完整藏文原文 · 德格版页 当前仅加载第 52 函德格 118b 版页；藏文 NFD、目录标记与异常页序保留在来源切片中，重复版页行以稳定序号区分。
ཟེ་དང་། རིགས་ངན་གདོལ་པ་ལ་སོགས་པར་གྱུར་པའོ། །སངས་རྒྱས་ཀྱི་རང་བཞིན་ནི་ཤིན་ཏུ་དཔའ་བས་དེ་བས་ན་གསོད་མི་ནུས་སོ། །ཅི་སྟེ་བསད་ན་སངས་རྒྱས་ཀྱི་རང་བཞིན་མེད་པར་བྱས་པ་ཡིན་ནོ། །སངས་རྒྱས་ཀྱི་རང་བཞིན་ནི་རང་བཞིན་གྱིས་མེད་པར་བྱེད་
D119.052.0118b01.01ནུས་པ་མ་ཡིན་ཏེ། མེད་པར་བྱ་བའི་གནས་མེད་དོ། །བདག་ཅེས་བྱ་བའི་རང་བཞིན་ཉིད་ནི་དེ་བཞིན་གཤེགས་པའི་གསང་བའི་སྙིང་པོའོ། །དེ་ལྟར་གསང་བའི་སྙིང་པོ་དེ་ནི་གང་གིས་ཀྱང་འཇིག་ཅིང་མེད་པར་བྱེད་ནུས་པ་མ་ཡིན་ཏེ། མེད་པར་བྱེད་མི་ནུས་ཀྱང་མཐོང་
D119.052.0118b02.01བར་མི་རུང་ངོ་། །གལ་ཏེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་སངས་རྒྱས་ན་རྟོགས་ཤིང་རིག་པར་འགྱུར་ཏེ། དེ་བས་ན་གསོད་ནུས་པ་མེད་དོ། །བྱང་ཆུབ་སེམས་དཔའ་འོད་སྲུང་གིས་གསོལ་པ། ཅི་སྟེ་གསོད་ནུས་པ་མ་མཆིས་ན་མི་དགེ་
D119.052.0118b03.01བའི་ལས་ཞེས་བགྱི་བ་ཡང་མ་མཆིས་སམ། བཅོམ་ལྡན་འདས་ཀྱིས་འོད་སྲུང་ལ་བཀའ་སྩལ་པ། ཡང་དག་པར་ན་གསོད་པ་ཡོད་དོ། །དེ་ཅིའི་ཕྱིར་ཞེ་ན། རིགས་ཀྱི་བུ་སེམས་ཅན་གྱི་སངས་རྒྱས་ཀྱི་རང་བཞིན་ནི་ཕུང་པོ་ལྔ་ལ་གནས་ཏེ། གལ་ཏེ་ཕུང་
D119.052.0118b04.01པོ་ལྔ་བཤིག་ན་སྲོག་བཅད་པ་ཞེས་བྱའོ། །གལ་ཏེ་སྲོག་བཅད་ན་ངན་སོང་དུ་ལྟུང་བར་འགྱུར་ཏེ། ལས་ཀྱི་རྒྱུ་དང་རྐྱེན་གྱིས་རྒྱལ་རིགས་དང་བྲམ་ཟེ་ལ་སོགས་པ་དང་། རིགས་ངན་གདོལ་པ་དང་། སྐྱེས་པ་དང་། བུད་མེད་དང་། མ་ནིང་དང་། སྲིད་པ་ཉི་ཤུ་ལྔ་
D119.052.0118b05.01པོ་ལ་སོགས་པ་རྣམ་པ་ཐ་དད་པའི་མཚན་ཉིད་ཀྱིས་འཁོར་བར་འཁོར་རོ། །འཕགས་པ་མ་ཡིན་པ་དག་ནི་བདག་ཅེས་བྱ་བ་མཚན་ཉིད་ཆེན་པོ་དང་། ཆུང་ངུ་དང་། ཏིལ་ལམ། ཁྲེའམ། སྲན་མའམ། མཐེ་བོའི་བར་དུ་རྣམ་པ་སྣ་ཚོགས་སུ་འཛིན་ཏེ། གང་མི་
D119.052.0118b06.01བདེན་པའི་སྒྱུ་མའི་མཚན་ཉིད་དུ་འཛིན་པ་ཡང་དག་པ་མ་ཡིན་ནོ། །འཇིག་རྟེན་ལས་འདའ་བའི་བདག་གི་མཚན་ཉིད་ནི་སངས་རྒྱས་ཀྱི་རང་བཞིན་ཞེས་བྱ་སྟེ། དེ་ལྟར་བདག་ཏུ་འཛིན་པ་ནི་ཤིན་ཏུ་མཆོག་ཅེས་བྱའོ། །རིགས་ཀྱི་བུ་གཞན་ཡང་འདི་ལྟ་སྟེ་དཔེར་ན་སྐྱེས་བུ་གཏེར་གྱི་
D119.052.0118b07.01