完整藏文原文 · 德格版页 当前仅加载第 52 函德格 198b 版页；藏文 NFD、目录标记与异常页序保留在来源切片中，重复版页行以稳定序号区分。
པས་འཇིགས་སམ། ལྟོང་ངམ། ལྕགས་སམ། ཁོང་སྒྲིལ་གྱིས་འཇིགས་པས་ཕ་མ་དང་ཆུང་མ་དང་། བུ་དང་འཁོར་རྣམས་དང་། རིན་པོ་ཆེ་དེར་སོ་ནམ་ཀུན་སྤངས་ཏེ། ལམ་རིང་པོར་བྱོལ་ཞིང་བྲོས་སོ། །རིགས་ཀྱི་བུ་བྱང་ཆུབ་སེམས་དཔའ་སེམས་
D119.052.0198b01.01དཔའ་ཆེན་པོ་ཡང་དེ་དང་འདྲ་སྟེ། འཁོར་བས་འཇིགས་པ་དང་ཕ་རོལ་ཏུ་ཕྱིན་པ་དྲུག་རྫོགས་པར་སྤྱད་དེ་མྱ་ངན་ལས་འདས་པར་འཇུག་གོ། །འོད་སྲུང་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཐེག་པ་ཆེན་པོ་ཡོངས་སུ་མྱ་ངན་ལས་འདས་པའི་མདོ་སྡེ་
D119.052.0198b02.01སྤྱོད་པ་ན་དགྲ་སྡང་བ་དང་ཕྲད་པའི་སྡུག་བསྔལ་རྟོགས་པ་ཞེས་བྱའོ། །རིགས་ཀྱི་བུ་དེ་ལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཐེག་པ་ཆེན་པོ་ཡོངས་སུ་མྱ་ངན་ལས་འདས་པའི་མདོ་སྤྱོད་པར་འདོད་པ་མི་རྙེད་པའི་སྡུག་བསྔལ་རྟོགས་པ་ཞེ་ན།
D119.052.0198b03.01འདོད་པ་ནི་ཐམས་ཅད་འདོད་པའོ། །ཐམས་ཅད་འདོད་པ་ཡང་རྣམ་པ་གཉིས་ཏེ། དགེ་བའི་ཆོས་འདོད་པ་དང་། མི་དགེ་བའི་ཆོས་འདོད་པའོ། །དེ་ཡང་དགེ་བའི་ཆོས་མ་རྙེད་ན་སྡུག་བསྔལ་བའོ། །མི་དགེ་བའི་ཆོས་དང་མ་བྲལ་ན་སྡུག་བསྔལ་བ་སྟེ། འདི་དག་ནི་
D119.052.0198b04.01ཕུང་པོ་ལྔ་སྡུག་བསྔལ་བ་མདོར་བཤད་པའོ། །འོད་སྲུང་དེ་དག་ནི་སྡུག་བསྔལ་གྱི་བདེན་པ་ཞེས་བྱའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འོད་སྲུང་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་ཕུང་པོ་ལྔ་སྡུག་
D119.052.0198b05.01བསྔལ་བར་གསུངས་པའི་དོན་དེ་ལྟ་མ་ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས་ཀྱིས་སྔོན་ཤཱཀྱ་མིང་ཆེན་ལ་འདི་སྐད་ཅེས་བཀའ་སྩལ་ཏོ། །གལ་ཏེ་གཟུགས་སྡུག་བསྔལ་བ་ཡིན་ན། སེམས་ཅན་ཐམས་ཅད་གཟུགས་འདོད་པའི་མི་
D119.052.0198b06.01རིགས་ཏེ། ཐམས་ཅད་འདོད་པས་ན་སྡུག་བསྔལ་ཞེས་བྱར་མི་རུང་ངོ་ཞེས་ཀྱང་གསུངས། ཡང་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། ཚོར་བ་ལ་ཡང་རྣམ་པ་གསུམ་སྟེ། བདེ་བར་ཚོར་བ་དང་། སྡུག་བསྔལ་བར་ཚོར་བ་དང་།
D119.052.0198b07.01