完整藏文原文 · 德格版页 当前仅加载第 52 函德格 102b 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་པའི་ལུས་ཀྱི་བར་དུ་ཡང་སྤྲུལ་ཅིང་སངས་རྒྱས་ཀྱི་གཟུགས་སུ་ཡང་སྤྲུལ་ཅིང་སྟོན་ཏོ། །བདུད་ཀྱི་རྒྱལ་པོ་ཟག་པ་དང་བཅས་པའི་ལུས་ཀྱིས་ཟག་པ་མེད་པའི་ལུས་སུ་སྤྲུལ་ཏེ། ངའི་དམ་པའི་ཆོས་འཇིག་ཅིང་མ་རུང་བར་བྱེད་དོ། །བདུད་སྡིག་ཏོ་ཅན་དེ་དམ་པའི་ཆོས་
D119.052.0102b01.01མ་རུང་བར་བྱེད་པ་ན་འདི་སྐད་ཅེས་ཟེར་རོ། །བྱང་ཆུབ་སེམས་དཔའ་སྔོན་དགའ་ལྡན་གནམ་ནས་མི་སྣང་བར་གྱུར་ཏེ། གྲོང་ཁྱེར་སེར་སྐྱའི་རྒྱལ་པོ་ཟས་གཙང་མའི་ཕོ་བྲང་དུ་ཕ་མ་གཉིས་འདུས་པའི་འདོད་པ་ལས་ལུས་འདི་སྐྱེས་སོ། །ཞེས་སྨྲའོ། །གང་ཟག་ནི་མིའི་
D119.052.0102b02.01རྒྱུད་དུ་སྐྱེས་ཏེ། འཇིག་རྟེན་དུ་བཅས་པ་ལྷ་དང་། མིའི་འཁོར་ཐམས་ཅད་ཀྱིས་མཆོད་ཅིང་བསྟི་སྟང་བྱེད་པར་འགྱུར་བ་ནི་གནས་མེད་དོ། །གཞན་ཡང་འདི་སྐད་དུ་སྔོན་དཀའ་བ་རྣམ་པ་མང་པོ་སྤྱོད་ཅིང་། མགོ་དང་། མིག་དང་། རུས་པ་དང་། རྐང་དང་།
D119.052.0102b03.01ཡུལ་དང་། སྲིད་དང་། ཆུང་མ་དང་། བུ་ཕོ་ལ་སོགས་པ་སྦྱིན་པ་བྱས་པས་མངོན་པར་སངས་རྒྱས་ཏེ། དེའི་རྒྱུ་དེའི་རྐྱེན་གྱིས་འཇིག་རྟེན་དུ་བཅས་པ། ལྷ་དང་། མི་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་
D119.052.0102b04.01པོ་ལ་སོགས་པས་མཆོད་ཅིང་བསྟི་སྟང་བྱེད་པར་གྱུར་ཏོ། །ཞེས་གལ་ཏེ་མདོ་སྡེ་དང་འདུལ་བ་ལས་དེ་སྐད་ཅེས་འབྱུང་ན་ཡང་དེ་ནི་བདུད་ཀྱིས་བསྟན་པ་ཡིན་པར་རིག་པར་བྱའོ། །རིགས་ཀྱི་བུ་མདོ་སྡེའམ་འདུལ་བ་ལས་གང་འདི་སྐད་དུ་དེ་བཞིན་གཤེགས་པ་ནི་
D119.052.0102b05.01མངོན་པར་སངས་རྒྱས་ནས་ཡུན་རིང་སྟེ། མངོན་པར་སངས་རྒྱས་པ་བསྟན་པ་ནི་སེམས་ཅན་རྣམས་སྒྲོལ་བའི་ཕྱིར་ཏེ། འཇིག་རྟེན་པའི་རྗེས་སུ་ཕ་མ་འདུས་པ་ལས་སྐྱེས་པར་བསྟན་ཏོ། །ཞེས་མདོ་སྡེ་དང་འདུལ་བ་ལས་འདི་སྐད་འབྱུང་ན་དེ་ནི་ཡང་དག་པར་དེ་བཞིན་
D119.052.0102b06.01གཤེགས་པ་ཡིན་པར་རིག་པར་བྱའོ། །དེ་ལ་གང་བདུད་ཀྱིས་བསྟན་པའི་རྗེས་སུ་འཇུག་པ་ནི་བདུད་ཀྱི་རིས་སུ་གཏོགས་སོ། །དེ་ལ་གང་སངས་རྒྱས་ཀྱིས་བསྟན་པའི་མདོ་སྡེ་དང་འདུལ་བའི་རྗེས་སུ་འཇུག་པ་ནི་བྱང་ཆུབ་སེམས་དཔའ་ཡིན་པར་རིག་པར་བྱའོ། །དེ་ལ་
D119.052.0102b07.01