཀྱང་བས་མི་འཚལ་བར་རིག་པར་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། ལེགས་སོ་ལེགས་སོ། །
D119.052.0086a04.01རིགས་ཀྱི་བུ་ཁྱོད་ནི་ཡང་དག་པའི་ཆོས་ཤིན་ཏུ་འཛིན་ཅིང་སྲུང་བའོ། །རིགས་ཀྱི་བུའམ་རིགས་ཀྱི་བུ་མོ་གང་ཀུན་ནས་ཉོན་མོངས་པས་རྣམ་པར་བཅིངས་པ་གཅོད་འདོད་པ་དག་ནི་དེ་ལྟར་དམ་པའི་ཆོས་གཟུང་ཞིང་བསྲུང་བར་བྱའོ། །རིགས་ཀྱི་བུ་ཡོངས་སུ་མྱ་ངན་ལས་འདས་
D119.052.0086a05.01པའི་མདོ་ཤིན་ཏུ་ཟབ་མོ་འདི་ལས་གང་ཟག་རྣམ་པ་བཞིས་ཡང་དག་པའི་ཆོས་སྲུང་ཞིང་ཡང་དག་པའི་ཆོས་རྣམ་པར་འཇོག་པ་དང་། ཡང་དག་པའི་ཆོས་ཡིད་ལ་བྱེད་ནུས་ཤིང་འཇིག་རྟེན་དུ་བཅས་པ་ལ་སྙིང་བརྩེ་བ་དང་། འཇིག་རྟེན་དུ་བཅས་པའི་རྟེན་དང་གནས་སུ་འགྱུར་ཞིང་
D119.052.0086a06.01ལྷ་དང་མི་མང་པོ་ལ་ཕན་པ་དང་བདེ་བའི་དོན་བྱེད་པར་འགྱུར་རོ། །གང་ཟག་བཞི་པོ་གང་ཞེ་ན་གང་ཟག་གང་འཇིག་རྟེན་ལས་འདས་ཏེ་ཉོན་མོངས་པའི་མཚན་ཉིད་དང་ལྡན་པ་ནི་རྒྱུན་དུ་ཞུགས་པ་ཞེས་བྱ་སྟེ་གཅིག་གོ། །གང་ཟག་ལན་ཅིག་ཕྱིར་ལྡོག་པ་ནི་གཉིས་སོ། །ལན་ཅིག་ཕྱིར་མི་
D119.052.0086a07.01