完整藏文原文 · 德格版页 当前仅加载第 52 函德格 176a 版页；藏文 NFD、目录标记与异常页序保留在来源切片中，重复版页行以稳定序号区分。
མཆོད་པ་བྱས་པས་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་དོན་འདི་དག་དྲིས་པར་གྱུར་ཏོ། །རིགས་ཀྱི་བུ་ང་ནི་ཡུན་རིང་པོའི་བསྐལ་པ་ཚད་མེད་མཐའ་ཡས་དཔག་ཏུ་མེད་པ་བྱེ་བ་ཁྲག་ཁྲིག་བརྒྱ་སྟོང་གི་བར་དུ་ནད་ཀྱི་
D119.052.0176a01.01དངོས་པོ་དང་བྲལ་བས་བསྙེངས་ཏེ་ཉལ་བ་ཡང་ཡོངས་སུ་སྤོང་ངོ་། །འོད་སྲུང་སྔོན་བསྐལ་པ་ཚད་མེད་གྲངས་མེད་པ་འདས་པ་དེའི་ཚེ་དེའི་དུས་ན་སངས་རྒྱས་བཅོམ་ལྡན་འདས་བླ་མེད་རྒྱལ་བ་ཞེས་བྱ་བ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པ། མཁྱེན་པ་དང་ཞབས་སུ་
D119.052.0176a02.01ལྡན་པ་བདེ་བར་གཤེགས་པ་འཇིག་རྟེན་རིག་པ། བླ་ན་མེད་པ། སྐྱེས་བུ་འདུལ་ཞིང་ཁ་ལོ་སྒྱུར་བ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འཇིག་རྟེན་དུ་མངོན་པར་བྱུང་ནས། ཉན་ཐོས་རྣམས་ལ་ཐེག་པ་ཆེན་པོ་ཡོངས་སུ་མྱ་ངན་ལས་འདས་པའི་མདོ་སྡེ་འདི་
D119.052.0176a03.01རྒྱས་པར་ཕྱེ་ཞིང་བསྟན་ཏེ། དོན་རྟོགས་པར་བྱས་སོ། །དེའི་ཚེ་ན་ང་ཡང་སངས་རྒྱས་དེའི་ཉན་ཐོས་སུ་གྱུར་པས། ཡོངས་སུ་མྱ་ངན་ལས་འདས་པ་ཆེན་པོའི་མདོ་འདི་གཟུངས་སུ་བཟུང་ནས། ཀློག་པ་དང་། འདོན་པ་དང་། དོན་ཁོང་དུ་ཆུད་པ་དང་། གླེགས་བམ་དུ་འདྲི་
D119.052.0176a04.01བ་དང་། གཞན་ལ་རྒྱས་པར་འབྱེད་ཅིང་སྟོན་པ་ལ་སོགས་པ་བྱས་ཏེ། དགེ་བའི་རྩ་བ་དེ་ཉིད་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བསྔོས་སོ། །རིགས་ཀྱི་བུ་དེ་ཚུན་ཆད་སྡིག་པའི་ཉོན་མོངས་པའི་ལས་ཀྱིས་ངན་སོང་དུ་ལྟུང་མ་མྱོང་ངོ་། །དམ་པའི་ཆོས་ལ་སྐུར་ཏེ་
D119.052.0176a05.01ལོག་སྲེད་ཅན་གྱི་ལུས་སམ། ཉུང་རུམ་དང་། དབང་པོ་མེད་པ་དང་། མཚན་གཉིས་པའི་ལུས་ཀྱང་ལེན་མ་མྱོང་ངོ་། །མཚམས་མེད་པའི་ལས་ཕ་མ་བསད་པ་དང་། དགྲ་བཅོམ་པ་བསད་པ་དང་། མཆོད་རྟེན་བཤིག་པ་དང་། དགེ་འདུན་གྱི་དབྱེན་བྱེད་པ་དང་།
D119.052.0176a06.01སངས་རྒྱས་ཀྱི་སྐུ་ལ་ངན་སེམས་ཀྱིས་ཁྲག་ཕྱུང་བ་དང་། རྩ་བ་བཞི་ཉམས་པའི་ལས་བྱེད་མ་མྱོང་ངོ་། །དེ་ཚུན་ཆད་ལུས་དང་སེམས་རབ་ཏུ་བདེ་བར་གྱུར་གྱི། སྡུག་བསྔལ་གྱིས་གདུངས་པར་མ་གྱུར་ཏོ། །འོད་སྲུང་ང་ལ་ནི་ཡང་དག་པར་ན་ནད་ཐམས་ཅད་མེད་དོ། །དེ་ཅིའི་
D119.052.0176a07.01