完整藏文原文 · 德格版页 当前仅加载第 52 函德格 265b 版页；藏文 NFD、目录标记与异常页序保留在来源切片中，重复版页行以稳定序号区分。
བུ་བྱང་ཆུབ་སེམས་དཔའ་སེམས་དཔའ་ཆེན་པོ་ནི་བསྐལ་པ་ཚད་མེད། གྲངས་མེད་པའི་བར་དུ་ཆོས་རྣམས་ཤེས་ཤིང་མཐོང་བར་གྱུར་ཏོ། །དེ་ལྟར་ཤེས་ཤིང་མཐོང་བས་ན་དོན་ཡང་ཤེས་པར་གྱུར་ཏོ། །དེ་ལྟར་ཆོས་ཀྱི་མཚན་ཉིད་ཤེས་ཤིང་དོན་ཤེས་པས་ན་གཟུགས་རྣམས་ལ་
D119.052.0265b01.01ཆགས་པ་མི་སྐྱེད་པ་ནས། རྣམ་པར་ཤེས་པའི་བར་དུ་ཡང་དེ་དང་འདྲའོ། །དེ་ལྟར་མ་ཆགས་པས་ན་བྱང་ཆུབ་སེམས་དཔའ་གཟུགས་ལ་ཡང་ཆགས་པའི་སེམས་མི་སྐྱེད་པ་ནས། རྣམ་པར་ཤེས་པའི་བར་དུ་ཆགས་པའི་སེམས་མི་སྐྱེད་དོ། །དེ་ལྟར་ཆགས་པ་མེད་པས་ན་
D119.052.0265b02.01གཟུགས་ཀྱིས་རྣམ་པར་མ་བཅིངས་པ་ནས་རྣམ་པར་ཤེས་པའི་བར་དུ་མ་བཅིངས་པའོ། །དེ་ལྟར་རྣམ་པར་ཤེས་པ་མ་བཅིངས་པས་ན། སྐྱེ་བ་དང་། རྒ་བ་དང་ན་བ་དང་འཆི་བ་དང་། སློས་པའི་མྱ་ངན་དང་སྨྲེ་སྔགས་འདོན་པ་དང་སྡུག་བསྔལ་ཆེན་པོ་དང་། ཉོན་མོངས་པ་ཐམས་ཅད་
D119.052.0265b03.01ལས་རྣམ་པར་ཐར་བར་གྱུར་ཏོ། །དོན་དེ་ལྟ་བས་ན་བྱང་ཆུབ་སེམས་དཔའ་ཐམས་ཅད་ནི་སོ་སོ་ཡང་དག་པར་ཤེས་པ་བཞི་འཐོབ་པའོ། །རིགས་ཀྱི་བུ་དེའི་རྒྱུ་དེའི་རྐྱེན་གྱིས་ངའི་ཉེ་གནས་རྣམས་ལ་མདོ་སྡེ་བཅུ་གཉིས་ལས་ཀྱང་ཆགས་པས་བཅིངས་པ་ནི་བདུད་ཀྱིས་བཅིངས་པ་ཞེས་
D119.052.0265b04.01བྱའོ། །གང་མ་ཆགས་པ་དེ་ནི་བདུད་ཀྱིས་བཅིངས་པ་ལས་རྣམ་པར་ཐར་པ་ཞེས་བྱའོ། །འདི་ལྟ་སྟེ་དཔེར་ན་འཇིག་རྟེན་ན་གང་ཉེས་པ་བྱེད་པ་དེ་ནི་རྒྱལ་པོས་རྣམ་པར་བཅིངས་པར་འགྱུར་རོ། །གང་ཉེས་པ་མེད་པ་དེ་ནི་རྒྱལ་པོས་ཀྱང་མི་འཆིང་ངོ་། །བྱང་ཆུབ་སེམས་དཔའ་
D119.052.0265b05.01སེམས་དཔའ་ཆེན་པོ་ཡང་དེ་དང་འདྲ་སྟེ། གང་ཆགས་པས་བཅིངས་པ་ནི་བདུད་ཀྱིས་བཅིངས་པ་ཞེས་བྱའོ། །གང་ཆགས་པས་མ་བཅིངས་པ་དེ་ནི་བདུད་ཀྱིས་མ་བཅིངས་པ་ཞེས་བྱའོ། །དེ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོ་ལ་ནི་ཆགས་པ་མེད་དོ། །རིགས་
D119.052.0265b06.01ཀྱི་བུ་གཞན་ཡང་ཆོས་སོ་སོ་ཡང་དག་པར་ཤེས་པ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཡི་གེའི་གཟུངས་ལ་ཤིན་ཏུ་མཁས་པས་བརྗེད་པར་མི་འགྱུར་ཏེ། གཟུངས་ཞེས་བྱ་བ་ནི་འདི་ལྟ་སྟེ་ས་དང་རི་ལྟ་བུའམ་མིག་དང་སྤྲིན་ལྟ་བུའམ། མི་དང་མ་ལྟ་བུ་སྟེ། ཆོས་
D119.052.0265b07.01