完整藏文原文 · 德格版页 当前仅加载第 52 函德格 308a 版页；藏文 NFD、目录标记与异常页序保留在来源切片中，重复版页行以稳定序号区分。
ལོག་སྐྱེས་ཏེ། སངས་རྒྱས་བཅོམ་ལྡན་འདས་མ་ཡིན་པ་ལ་སངས་རྒྱས་བཅོམ་ལྡན་འདས་སུ་འདུ་ཤེས་བསྐྱེད་དེ། ད་སངས་རྒྱས་བཅོམ་ལྡན་འདས་མཐོང་བས་ན་ཐེ་ཙོམ་གྱི་སེམས་བྱང་བར་གྱུར་ཏོ། །ཐེ་ཙོམ་ཡོངས་སུ་བྱང་བས་ཕྱིན་ཅི་ལོག་ཟད་པར་གྱུར་ཏོ། །ཕྱིན་ཅི་ལོག་
D119.052.0308a01.01ཟད་པས་ན་སེར་སྣའི་སེམས་མེད་པ་ནས། ཕྲག་དོག་གི་སེམས་ཀྱི་བར་དུ་མེད་དོ། །བཅོམ་ལྡན་འདས་ཀྱིས་བཀའ་སྩལ་པ། སེར་སྣ་དང་ཕྲག་དོག་གི་སེམས་མེད་དོ་ཞེས་བྱ་བ་ཁྱོད་ད་ལྟར་ལན་ཅིག་ཕྱིར་ལྡོག་པའི་འབྲས་བུ་ཐོབ་བམ་ལན་ཅིག་ཕྱིར་ལྡོག་པའི་འབྲས་བུ་འཐོབ་པ་ནི་འདོད་པའི་སེམས་
D119.052.0308a02.01མེད་དོ། །གལ་ཏེ་འདོད་པའི་སེམས་མེད་ན་ཅི་སྟེ་སྲོག་གི་ཕྱིར་ངའི་དྲུང་དུ་འོངས། ལན་ཅིག་ཕྱིར་ལྡོག་པ་ནི་སྲོག་ལ་རེ་བ་མེད་དོ། །བཅོམ་ལྡན་འདས་ཕྱིན་ཅི་ལོག་པ་ནི་སྲོག་ལ་རེ་བ་མཆིས་སོ། །ཕྱིན་ཅི་ལོག་མ་མཆིས་པ་ནི་སྲོག་ལ་མི་རེའོ། །བདག་ཀྱང་ཡང་དག་པར་ན་སྲོག་ལ་རེ་བ་མ་མཆིས་
D119.052.0308a03.01ཀྱི། སངས་རྒྱས་བཅོམ་ལྡན་འདས་ཀྱི་ཆོས་ཀྱི་སྐུ་དང་། སངས་རྒྱས་ཀྱི་ཡེ་ཤེས་ལ་རེའོ། །ཀཽ་ཤི་ཀ་སངས་རྒྱས་ཀྱི་ཆོས་ཀྱི་སྐུ་དང་སངས་རྒྱས་ཀྱི་ཡེ་ཤེས་ཚོལ་བ་ནི་ཕྱི་མ་མ་འོངས་པའི་དུས་སུ་གདོན་མི་ཟ་བར་ཐོབ་པར་འགྱུར་རོ། །དེའི་ཚེ་བརྒྱ་བྱིན་ལྷའི་དབང་ཕྱུག་གིས་བཅོམ་ལྡན་འདས་
D119.052.0308a04.01ལས་དེ་སྐད་ཅེས་ཐོས་ནས། ཚེའི་དུས་བྱེད་པའི་ལྟས་ངན་པ་དེ་ཉིད་བྱང་བར་གྱུར་ནས་འདུག་པ་ལས་ལངས་ཏེ་སྤྱི་བོས་ཕྱག་འཚལ་ནས་ལན་གསུམ་བསྐོར་ཏེ་བསྟི་སྟང་དང་བཅས་པས་ཐལ་མོ་སྦྱར་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བདག་ནི་ཤི་བ་ལས་སོས་སོ། །སྲོག་
D119.052.0308a05.01སྟོར་བ་ལས་སྲོག་ཕྱིར་རྙེད་དོ། །ཡང་སངས་རྒྱས་བཅོམ་ལྡན་འདས་ལས་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་འཚང་རྒྱའོ་ཞེས་ལུང་བསྟན་པ་ཐོབ་པས་དེ་ནི་སོས་པ་དང་སྲོག་ཐོབ་པ་ཞེས་བགྱིའོ། །བཅོམ་ལྡན་འདས་ལྷ་དང་མི་དག་ཇི་ལྟར་ན་འཕེལ་ཞིང་སྐྱེ་བར་
D119.052.0308a06.01འགྱུར། ཇི་ལྟར་ན་འགྲིབས་ཤིང་གོད་པར་འགྱུར། བཀའ་སྩལ་པ། ཀཽ་ཤི་ཀ་འཐབ་ཅིང་རྩོད་པའི་རྐྱེན་གྱིས་ལྷ་དང་མི་འགྲིབས་ཤིང་གོད་པར་འགྱུར་རོ། །ཤིན་ཏུ་དུམ་པའི་རྐྱེན་གྱིས་སྐྱེ་ཞིང་འཕེལ་བར་འགྱུར་རོ། །བཅོམ་ལྡན་འདས་གལ་ཏེ་འཐབ་ཅིང་རྩོད་པས་འགྲིབས་ཤིང་གོད་
D119.052.0308a07.01