完整藏文原文 · 德格版页 当前仅加载第 52 函德格 145a 版页；藏文 NFD、目录标记与异常页序保留在来源切片中，重复版页行以稳定序号区分。
མོངས་པ་འཇོམས་པར་འགྱུར་བ་ནི་ཇི་ལྟར་ཆུ་སྣོད་ཆག་པ་བཞིན་དུ། ཉོན་མོངས་པ་ཀུན་བཅོམ་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མཐོང་བར་འགྱུར་རོ་ཞེས་སྐྱེས་བུ་དེས་དེ་སྐད་དུ་སྟོན་ཅིང་འཆད་མོད་ཀྱི། སེམས་ཅན་ལ་ཡང་དག་པར་
D119.052.0145a01.01སངས་རྒྱས་ཀྱི་རང་བཞིན་ཡོད་པར་ཡིད་ཆེས་པ་མ་ཡིན་ཏེ་ཕན་པ་དང་བདེ་བའི་ཕྱིར་ཡི་གེ་ལས་འབྱུང་བ་བཞིན་སྟོན་ཏེ། དེ་ལྟར་སྟོན་པ་དེ་ནི་སྡིག་པ་ཅན་ཞེས་བྱ་སྟེ། སྡིག་པ་ཅན་དེ་ནི་ཇི་ལྟར་འོ་མ་ལས་ཞོར་འགྱུར་བ་བཞིན་དུ་འབྲས་བུ་མྱུར་དུ་མི་འགྲུབ་པའོ། །དཔེར་ན་རྒྱལ་པོའི་
D119.052.0145a02.01ཕོ་ཉ་ཤིན་ཏུ་སྨྲ་མཁས་ལ་ཐབས་དང་ལྡན་པ་ཞིག་ཡུལ་གཞན་དུ་བཀའ་སྩལ་ཏེ་བཏང་ན་ལུས་དང་སྲོག་ལ་བབ་ཀྱང་རྒྱལ་པོའི་བཀའ་མི་འཆབ་བོ། །མཁས་པ་ཤེས་རབ་ཅན་ཡང་དེ་དང་འདྲ་སྟེ། བྱིས་པ་མ་རབས་ཀྱི་ནང་དུ་ལུས་དང་སྲོག་ལ་མི་ལྟ་བར་ཐེག་པ་ཆེན་པོ་ཤིན་ཏུ་རྒྱས་
D119.052.0145a03.01པ་དེ་བཞིན་གཤེགས་པའི་སྙིང་པོ་སེམས་ཅན་ཐམས་ཅད་ལ་སངས་རྒྱས་ཀྱི་རང་བཞིན་ཡོད་པ་སྒྲོགས་ཤིང་སྟོན་ཏོ། །རིགས་ཀྱི་བུ་ལོག་སྲེད་ཅན་འགའ་ཞིག་དགྲ་བཅོམ་པ་ལྟར་འཆོས་ཏེ། བས་མཐར་གནས་ནས་ཤིན་ཏུ་རྒྱས་པ་ཐེག་པ་ཆེན་པོའི་མདོ་སྡེ་ལ་འཕྱ་ཞིང་སྐུར་ན་བུས་
D119.052.0145a04.01པ་མ་རབས་དག་དེ་ལ་ཡང་དག་པར་དགྲ་བཅོམ་པའམ། བྱང་ཆུབ་སེམས་དཔའ་སེམས་དཔའ་ཆེན་པོ་ཡིན་པར་འཛིན་ཏེ། ལོག་སྲེད་ཅན་དགེ་སྦྱོང་སྡིག་པ་ཅན་དེ་བས་མཐར་གནས་ཀྱང་། བས་མཐར་གནས་པའི་ཆོས་མ་རུང་བར་བྱེད་དོ། །ཕ་རོལ་པོས་རྙེད་པ་དང་བཀུར་སྟི་
D119.052.0145a05.01ཐོབ་པ་ལ་ཕྲག་དོག་གི་སེམས་སྐྱེས་ནས་འདི་སྐད་དུ་ཤིན་ཏུ་རྒྱས་པ་ཐེག་པ་ཆེན་པོའི་མདོ་སྡེ་ཡང་བདུད་སྡིག་ཏོ་ཅན་གྱིས་བསྟན་པ་ཡིན་ཏེ། དེ་བཞིན་གཤེགས་པ་ཡང་མི་རྟག་པའོ་ཞེས་སྨྲས་ཏེ། དམ་པའི་ཆོས་འཇིག་ཅིང་དགེ་འདུན་མ་རུང་བར་བྱེད་དོ། །གཞན་ཡང་འདི་
D119.052.0145a06.01སྐད་དུ་བདུད་སྡིག་ཏོ་ཅན་གྱིས་སྨྲས་པ་ནི་དགེ་བའི་རྗེས་སུ་སྨྲས་པ་མ་ཡིན་ནོ་ཞེས་སྡིག་པ་མི་དགེ་བའི་ཆོས་དེ་སྐད་ཅེས་སྨྲས་ཏེ། སྡིག་པ་དེ་ལྟར་བྱས་ཀྱང་འོ་མ་ལས་ཞོར་འགྱུར་བ་བཞིན་དུ་འཕྲལ་དུ་སྨིན་པ་མ་ཡིན་པས་མེ་མདག་ཐལ་བས་བཀབ་པ་ལ་བརྙས་པ་བཞིན་དུ་སྟེང་
D119.052.0145a07.01