完整藏文原文 · 德格版页 当前仅加载第 52 函德格 9a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་པོའི་བཙུན་མོ་རྣམས་ཀྱིས་མཆོད་པའི་ཡོ་བྱད་བཤམས་པ་ནི་སྔ་མ་བས་བདུན་འགྱུར་གྱིས་ལྷག་སྟེ། མེ་ཏོག་དང་། སྤོས་དང་། རིན་པོ་ཆེའི་རྒྱལ་མཚན་དང་། དར་གྱི་བ་དན་དང་། གདུགས་དང་། ཞལ་ཟས་མཆོག་རྣམས་སོ། །རིན་
D119.052.0009a01.01པོ་ཆེའི་གདུགས་ནང་གི་ཆུང་ངུ་ཡང་ཆུ་ཞེང་ཁོ་ར་ཁོར་ཡུག་ཏུ་དཔག་ཚད་བཅུ་དྲུག་ཁེབས་སོ། །བ་དན་ནང་གི་ཐུང་ངུའི་ཚད་ཀྱང་དཔག་ཚད་སུམ་ཅུ་རྩ་དྲུག་སྙེད་དོ། །རིན་པོ་ཆེའི་རྒྱལ་མཚན་ནང་གི་དམའ་བའི་ཚད་ཀྱང་དཔག་ཚད་དྲུག་ཅུ་རྩ་བརྒྱད་སྙེད་དོ། །ཞལ་ཟས་ཀྱི་དྲི་བསུང་གིས་
D119.052.0009a02.01ཀྱང་དཔག་ཚད་བརྒྱད་ཀྱི་བར་དུ་བྲོ་བ་མཆོད་པའི་ཡོ་བྱད་དེ་ལྟ་བུ་དག་བཤམས་ནས་དེ་བཞིན་གཤེགས་པ་ག་ལ་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ་ནས་ལན་བརྒྱ་སྟོང་དུ་མ་བསྐོར་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །
D119.052.0009a03.01བཅོམ་ལྡན་འདས་བདག་ཅག་གིས་སངས་རྒྱས་དང་། དགེ་སློང་གི་དགེ་འདུན་རྣམས་ལ་མཆོད་པའི་ཡོ་བྱད་བཤམས་ཏེ་འབུལ་བ་འདི་དེ་བཞིན་གཤེགས་པས་བདག་ཅག་ལ་ཐུགས་བརྩེ་བའི་སླད་དུ་མཆོད་པ་ནང་གི་ཐ་མ་འདི་བཞེས་ཤིག་ཅེས་གསོལ་ཏོ། །དེ་བཞིན་གཤེགས་པ་དུས་
D119.052.0009a04.01མཁྱེན་པས་ཅང་མི་གསུང་ནས་བཞེས་སུ་མ་གནང་ངོ་། །དེའི་ཚེ་རྒྱལ་པོའི་བཙུན་མོ་རྣམས་བསམས་པ་བཞིན་དུ་མ་གྱུར་ནས་ཤིན་ཏུ་མྱ་ངན་གྱིས་ཡིད་གདུངས་ཏེ། སྐྲ་འབལ་ཞིང་བྲང་ལ་ཐལ་མོས་རྡེབས་ཏེ་ཆོ་ངེས་རྡུང་བ་ནི་ཇི་ལྟར་བུའི་ནང་ན་སྡུག་པ་ཤི་བ་དང་འདྲ་བར་གྱུར་ནས་ཕྱོགས་
D119.052.0009a05.01གཅིག་ཏུ་ཅང་མི་སྨྲ་བར་འཁོད་དོ། །དེའི་ཚེ་ཀླུང་གང་གཱ་བརྒྱད་ཀྱི་བྱེ་མ་སྙེད་ཀྱི་ལྷའི་བུ་མོ་རྣམས་ལ་འདི་ལྟ་སྟེ། ལྷའི་བུ་མོ་ཡངས་པའི་མིག་ཅེས་བྱ་བས་ཐོག་མར་དྲངས་ནས་འདི་སྐད་ཅེས་སྨྲས་སོ། །ཀྱེ་གྲོགས་མོ་དག་མཐོང་ངམ། ལྟོས་ཤིག །འཁོར་གྱི་དཀྱིལ་འཁོར་
D119.052.0009a06.01མང་པོས་མཆོད་པའི་ཡོ་བྱད་རྣམ་པ་སྣ་ཚོགས་བཤམས་ནས་དེ་བཞིན་གཤེགས་པ་དང་དགེ་སློང་གི་དགེ་འདུན་ལ་འབུལ་བ་མཐོང་ངམ། བདག་ཅག་ཀྱང་མཆོད་པའི་ཡོ་བྱད་བཤམས་ཏེ། དེ་བཞིན་གཤེགས་པ་ལ་མཆོད་ནས་དེ་བཞིན་གཤེགས་པས་བཞེས་པའི་འོག་ཏུ་མྱ་ངན་ལས་མི་
D119.052.0009a07.01