完整藏文原文 · 德格版页 当前仅加载第 52 函德格 219a 版页；藏文 NFD、目录标记与异常页序保留在来源切片中，重复版页行以稳定序号区分。
ནུའི་ཚེ་ཡང་གཞན་པ་ནས་རྒས་པའི་བར་དུ་འགྱུར་ཏེ་སོ་སོར་འགྱུར་བས་ན་གཞན་ནོ། །ཕྱི་རོལ་གྱི་གཟུགས་ཐམས་ཅད་ཀྱང་དེ་དང་འདྲ་སྟེ། མྱུ་གུའི་ཚེ་ཡང་གཞན། སྡོང་བུའི་ཚེ་ཡང་གཞན། ཡལ་གའི་ཚེ་ཡང་གཞན། ལོ་མའི་ཚེ་ཡང་གཞན། མེ་ཏོག་གི་ཚེ་
D119.052.0219a01.01ཡང་གཞན། འབྲས་བུའི་ཚེ་ཡང་གཞན་ནོ། །རིགས་ཀྱི་བུ་གཞན་ཡང་ནང་གི་རོ་བྲོ་བ་ཡང་ནུར་ནུར་པོའི་ཚེ་ཡང་གཞན་པ་ནས་རྒས་པའི་བར་དུ་ཡང་ཐ་དད་དེ་གཞན་ནོ། །ཕྱི་རོལ་གྱི་རོ་བྲོ་བ་དེ་དང་འདྲ་སྟེ། མྱུ་གུ་དང་། སྡོང་བུ་དང་། ཡལ་ག་དང་། ལོ་མ་དང་། མེ་ཏོག་དང་། འབྲས་བུའི་
D119.052.0219a02.01བར་དུ་ཐ་དད་དེ་གཞན་ནོ། །ནུར་ནུར་པོའི་མཐུ་སྟོབས་ཀྱི་ཚེ་གཞན་པ་ནས་རྒས་ཀྱི་བར་དུ་མཐུ་སྟོབས་ཀྱང་ཐ་དད་དེ་གཞན་ནོ། །ནུར་ནུར་པོའི་ཚེ་གཟུགས་བྱད་ཀྱང་གཞན་པ་ནས་རྒས་པའི་བར་དུ་གཟུགས་བྱད་ཀྱང་ཐ་དད་དེ་གཞན་ནོ། །ནུར་ནུར་པོའི་ཚེ་ན་རྣམ་པར་སྨིན་པའི་འབྲས་བུ་ཡང་
D119.052.0219a03.01གཞན་པ་ནས་རྒས་པའི་བར་དུ་རྣམ་པར་སྨིན་པའི་འབྲས་བུ་ཡང་ཐ་དད་དེ་གཞན་ནོ། །ནུར་ནུར་པོའི་ཚེ་མིང་བཏགས་པ་ཡང་གཞན་པ་ནས་རྒས་པའི་བར་དུ་མིང་འདོགས་པ་ཡང་ཐ་དད་དེ་གཞན་ནོ། །འདི་ལྟ་སྟེ་ནང་གི་གཟུགས་ཀྱང་ཞིག་མ་ཐག་ཏུ་ཕྱིར་འདུ་བས་ན་མི་རྟག་སྟེ། ཕྱི་རོལ་གྱི་རྩི་
D119.052.0219a04.01ཤིང་ཡང་ཞིག་མ་ཐག་ཏུ་ཕྱིར་འདུ་བས་ན་མི་རྟག་གོ། །བགས་ཀྱིས་སྐྱེ་བའི་ཕྱིར་ཡང་མི་རྟག་གོ། །ནུར་ནུར་པོ་ནས་རྒས་པའི་བར་དུ་ཡང་བགས་ཀྱིས་སྐྱེ་ཞིང་འགྱུར་ལ་མྱུ་གུ་ནས་འབྲས་བུའི་བར་དུ་ཡང་བགས་ཀྱིས་སྐྱེ་ཞིང་འགྱུར་བས་ན་མི་རྟག་གོ། །གཟུགས་ཐམས་ཅད་
D119.052.0219a05.01འགོག་པར་འགྱུར་བས་ན་མི་རྟག་སྟེ། ནུར་ནུར་པོ་འགོག་པའི་ཚེ་གཞན་པ་ནས་རྒས་པའི་བར་དུ་འགོག་པ་ཡང་གཞན་ནོ། །མྱུ་གུ་འགོག་པ་གཞན་པ་ནས་འབྲས་བུ་འགོག་པའི་བར་དུ་ཡང་གཞན་པས་ན་མི་རྟག་གོ། །བྱིས་པ་མ་རབས་ཤེས་པ་མེད་པ་དག་ནི་སྐྱེ་བ་དྲན་པར་
D119.052.0219a06.01མཐོང་བས་རྟག་པར་འཛིན་ཏེ། དོན་དེ་ལྟ་བས་ན་མི་རྟག་པ་ཞེས་བྱའོ། །གལ་ཏེ་མི་རྟག་ན་དེ་ནི་སྡུག་བསྔལ་བ་ཡིན་ནོ། །སྡུག་བསྔལ་བ་ཡིན་པས་ན་མི་གཙང་བའོ། །རིགས་ཀྱི་བུ་དོན་འདི་དག་ནི་འོད་སྲུང་གིས་ཀྱང་སྔར་དྲིས་ཏེ་ངས་རྒྱས་པར་བཤད་དོ། །གཞན་
D119.052.0219a07.01