完整藏文原文 · 德格版页 当前仅加载第 52 函德格 252a 版页；藏文 NFD、目录标记与异常页序保留在来源切片中，重复版页行以稳定序号区分。
ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དུ་བཅུག་གོ། །རིགས་ཀྱི་བུ་དེའི་ཚེ་ན་ཡང་དག་པར་རླུང་དུ་སྤྲུལ་པ་ཡང་མེད་ལ། རི་བསུང་ཅན་ནས་སྤོས་བླངས་པའམ། མི་དེ་དག་གི་མདུན་དུ་ཆོས་བསྟན་པ་ཡང་མེད་མོད་ཀྱི། རིགས་ཀྱི་བུ་དེ་
D119.052.0252a01.01ཡང་བྱམས་པའི་དགེ་བའི་རྩ་བའི་ཤུགས་ཀྱིས་མི་རྒོད་མ་རུངས་པ་དེ་དག་གིས་དེ་ལྟ་བུའི་དངོས་པོ་དག་མཐོང་བར་གྱུར་ཏོ། །རིགས་ཀྱི་བུ་གཞན་ཡང་རྒྱལ་ཚབ་བཻ་དཱུརྱ་ཞེས་བྱ་བ་གླེན་ཞིང་གཏི་མུག་པས་རྒྱལ་པོའི་ཐབས་ཕྲོགས་ཏེ། བདག་ཉིད་རྒྱལ་སར་ཞུགས་ནས། སྔོན་གྱི་
D119.052.0252a02.01འཁོན་མ་བཏང་བས་ཤཱཀ་རིགས་ཀྱི་བུ་མོ་སྟོང་ཕྲག་བཅུ་གཉིས་སྙེད་རྣ་བ་དང་། སྣ་བཅད་དེ། རྐང་ལག་གཏུབས་ནས་འོབས་ཀྱི་ནང་དུ་བོར་རོ། །དེའི་ཚེ་བུད་མེད་དེ་རྣམས་ཤིན་ཏུ་སྡུག་བསྔལ་བར་གྱུར་ནས་སངས་རྒྱས་ལ་ཕྱག་འཚལ་ལོ། །སངས་རྒྱས་ལ་ཕྱག་འཚལ་ལོ། །
D119.052.0252a03.01བདག་ཅག་ལ་མགོན་དང་སྐྱབས་བགྱིད་པ་མ་མཆིས་སོ་ཞེས་སྨྲས་ནས་སྐད་ཆེན་པོ་ཕྱུང་སྟེ་ངུས་སོ། །བུད་མེད་དེ་རྣམས་སྔོན་སངས་རྒྱས་མང་པོ་ལ་དགེ་བའི་རྩ་བ་བསྐྱེད་པ་ཤ་སྟག་སྟེ། ང་དེའི་ཚེ་ན་འོད་མའི་ཚལ་ན་བཞུགས་པ་ལས་དེ་སྐད་ཅེས་བོས་པའི་སྒྲ་ཐོས་ནས་ཤིན་ཏུ་
D119.052.0252a04.01ཐུགས་རྗེ་སྐྱེས་པས་དེའི་ཚེ་བུ་མོ་དེ་དག་གིས་ང་གྲོང་ཁྱེར་སེར་སྐྱར་གཤེགས་ཏེ་རྨ་ཡང་ཆུ་གཙང་མས་བཀྲུས་ནས་སྨན་གྱིས་བསྐུས་པར་མཐོང་སྟེ། སྡུག་བསྔལ་ཡང་དེ་མ་ཐག་ཏུ་ཞི་བར་གྱུར་ཏོ། །རྣ་བ་དང་། སྣ་དང་། རྐང་ལག་ཐམས་ཅད་བཅད་པ་ཡང་ཕྱིར་སྐྱེས་ཏེ་སོར་ཆུད་པར་
D119.052.0252a05.01གྱུར་ཏོ། །དེའི་ཚེ་ན་ངས་དམ་པའི་ཆོས་ཀྱང་བསྟན་ནས་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དེ། ཐམས་ཅད་དགེ་སློང་མ་སྐྱེ་དགུའི་བདག་མོ་ཆེན་མོའི་དྲུང་དུ་རབ་ཏུ་བྱུང་ནས་བསྙེན་པར་རྫོགས་པར་གྱུར་ཏོ། །རིགས་ཀྱི་བུ་དེ་བཞིན་གཤེགས་
D119.052.0252a06.01པས་ནི་དེའི་ཚེ་ན་ཡང་དག་པར་གྲོང་ཁྱེར་སེར་སྐྱར་གཤེགས་པ་ཡང་མེད་ལ། རྨ་བཀྲུས་པའམ། སྨན་བསྐུས་པའམ། སྡུག་བསྔལ་ཞི་བར་བྱས་པ་ཡང་མེད་མོད་ཀྱིས། རིགས་ཀྱི་བུ་དེ་དག་ཐམས་ཅད་ཀྱང་བྱམས་པའི་དགེ་བའི་རྩ་བའི་ཤུགས་ཀྱིས་བུད་མེད་དེ་དག་གིས་
D119.052.0252a07.01