完整藏文原文 · 德格版页 当前仅加载第 52 函德格 66a 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་བདེ་བ་ལ་ཡང་ལོངས་སྤྱད་ནས་དངོས་པོ་དེ་དག་ཐམས་ཅད་བཏང་སྟེ། རབ་ཏུ་བྱུང་ནས་ལམ་ལ་ནན་ཏན་དུ་བྱེད་དོ་སྙམ་སེམས་སོ། །གཞན་ཡང་ཁ་ཅིག་ནི་རྒྱལ་པོ་ཆེན་པོའི་རྒྱལ་ཚབ་ཐུ་བོ་གཽ་ཏ་མའི་རིགས་ཆེན་པོ་ལ་གཏོགས་པའི་འཇིག་རྟེན་གྱི་བདེ་བ་ཐམས་ཅད་སྤངས་ནས་
D119.052.0066a01.01འཇིག་རྟེན་ལས་འདའ་བའི་ཆོས་ཚོལ་ལོ་སྙམ་སྟེ། ང་ནི་ཡུན་རིང་པོ་ནས་འཇིག་རྟེན་གྱི་འདོད་པའི་དངོས་པོ་ཐམས་ཅད་ཡོངས་སུ་སྤངས་ཏེ། དེ་དག་ཐམས་ཅད་ནི་བསྟན་པ་ཙམ་དུ་ཟད་དོ། །རིགས་ཀྱི་བུ་ང་ནི་འཛམ་བུའི་གླིང་འདིར་ཡང་དང་ཡང་མྱ་ངན་ལས་འདས་པ་བསྟན་ཀྱང་། མཐར་ཡོངས་སུ་མྱ་ངན་ལས་
D119.052.0066a02.01འདས་པ་མ་ཡིན་ཏེ། སོ་སོའི་སྐྱེ་བོ་དག་ནི་དེ་བཞིན་གཤེགས་པ་ཡང་དག་པར་འགོག་པ་ཟད་དོ་སྙམ་སྟེ། དེ་བཞིན་གཤེགས་པ་ནི་མཐར་ཟད་པ་མ་ཡིན་པས་རྟག་ཏུ་གནས་པའི་ཆོས་ཅན་མི་འགྱུར་མི་འཕོ་བའི་ཆོས་ཅན་དུ་རིག་པར་བྱའོ། །རིགས་ཀྱི་བུ་མྱ་ངན་ལས་འདས་པ་ཆེན་པོ་ཞེས་བྱ་བ་ནི།
D119.052.0066a03.01སངས་རྒྱས་བཅོམ་ལྡན་འདས་རྣམས་ཀྱི་ཆོས་ཀྱི་དབྱིངས་སོ། །གཞན་ཡང་ངས་འཛམ་བུའི་གླིང་འདིར་འཇིག་རྟེན་དུ་མངོན་པར་འབྱུང་བ་བསྟན་ཏེ། སོ་སོའི་སྐྱེ་བོ་དག་ནི་ད་གདོད་མངོན་པར་སངས་རྒྱས་སོ་སྙམ་སེམས་ཏེ། ང་ནི་བསྐལ་པ་གྲངས་མེད་པའི་བར་དུ་བྱ་བ་ཐམས་ཅད་བྱས་ཀྱང་འཇིག་
D119.052.0066a04.01རྟེན་པའི་རྗེས་སུ་འཛམ་བུའི་གླིང་འདིར་གདོད་མངོན་པར་སངས་རྒྱས་པ་བསྟན་ཏོ། །ང་ཡང་འཛམ་བུའི་གླིང་འདིར་ཚུལ་ཁྲིམས་མ་བསྡམས་ཏེ་རྩ་བ་བཞི་ཡང་ཉམས་པ་བསྟན་པས་སོ་སོའི་སྐྱེ་བོ་དག་ནི་ཡང་དག་པར་ངས་ཚུལ་ཁྲིམས་ཉམས་སོ་སྙམ་དུ་སེམས་ཀྱང་། ང་ནི་བསྐལ་པ་ཚད་མེད་
D119.052.0066a05.01པའི་བར་དུ་ཚུལ་ཁྲིམས་བསྲུངས་པ་ལ་ཉམས་པ་མེད་དོ། །ང་ཡང་འཛམ་བུའི་གླིང་འདིར་ལོག་སྲེད་ཅན་དུ་བསྟན་ཏེ། སོ་སོའི་སྐྱེ་བོ་དག་ནི་ཐམས་ཅད་ཀྱིས་ང་ལ་ལོག་སྲེད་ཅན་ཡིན་པར་སེམས་ཀྱང་། ང་ནི་ཡང་དག་པར་ལོག་སྲེད་ཅན་མ་ཡིན་ནོ། །གལ་ཏེ་ལོག་སྲེད་ཅན་ཡིན་ན་ཇི་ལྟར་
D119.052.0066a06.01བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་སངས་རྒྱས་པར་གྱུར། ང་ཡང་འཛམ་བུའི་གླིང་འདིར་དགེ་འདུན་འདུམ་པའི་དབྱེན་བྱས་པ་བསྟན་ཏེ། སོ་སོའི་སྐྱེ་བོ་དག་ནི་ང་ལ་དགེ་འདུན་འདུམ་པའི་དབྱེན་བྱས་སོ་སྙམ་དུ་སེམས་ཀྱང་། ངས་རྣམ་པར་བལྟས་ན་འཇིག་
D119.052.0066a07.01