完整藏文原文 · 德格版页 当前仅加载第 52 函德格 264a 版页；藏文 NFD、目录标记与异常页序保留在来源切片中，重复版页行以稳定序号区分。
མཐོང་ཡང་མཐོང་ལ་ཤེས་ཀྱང་ཤེས་པ་ནི་སངས་རྒྱས་བཅོམ་ལྡན་འདས་སོ། །དེ་ནི་གཟིགས་པ་དང་མཁྱེན་པ་ཞེས་བྱའོ། །གཞན་ཡང་མཐོང་བ་དང་ཤེས་པ་དང་། མི་མཐོང་བ་དང་མི་ཤེས་པ་ཡོད་དོ། །དེ་ལ་མཐོང་བ་དང་ཤེས་པ་ནི་འདི་ལྟ་
D119.052.0264a01.01སྟེ། འཇིག་རྟེན་གྱི་ཡི་གེ་དང་། སྐད་དང་། ཕོ་དང་མོ་དང་། ཐེག་པ་དང་། བུམ་པ་དང་། ཁང་པ་དང་། གྲོང་ཁྱེར་དང་། ཟས་དང་གོས་དང་། རི་དང་ཆུ་དང་། ར་བ་དང་སེམས་ཅན་གྱི་ཚེའི་ཚད་ནི་མཐོང་བ་དང་ཤེས་པ་ཞེས་བྱའོ། །དེ་ལ་མི་མཐོང་བ་དང་མི་ཤེས་
D119.052.0264a02.01པ་ནི་འཕགས་པ་རྣམས་ཀྱིས་དགོངས་ཏེ་གསུངས་པའི་ཚིག་དང་། ཕོ་མོ་མེད་པ་ནས་ར་བའི་བར་དུ་མེད་པ་ནི་མི་མཐོང་བ་དང་མི་ཤེས་པ་ཞེས་བྱའོ། །གཞན་ཡང་ཤེས་ལ་མི་མཐོང་བ་ཡོད་དེ། ཤེས་པ་ནི་སྦྱིན་པའི་གནས་དང་། མཆོད་པའི་གནས་ཤེས་པ་དང་།
D119.052.0264a03.01ལེན་པའི་གནས་ཤེས་པ་དང་། རྒྱུ་དང་འབྲས་བུ་ཤེས་པ་སྟེ། དེ་ནི་ཤེས་པ་ཞེས་བྱའོ། །དེ་ལ་མི་མཐོང་བ་ནི་སྦྱིན་པའི་གནས་དང་། མཆོད་པའི་གནས་དང་། ལེན་པའི་གནས་མི་མཐོང་། རྒྱུ་དང་འབྲས་བུ་རྣམ་པར་སྨིན་པ་མི་མཐོང་བ་སྟེ། དེ་ནི་མི་མཐོང་བ་ཞེས་བྱའོ། །
D119.052.0264a04.01བྱང་ཆུབ་སེམས་དཔའ་སེམས་དཔའ་ཆེན་པོ་ས་རྣམ་པ་བརྒྱད་པོ་ཤེས་པ་ནི་དེ་བཞིན་གཤེགས་པའི་སྤྱན་རྣམ་པ་ལྔ་ཤེས་པ་ཞེས་བྱའོ། །བྱང་ཆུབ་སེམས་དཔའ་འོད་སྲུང་གིས་ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་
D119.052.0264a05.01སེམས་དཔའ་ཆེན་པོས་དེ་ལྟར་རྟོགས་ཤིང་འཚལ་བར་གྱུར་ན་ཕན་པ་ཇི་ལྟ་བུ་དག་འཐོབ་པར་འགྱུར། བཅོམ་ལྡན་འདས་ཀྱིས་བཀའ་སྩལ་པ། བྱང་ཆུབ་སེམས་དཔའ་སེམས་དཔའ་ཆེན་པོས་དེ་ལྟར་རྟོགས་ཤིང་ཤེས་ན་སོ་སོ་ཡང་དག་པར་ཤེས་པ་བཞི་འཐོབ་པར་འགྱུར་
D119.052.0264a06.01རོ། །འདི་ལྟ་སྟེ་ཆོས་སོ་སོ་ཡང་དག་པར་ཤེས་པ་དང་། དོན་སོ་སོ་ཡང་དག་པར་ཤེས་པ་དང་། ཚིག་སོ་སོ་ཡང་དག་པར་ཤེས་པ་དང་། སྤོབས་པ་སོ་སོ་ཡང་དག་པར་ཤེས་པའོ། །དེ་ལ་ཆོས་སོ་སོ་ཡང་དག་པར་ཤེས་པ་ནི་ཆོས་ཐམས་ཅད་དང་ཆོས་ཀྱི་མཚན་ཉིད་ཤེས་
D119.052.0264a07.01