完整藏文原文 · 德格版页 当前仅加载第 52 函德格 116b 版页；藏文 NFD、目录标记与异常页序保留在来源切片中，重复版页行以稳定序号区分。
པར་མངོན་ནོ། །གལ་ཏེ་བདག་ཅེས་བགྱི་བ་ངེས་པར་མཆིས་པ་ཞིག་ལགས་ན་སྐྱེ་བ་གཅིག་བླངས་ནས་མཐར་མ་མཆིས་པར་འགྱུར་བའི་མི་རིགས་སོ། །ཅི་སྟེ་ཐམས་ཅད་ལ་སངས་རྒྱས་ཀྱི་རང་བཞིན་མཆིས་ཏེ་རྟག་པ་ཞིག་ལགས་ན་འཇིག་པ་ཡང་མི་རིགས་སོ། །གལ་
D119.052.0116b01.01ཏེ་འཇིག་པའི་མཚན་ཉིད་མ་ལགས་ན་ཅིའི་སླད་དུ་རྒྱལ་རིགས་དང་། བྲམ་ཟེ་དང་། རིགས་ངན་དང་། གདོལ་པ་དང་། བྱོལ་སོང་ལ་སོགས་པ་རྣམ་པ་ཐ་དད་དེ། ལས་ཀྱི་རྣམ་པར་སྨིན་པ་རྣམ་པ་སྣ་ཚོགས་མི་འཐུན་ཞིང་རྒྱུ་ཐ་དད་པར་འགྱུར། ཅི་སྟེ་བདག་ཅེས་བགྱི་
D119.052.0116b02.01བ་ངེས་པར་མཆིས་ན་སེམས་ཅན་ཐམས་ཅད་ལ་བཟང་ངན་མ་མཆིས་པའི་རིགས་ཏེ། དེ་ལྟ་བས་ན་སངས་རྒྱས་ཀྱི་རང་བཞིན་ཞེས་བགྱི་བ་ནི་རྟག་པའི་ཆོས་མ་ལགས་པར་མངོན་ནོ། །ཅི་སྟེ་སངས་རྒྱས་ཀྱི་རང་བཞིན་ངེས་པར་རྟག་པ་ཞིག་ལགས་ན་ཅིའི་སླད་དུ་སྲོག་
D119.052.0116b03.01གཅོད་པ་དང་། མ་བྱིན་པར་ལེན་པ་དང་། མི་ཚངས་པར་སྤྱོད་པ་དང་། {བརྫུན་,རྫུན་}དུ་སྨྲ་བ་དང་། ཕྲ་མ་དང་། ངག་རྩུབ་མོ་དང་། ཚིག་ཐུན་ཚགས་དང་། འདོད་ཆགས་དང་། ཞེ་སྡང་དང་། ངན་པར་ལྟ་བ་ལ་སོགས་པ་བསྟན་ཅིང་གསུངས། གལ་ཏེ་བདག་ཅེས་
D119.052.0116b04.01བགྱི་བའི་རང་བཞིན་རྟག་པ་ལགས་ན་ཅིའི་སླད་དུ་ཆང་འཐུངས་པས་མྱོས་ཤིང་དྲན་པ་ཉམས་པར་འགྱུར། གལ་ཏེ་བདག་ཅེས་བགྱི་བའི་རང་བཞིན་རྟག་པ་ལགས་ན། ལོང་བས་ཀྱང་གཟུགས་མཐོང་ལ། འོན་པས་ཀྱང་སྒྲ་ཐོས། ལྐུགས་པས་ཀྱང་སྨྲ་ནུས། ཞ་བོས་ཀྱང་
D119.052.0116b05.01འགྲོ་ནུས་པར་འགྱུར་རོ། །ཅི་སྟེ་བདག་ཅེས་བགྱི་བའི་རང་བཞིན་རྟག་ན་ཆུ་དང་། མེ་དང་། གཡང་ས་དང་། དུག་དང་། མཚོན་དང་། གཅན་གཟན་མ་རུངས་པ་ལས་ཀྱང་འབྱོལ་བ་མི་རིགས་སོ། །ཅི་སྟེ་བདག་ཅེས་བགྱི་བ་རྟག་ན་སྔོན་ཅི་ཤེས་པ་ཕྱིས་བརྗེད་པར་མི་
D119.052.0116b06.01རིགས་སོ། །ཅི་སྟེ་ཕྱིས་མི་བརྗེད་ན་ཅིའི་སླད་དུ་བདག་གིས་མི་འདི་སྔོན་མ་མཐོང་ངོ་། །ཞེས་བགྱི་བ་ལ་སོགས་པ་སྨྲ་བར་འགྱུར། གལ་ཏེ་བདག་ཅེས་བགྱི་བ་རྟག་ན་གཞོན་ནུ་ལང་ཚོ་བ་དང་། རྒས་ཏེ་རྒུད་པ་ལ་སོགས་པ་དང་། སྔོན་ཅི་བྱས་པའི་དངོས་པོ་ཐམས་ཅད་
D119.052.0116b07.01