完整藏文原文 · 德格版页 当前仅加载第 52 函德格 230a 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲས་སྙམ་སེམས་པར་གྱུར་ཏོ། །ཡང་འདི་སྙམ་དུ་སེམས་ཏེ། འདིས་སྨྲས་པ་ནི་མ་ཡིན་པ་སྙམ། དེ་ཅིའི་ཕྱིར་ཞེ་ན། འདི་ལྟར་བྱད་གཟུགས་ཤིན་ཏུ་མི་སྡུག་ལ་འཇིགས་སུ་རུང་བ་ནི་འདི་ལྟ་བུར་མི་འགྱུར་བའི་ཕྱིར་རོ། །གང་གིས་ཚིགས་སུ་བཅད་པ་འདི་
D119.052.0230a01.01ཐོས་ནས་འཇིགས་སུ་རུང་བའི་མི་སྡུག་པ་ཐམས་ཅད་དང་བྲལ་བའི་རིགས་ཏེ། ཅིའི་ཕྱིར་ན་འདི་ལྟ་བུ་བྱད་གཟུགས་ཅན་གྱིས་འདི་སྐད་དུ་ཚིགས་སུ་བཅད་པ་སྨྲས་པར་གྱུར། དེ་ནི་མེའི་ནང་ནས་པད་མོ་སྐྱེ་མི་སྲིད་ལ། ཉི་མས་གདུངས་པའི་འོད་ལས་ཆུ་གྲང་མོ་འབྱུང་མི་སྲིད་སྙམ་
D119.052.0230a02.01སེམས་པར་གྱུར་ཏེ། རིགས་ཀྱི་བུ་ང་ཡང་དེའི་ཚེ་ན་འདི་སྙམ་དུ་བདག་ནི་ཤིན་ཏུ་ཤེས་པ་མེད་པ་སྟེ་གལ་ཏེ་ན་སྲིན་པོ་འདི་སྔོན་འདས་པའི་སངས་རྒྱས་དང་ཕྲད་དེ། སངས་རྒྱས་ལས་ཚིགས་སུ་བཅད་པ་ཕྱེད་པོ་འདི་ཐོས་སམ་སུས་ཤེས། ཚིགས་སུ་བཅད་པ་ཕྱེད་པོའི་དོན་འདི་དྲི་བར་
D119.052.0230a03.01བྱའོ་སྙམ་དུ་བསམས་ནས་སྲིན་པོ་དེ་ལ་བསྙེན་ཏེ་འདི་སྐད་ཅེས་སྨྲས་སོ། །ལེགས་སོ། །སྐྱེས་བུ་ཆེན་པོ་ཁྱོད་སྔོན་འདས་པའི་འཇིགས་པ་དང་བྲལ་བས་གསུངས་པའི་ཚིགས་སུ་བཅད་པ་ཕྱེད་པོ་འདི་སུ་ལས་ཐོས། སྐྱེས་བུ་ཆེན་པོ་ཡིད་བཞིན་གྱི་ནོར་བུ་རིན་པོ་ཆེ་ཕྱེད་པོ་འདི་ག་
D119.052.0230a04.01ལས་རྙེད། སྐྱེས་བུ་ཆེན་པོ་ཚིགས་སུ་བཅད་པ་ཕྱེད་པོ་འདིའི་དོན་འདི་ནི་འདས་པ་དང་། མ་འོངས་པ་དང་། ད་ལྟར་བཞུགས་པའི་སངས་རྒྱས་བཅོམ་ལྡན་འདས་ཐམས་ཅད་ཀྱི་ཡང་དག་པའི་ལམ་ཡིན་ཏེ། འཇིག་རྟེན་ན་གནས་པའི་སེམས་ཅན་ཚད་མེད་པ་ནི་རྟག་ཏུ་ལྟ་བའི་དྲ་
D119.052.0230a05.01བས་ཀུན་ཏུ་གླགས་པས་ན་ནམ་དུ་ཡང་མུ་སྟེགས་ཅན་གྱི་ཆོས་ལས་འཇིག་རྟེན་ལས་འདས་པ་སྟོབས་བཅུ་དང་ལྡན་པ་ཤིན་ཏུ་དཔའ་བས་གསུངས་པའི་སྟོང་པ་ཉིད་ཀྱི་དོན་འདི་མི་ཐོས་སོ། །རིགས་ཀྱི་བུ་ངས་དེ་ལ་དེ་སྐད་ཅེས་དྲིས་པ་དང་། ཕྱིར་ང་ལ་འདི་སྐད་ཅེས་སྨྲས་སོ། །བྲམ་
D119.052.0230a06.01ཟེ་ཆེན་པོ་ཁྱོད་ང་ལ་འདི་སྐད་ཅེས་མ་འདྲི་ཤིག །དེ་ཅིའི་ཕྱིར་ཞེ་ན། ཁོ་བོ་ཟས་མ་རྙེད་ནས་ཞག་མང་དུ་ལོན་ཏེ་གནས་ཀུན་ཏུ་བཙལ་ཀྱང་མ་རྙེད་པས། བཀྲེས་པ་དང་སྐོམ་པས་ཡོངས་སུ་གདུངས་ཏེ་སྔར་སྨྲས་པ་ཡང་མྱོས་བཞིན་དུ་སྨྲས་པར་ཟད་ཀྱི། དྲན་བཞིན་ནམ་ཤེས་བཞིན་
D119.052.0230a07.01