完整藏文原文 · 德格版页 当前仅加载第 52 函德格 243a 版页；藏文 NFD、目录标记与异常页序保留在来源切片中，重复版页行以稳定序号区分。
པོ་ལ་གནས་པ་དང་། ཕྱིར་མི་ལྡོག་པའི་ཐེག་པ་དང་། མི་གཡོ་བའི་ཐེག་པ་དང་། རྡོ་རྗེ་གདན་གྱི་ཐེག་པ་དང་། ཉན་ཐོས་དང་རང་སངས་རྒྱས་མི་ཚོལ་བའི་ཐེག་པ་དང་། སངས་རྒྱས་ཀྱི་ཐེག་པ་ལ་འབབ་པ་དང་། མི་ཕྲོགས་པའི་ཐེག་པ་དང་། མི་ཞན་པའི་ཐེག་
D119.052.0243a01.01པ་དང་། ཕྱིར་མི་ནུར་བའི་ཐེག་པ་དང་། བླ་ན་མེད་པའི་ཐེག་པ་དང་། སྟོབས་བཅུའི་ཐེག་པ་དང་། ཡོན་ཏན་ཆེན་པོའི་ཐེག་པ་དང་། རྨད་དུ་བྱུང་བའི་ཐེག་པ་དང་། ངོ་མཚར་ཆེ་བའི་ཐེག་པ་དང་། ཤིན་ཏུ་རྙེད་དཀའ་བའི་ཐེག་པ་དང་། མཐའ་ཡས་པའི་ཐེག་པ་དང་། ཐམས་ཅད་
D119.052.0243a02.01མཁྱེན་པའི་ཐེག་པས་བཏེག་པར་གྱུར་ཅིག །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པའི་སེམས་ཀྱིས་ཐེག་པ་སྦྱིན་པ་བྱིན་པ་ན་རྟག་ཏུ་སྨོན་ལམ་དེ་དག་བསྐྱེད་པ་ལ་བརྟན་པར་བྱའོ། །རིགས་ཀྱི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་བགོ་
D119.052.0243a03.01བའི་གོས་སྦྱིན་པ་བྱིན་པ་ན། འདི་ལྟར་སྨོན་ལམ་འདེབས་སོ། །བདག་གིས་སྦྱིན་པ་བྱིན་པ་འདི་སེམས་ཅན་ཐམས་ཅད་དང་ཐུན་མོང་དུ་གྱུར་ཅིག །དེའི་རྒྱུ་དེའི་རྐྱེན་གྱིས་སེམས་ཅན་ཐམས་ཅད་འཛེམ་པ་དང་ངོ་ཚ་བའི་གོས་དང་ལྡན་ཞིང་། ཆོས་ཀྱི་དབྱིངས་ཀྱིས་ལུས་ཁེབས་
D119.052.0243a04.01ནས་ལྟ་བ་མང་པོས་གླགས་པའི་གོས་དྲལ་བ་དང་། གོས་ཀྱི་ལུས་ལ་ཁྲུ་གང་གིས་མི་རེག་པ་དང་། གསེར་གྱི་མདོག་ཅན་གྱི་ལུས་ཐོབ་པ་དང་། རེག་བྱ་རྣམས་ཤིན་ཏུ་འཇམ་པ་དང་། འོད་གསལ་ཞིང་ཐོགས་པ་མེད་པ་དང་། མདོག་འཚེར་ཞིང་པགས་པ་འཇམ་ལ་
D119.052.0243a05.01འོད་རྟག་ཏུ་ཚད་མེད་པ་དང་། གཟུགས་མེད་ཅིང་གཟུགས་དང་བྲལ་བར་གྱུར་ཅིག །སེམས་ཅན་ཐམས་ཅད་ཀྱིས་གཟུགས་མེད་པའི་ལུས་ཐོབ་ཅིང་གཟུགས་ཐམས་ཅད་ལ་འདས་པ་དང་། གཟུགས་མེད་པའི་ཡོངས་སུ་མྱ་ངན་ལས་འདས་པ་ཆེན་པོ་ལ་ཞུགས་པར་གྱུར་ཅིག །
D119.052.0243a06.01ཅེས་སྨོན་ལམ་འདེབས་སོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོས་གོས་ཀྱི་སྦྱིན་པ་བྱིན་པ་ན། དེ་ལྟར་སྨོན་ལམ་བསྐྱེད་པ་ལ་བརྟན་པར་བྱའོ། །རིགས་ཀྱི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་བསྒོམ་པ་ན། མེ་ཏོག་དང་།
D119.052.0243a07.01