完整藏文原文 · 德格版页 当前仅加载第 52 函德格 66b 版页；藏文 NFD、目录标记与异常页序保留在来源切片中，重复版页行以稳定序号区分。
རྟེན་དུ་བཅས་པ་ལྷ་དང་མིའི་ནང་ན་དགེ་འདུན་འདུམ་པའི་དབྱེན་བྱེད་ནུས་པ་མ་མཐོང་ངོ་། །ང་ཡང་འཛམ་བུའི་གླིང་འདིར་དམ་པའི་ཆོས་ཡོངས་སུ་སྲུང་བ་བསྟན་ཏེ། སོ་སོའི་སྐྱེ་བོ་དག་ནི་ང་ལ་ཆོས་སྲུང་བ་ཡིན་ནོ་སྙམ་ནས། ཐམས་ཅད་ངོ་མཚར་དུ་གྱུར་ཏེ། སངས་རྒྱས་རྣམས་ཀྱི་ཆོས་ཉིད་དེ་ཡིན་
D119.052.0066b01.01པས་དེ་ལ་ནི་ངོ་མཚར་དུ་མི་བྱའོ། །ང་ཡང་འཛམ་བུའི་གླིང་འདིར་བདུད་སྡིག་ཏོ་ཅན་གྱི་ལུས་སུ་བསྟན་ཏེ། སོ་སོའི་སྐྱེ་བོ་དག་ནི་ཡང་དག་པར་ང་ལ་བདུད་སྡིག་ཏོ་ཅན་ཡིན་ནོ་ཞེས་སེམས་ཀྱང་། ང་ནི་བསྐལ་པ་ཚད་མེད་པའི་བར་དུ་བདུད་ཀྱི་ལས་དང་ཡོངས་སུ་བྲལ་ཏེ། པད་མོ་ལྟར་ཡོངས་སུ་
D119.052.0066b02.01དག་པ་ལ་འགོ་བ་མེད་དོ། །ང་ཡང་འཛམ་བུའི་གླིང་འདིར་བུད་མེད་ཀྱི་ལུས་ཀྱིས་སངས་རྒྱས་པ་བསྟན་ཏེ། སོ་སོའི་སྐྱེ་བོ་དག་ནི་འདི་ལྟར་ངོ་མཚར་ཆེ་སྟེ། བུད་མེད་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་སངས་རྒྱས་སོ་སྙམ་དུ་སེམས་ཏེ། དེ་བཞིན་གཤེགས་པ་
D119.052.0066b03.01ནི་ནམ་དུ་བུད་མེད་ཀྱི་ལུས་མི་ལེན་ཀྱང་སེམས་ཅན་ཚད་མེད་པ་སྙེད་གདུལ་བའི་ཕྱིར་བུད་མེད་ཀྱི་གཟུགས་སུ་བསྟན་ཏོ། །སེམས་ཅན་ཐམས་ཅད་ལ་ཐུགས་བརྩེ་བའི་ཕྱིར་གཟུགས་བྱད་རྣམ་པ་སྣ་ཚོགས་བསྟན་པ་ཡིན་ནོ། །ང་ཡང་འཛམ་བུའི་གླིང་འདིར་ལམ་རྒྱུད་བཞིར་སྐྱེ་བ་བསྟན་ཏེ། ང་ནི་
D119.052.0066b04.01ཡུན་རིང་པོ་ནས་ལམ་གྱི་རྒྱུད་དུ་འགྱུར་བའི་རྒྱུན་བཅད་དོ། །ལས་ཀྱི་རྒྱུས་ལམ་རྒྱུད་བཞིར་ལྷུང་ནས་སེམས་ཅན་དེ་དག་གདུལ་བའི་ཕྱིར་དེ་དག་ཏུ་སྐྱེ་བ་ཡང་མངོན་པར་བསྟན་ཏོ། །ང་ཡང་འཛམ་བུའི་གླིང་འདིར་ཚངས་པའི་ལྷའི་རྒྱལ་པོ་བྱས་ཏེ། གང་ཚངས་པའི་ལྷ་ལ་རྗེད་པ་དག་ཡང་དག་པའི་
D119.052.0066b05.01ཆོས་ལ་དགོད་པའི་ཕྱིར་གྱི། ཡང་དག་པར་ཚངས་པ་ནི་མ་ཡིན་ཡང་སོ་སོའི་སྐྱེ་བོ་དག་ནི་ང་ལ་ཡང་དག་པར་ཚངས་པའི་ལྷའི་རྒྱལ་པོ་སྙམ་སེམས་ཏེ། ལྷའི་གཟུགས་སུ་ལྷ་གཞན་དག་ཏུ་བསྟན་པ་ཡང་དེ་བཞིན་ནོ། །ང་ཡང་འཛམ་བུའི་གླིང་འདིར་བུད་མེད་སྦྲུལ་འཚོང་མའི་གནས་སུ་འགྲོ་བ་
D119.052.0066b06.01བསྟན་ཏེ། ང་ལ་ནི་ཡང་དག་པར་འདོད་ཆགས་པའི་འདུ་ཤེས་མེད་ལ། པད་མོ་ལྟར་ཡོངས་སུ་དག་ཅིང་ཅིས་ཀྱང་མི་འགོ་ཡང་སེམས་ཅན་གང་འདོད་ཆགས་ཀྱིས་ཟིལ་གྱིས་ནོན་པ་དག །ལམ་སྲང་བཞི་མདོར་དམ་པའི་ཆོས་བསྟན་པའི་ཕྱིར་གྱི། ང་ལ་ཡང་དག་པར་འདོད་ཆགས་ཀྱི་སེམས་མེད་
D119.052.0066b07.01