完整藏文原文 · 德格版页 当前仅加载第 52 函德格 69a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱང་། བྱིས་པ་མ་རབས་ཀྱིས་མི་ཤེས་པའི་ཕྱིར་ན་དགོངས་ཏེ་གསུངས་པའི་སྙིང་པོ་ཞེས་བྱའོ། །མཁས་པ་ཤེས་རབ་ཅན་དག་གིས་ཁོང་དུ་ཆུད་པས་གསང་བ་ཞེས་མི་བྱའོ། །རིགས་ཀྱི་བུ་འདི་ལྟ་སྟེ་དཔེར་ན་མི་ཞིག་གསེར་དངུལ་མང་དུ་བསགས་ཏེ། སྲང་གྲངས་མེད་པར་ཕྱིན་ཀྱང་
D119.052.0069a01.01སེར་སྣ་བྱེད་དེ། དབུལ་ཕོངས་པ་ལ་སྦྱིན་པ་མི་བྱེད་པ་ནི་{སྩོགས་,སོགས་}པས་གསང་བའི་མཛོད་ཅེས་བྱའི། དེ་བཞིན་གཤེགས་པ་ནི་དེ་ལྟ་བུ་མ་ཡིན་ཏེ། བསྐལ་པ་ཚད་མེད་པའི་བར་དུ་དམ་པའི་ཆོས་རིན་པོ་ཆེ་ཚད་མེད་པ་བསགས་པ་སེར་སྣ་མེད་པར་སེམས་ཅན་ཐམས་ཅད་ལ་རྟག་ཏུ་སྦྱིན་པ་བྱེད་ན་
D119.052.0069a02.01ཅིའི་ཕྱིར་དེ་བཞིན་གཤེགས་པ་ལ་དགོངས་ཏེ་གསུངས་པའི་སྙིང་པོ་ཡོད་ཅེས་བྱ། རིགས་ཀྱི་བུ་འདི་ལྟ་སྟེ་དཔེར་ན། མི་ཞིག་དབང་པོ་མ་ཚང་བ། མིག་ཡ་གཅིག་གམ། ལག་པ་ཡ་གཅིག་གམ། རྐང་པ་ཡ་གཅིག་མ་ཚང་ན་ངོ་ཚ་བའི་ཕྱིར་གཞན་གྱིས་མི་མཐོང་བར་བྱེད་པས་གསང་བ་ཞེས་བྱའོ། །དེ་
D119.052.0069a03.01བཞིན་གཤེགས་པ་ནི་དེ་ལྟ་བུ་མ་ཡིན་ཏེ་དམ་པའི་ཆོས་ཐམས་ཅད་ཕུན་སུམ་ཚོགས་ཏེ་ཉམས་པ་མེད་པས་སྐྱེ་བོ་ཀུན་མཐོང་བར་བྱེད་ན། ཅིའི་ཕྱིར་དེ་བཞིན་གཤེགས་པ་ལ་དགོངས་ཏེ་གསུངས་པའི་སྙིང་པོ་ཡོད་ཅེས་བྱ། རིགས་ཀྱི་བུ་འདི་ལྟ་སྟེ། དཔེར་ན་མི་དབུལ་པོ་ཞིག་ལ་བུ་ལོན་མང་པོ་
D119.052.0069a04.01ཆགས་ན། བུ་ལོན་དེད་པས་འཇིགས་ཏེ་མི་མཐོང་བར་བྱ་བའི་ཕྱིར་ན་གསང་བ་ཞེས་བྱའོ། །དེ་བཞིན་གཤེགས་པ་ནི་དེ་ལྟ་བུ་མ་ཡིན་ཏེ། སེམས་ཅན་ཐམས་ཅད་ལ་འཇིག་རྟེན་གྱི་ཆོས་ཀྱང་མ་ཆགས་ལ། སེམས་ཅན་ལ་འཇིག་རྟེན་ལས་འདས་པའི་ཆོས་ཆགས་ཀྱང་མི་གསང་ངོ་། །དེ་ཅིའི་ཕྱིར་
D119.052.0069a05.01ཞེ་ན། སེམས་ཅན་ཐམས་ཅད་ལ་བུ་གཅིག་པ་དང་འདྲ་བར་དགོངས་ཏེ་བླ་ན་མེད་པའི་ཆོས་འབྱེད་ཅིང་སྟོན་ཏོ། །རིགས་ཀྱི་བུ་འདི་ལྟ་སྟེ་དཔེར་ན་ཁྱིམ་བདག་ཕྱུག་པོ་ཞིག་ལ་བུ་གཅིག་ལས་མེད་དེ་ཤིན་ཏུ་སྡུག་ཅིང་བྱམས་ན། རིན་པོ་ཆེ་ཅི་བདོག་པ་ཐམས་ཅད་སྟོན་ཏོ། །དེ་བཞིན་གཤེགས་པ་ཡང་
D119.052.0069a06.01དེ་དང་འདྲ་སྟེ། སེམས་ཅན་ཐམས་ཅད་ལ་བུ་གཅིག་པ་དང་འདྲ་བར་གཟིགས་སོ། །རིགས་ཀྱི་བུ་འདི་ལྟ་སྟེ། འཇིག་རྟེན་ན་མི་དག་ནི་ཕོ་མོའི་མཚན་མི་སྡུག་པའི་ཕྱིར་གོས་ཀྱིས་འགེབས་པས་ན་གསང་བ་ཞེས་བྱའོ། །དེ་བཞིན་གཤེགས་པ་ནི་དེ་ལྟ་བུ་མ་ཡིན་ཏེ། དབང་པོ་ལས་རིང་དུ་གྱུར་ཏེ།
D119.052.0069a07.01