完整藏文原文 · 德格版页 当前仅加载第 52 函德格 199a 版页；藏文 NFD、目录标记与异常页序保留在来源切片中，重复版页行以稳定序号区分。
བདེ་བ་ཡང་མ་ཡིན་སྡུག་བསྔལ་བ་ཡང་མ་ཡིན་པར་ཚོར་བ་སྟེ། སྔོན་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། གང་ཞིག་གིས་དགེ་བའི་ཆོས་ལ་ནན་ཏན་བྱས་ན་བདེ་བ་མྱོང་བར་འགྱུར་རོ་ཞེས་ཀྱང་གསུངས། ཡང་བཅོམ་
D119.052.0199a01.01ལྡན་འདས་ཀྱིས་གསུངས་པ། དགེ་བའི་རྒྱུད་དུ་རེག་བྱ་དྲུག་གིས་ཀྱང་བདེ་བ་མྱོང་བར་འགྱུར་ཏེ། མིག་གིས་གཟུགས་བཟང་པོ་མཐོང་ན་དེ་ཡང་བདེ་བ་ལགས་ན་རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱི་བར་དུ་བཟང་པོ་ལ་རེག་པ་ཡང་བདེའོ་
D119.052.0199a02.01ཞེས་གསུངས་ཏེ། བཅོམ་ལྡན་འདས་ཀྱིས་ཚིགས་སུ་བཅད་དེ་གསུངས་པ། ཚུལ་ཁྲིམས་ལྡན་པ་བདེ་བ་སྟེ། །ལུས་ཀྱི་སྡུག་བསྔལ་མི་མྱོང་བ། །གཉིད་ཀྱིས་ལོག་ནའང་བདེ་བར་འགྱུར། །སད་ན་སེམས་ཀྱང་དགའ་བར་འགྱུར། །གོས་དང་བསོད་
D119.052.0199a03.01སྙོམས་ལེན་པ་དང་། །ཀློག་དང་སྒོམ་ཞིང་འཆད་པ་དང་། །བས་མཐའ་དགོན་པ་རི་དང་ཚལ། །གནས་པར་གྱུར་ན་མཆོག་ཏུ་བདེ། །གང་ཞིག་སེམས་ཅན་མང་པོ་ལ། །ཉིན་མཚན་རྟག་ཏུ་སྙིང་རྗེ་ཞིང་། །གཞན་ལ་གནོད་པ་མི་བྱེད་ན། །དེ་ཡི་རྐྱེན་གྱིས་
D119.052.0199a04.01རྟག་ཏུ་བདེ། །འདོད་པ་ཉུང་ཞིང་ཆོག་ཤེས་བདེ། །དེ་བཞིན་མང་དུ་ཐོས་པ་བདེ། །ཆགས་མེད་དགྲ་བཅོམ་པ་དག་ཀྱང་། །རབ་ཏུ་བདེ་བ་ཞེས་བྱའོ། །བྱང་ཆུབ་སེམས་དཔའ་སེམས་དཔའ་ཆེ། །ཕ་རོལ་ཕྱིན་པའི་མཐའ་ཕྱིན་ཅིང་། །བྱ་བ་ཐམས་ཅད་བྱས་
D119.052.0199a05.01པ་ནི། །མཆོག་ཏུ་བདེ་བ་ཞེས་བྱའོ། །བཅོམ་ལྡན་འདས་ཀྱིས་མདོ་སྡེ་གཞན་དག་ལས་བདེ་བའི་མཚན་ཉིད་དུ་གསུངས་པའི་དོན་འདི་ལགས་ན། དེ་ཡང་བཅོམ་ལྡན་འདས་ཀྱིས་འདི་སྐད་དུ་གསུངས་ན་དོན་དེ་དག་འཐུན་པར་རུང་ངམ། བཅོམ་ལྡན་འདས་ཀྱིས་འོད་
D119.052.0199a06.01སྲུང་ལ་བཀའ་སྩལ་པ། ལེགས་སོ། །ཤིན་ཏུ་ལེགས་སོ། །རིགས་ཀྱི་བུ་དེ་བཞིན་གཤེགས་པ་ལ་དོན་འདི་དག་དྲིས་པ་ལེགས་སོ། །རིགས་ཀྱི་བུ་སེམས་ཅན་ཐམས་ཅད་ནི་སྡུག་བསྔལ་བ་ཐ་མ་ལ་ནན་གྱིས་བདེ་བར་འདུ་ཤེས་ཏེ། དེ་བས་ན་སྡུག་བསྔལ་གྱི་མཚན་
D119.052.0199a07.01