完整藏文原文 · 德格版页 当前仅加载第 52 函德格 155b 版页；藏文 NFD、目录标记与异常页序保留在来源切片中，重复版页行以稳定序号区分。
མྱ་ངན་ལས་འདས་པར་གྱུར། དེ་དག་ལ་སོགས་པ་སངས་རྒྱས་ཀྱི་རང་བཞིན་གཅིག་ཏུ་འཐུན་ན་ཅིའི་སླད་དུ་དེ་བཞིན་གཤེགས་པའི་མྱ་ངན་ལས་འདས་པས་ཡོངས་སུ་མྱ་ངན་ལས་འདས་པར་མ་གྱུར། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་སངས་རྒྱས་བཅོམ་
D119.052.0155b01.01ལྡན་འདས་ཀྱིས་མྱ་ངན་ལས་འདའ་བ་ཐོབ་པ་ནི་ཉན་ཐོས་དང་། རང་སངས་རྒྱས་ཀྱིས་ཐོབ་པ་མ་ཡིན་ཏེ། དེ་བས་ན་ཡོངས་སུ་མྱ་ངན་ལས་འདས་པ་ཆེན་པོ་ནི་དགེ་བའི་བཤེས་གཉེན་ཞེས་བྱའོ། །གལ་ཏེ་འཇིག་རྟེན་ན་སངས་རྒྱས་མི་བཞུགས་ཀྱང་ཐེག་པ་གཉིས་པོས་མྱ་ངན་ལས་
D119.052.0155b02.01འདས་པ་གཉིས་པོ་མི་ཐོབ་པ་མ་ཡིན་ནོ། །འོད་སྲུང་གིས་ཡང་གསོལ་པ། བཅོམ་ལྡན་འདས་ཀྱིས་ཡང་འདི་སྐད་དུ་གསུངས་པའི་དོན་ཇི་ལྟ་བུ་ལགས། བཅོམ་ལྡན་འདས་ཀྱིས་བཀའ་སྩལ་པ། བསྐལ་པ་ཚད་མེད་དཔག་ཏུ་མེད་གྲངས་མེད་པའི་བར་དུ་སངས་རྒྱས་བཅོམ་
D119.052.0155b03.01ལྡན་འདས་འཇིག་རྟེན་དུ་ལན་འགའ་འབྱུང་སྟེ། ཐེག་པ་རྣམ་པ་གསུམ་འབྱེད་ཅིང་སྟོན་ཏོ། །རིགས་ཀྱི་བུ་ཇི་ལྟར་ཁྱོད་ཀྱིས་བྱང་ཆུབ་སེམས་དཔའ་དང་། ཐེག་པ་རྣམ་པ་གཉིས་པོ་བྱེ་བྲག་ཅི་ཡོད་ཅེས་དྲིས་པ་ནི་ངས་སྔར་དེ་བཞིན་གཤེགས་པས་དགོངས་ཏེ་གསུངས་པའི་སྙིང་
D119.052.0155b04.01པོ་ཡོངས་སུ་མྱ་ངན་ལས་འདས་པ་ཆེན་པོ་འདི་ལས་དོན་དེ་ཉིད་རྒྱས་པར་བསྟན་ཏེ། དགྲ་བཅོམ་པ་རྣམས་ལ་དགེ་བའི་བཤེས་གཉེན་མེད་དོ་ཞེས་བཤད་པ་ཡིན་ནོ། །དེ་ཅིའི་ཕྱིར་ཞེ་ན། དགྲ་བཅོམ་པ་རྣམས་ཡོངས་སུ་མྱ་ངན་ལས་འདས་པ་ཆེན་པོ་ཐོབ་པའི་ཕྱིར་རོ། །དེ་བས་
D119.052.0155b05.01ན་མྱ་ངན་ལས་འདས་པ་ཆེན་པོ་ནི་མཐར་བདེ་བར་འགྱུར་བས་ན་ཡོངས་སུ་མྱ་ངན་ལས་འདས་པ་ཆེན་པོ་ཞེས་བྱའོ། །འོད་སྲུང་གིས་ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་གསུངས་པ་ལྟར་བྱེ་བྲག་མཆིས་པ་དང་། བྱེ་བྲག་མ་མཆིས་
D119.052.0155b06.01པའི་དོན་བདག་གིས་གདོད་རྟོགས་སོ། །དེ་ཡང་ཅིའི་སླད་དུ་ཞེ་ན། བྱང་ཆུབ་སེམས་དཔའ་དང་། ཉན་ཐོས་དང་། རང་སངས་རྒྱས་ལ་སོགས་པ་ཐམས་ཅད་ཀྱང་མ་འོངས་པའི་དུས་སུ་ཡོངས་སུ་མྱ་ངན་ལས་འདས་པ་ཆེན་པོ་ལ་འབབ་པར་འཚལ་ཏོ། །དཔེར་ན་འབབ་ཆུ་ཐམས་
D119.052.0155b07.01