完整藏文原文 · 德格版页 当前仅加载第 52 函德格 17b 版页；藏文 NFD、目录标记与异常页序保留在来源切片中，重复版页行以稳定序号区分。
བསྟན་ནས་མཆོད་པའི་ཡོ་བྱད་ཚད་མེད་པ་རྣམ་པ་སྣ་ཚོགས་དང་། ཞལ་ཟས་བསུང་ཅན་ཐོགས་ཏེ། གང་ཞིག་ལ་ཞལ་ཟས་དེའི་བསུང་གིས་རེག་ན་ཀུན་ནས་ཉོན་མོངས་པའི་དྲི་མ་ཐམས་ཅད་ཞི་བར་འགྱུར་རོ། །བྱང་ཆུབ་སེམས་དཔའ་དེའི་བྱིན་གྱི་རླབས་ཀྱིས་འཁོར་གྱི་དཀྱིལ་
D119.052.0017b01.01འཁོར་ཐམས་ཅད་རྫུ་འཕྲུལ་དེ་དག་མཐོང་བར་གྱུར་ཏོ། །བྱང་ཆུབ་སེམས་དཔའ་ལུས་དཔག་ཏུ་མེད་པ་ནི་ལུས་ཆེན་པོ་དཔག་ཏུ་མེད་དེ། དེ་ནམ་མཁའ་དང་མཉམ་པས་སངས་རྒྱས་བཅོམ་ལྡན་འདས་མ་གཏོགས་པར་གཞན་གང་གིས་ཀྱང་བྱང་ཆུབ་སེམས་དཔའ་དེའི་ལུས་ཀྱི་
D119.052.0017b02.01མཐའ་ཤེས་པར་ནུས་པ་མེད་དོ། །དེའི་ཚེ་བྱང་ཆུབ་སེམས་དཔའ་ལུས་དཔག་ཏུ་མེད་པ་འཁོར་དང་བཅས་པས་མཆོད་པའི་ཡོ་བྱད་སྔ་མ་བས་ལྷག་པར་བཤམས་ནས་སངས་རྒྱས་གང་ན་བར་ལྷགས་ནས་བཅོམ་ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ་ཏེ། ཐལ་མོ་སྦྱར་
D119.052.0017b03.01བསྟི་སྟང་དང་བཅས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་ལ་ཐུགས་བརྩེ་བའི་སླད་དུ་མཆོད་པ་འདི་དག་བཞེས་ཤིག་ཅེས་གསོལ་ཏོ། །དེ་བཞིན་གཤེགས་པ་དུས་མཁྱེན་པས་ཅང་མི་གསུང་བར་བཞེས་སུ་མ་གནང་ནས་
D119.052.0017b04.01བྱང་ཆུབ་སེམས་དཔའ་ལུས་དཔག་ཏུ་མེད་པ་འཁོར་དང་བཅས་པ་ཕྱོགས་གཅིག་ཏུ་འཁོད་དོ། །དེ་བཞིན་དུ་ལྷོ་དང་། ནུབ་དང་། བྱང་ཕྱོགས་ཀྱི་སངས་རྒྱས་ཀྱི་ཞིང་ཀུན་ནས་བྱང་ཆུབ་སེམས་དཔའ་ལུས་དཔག་ཏུ་མེད་པ་གྲངས་མེད་པ་སྙེད་ཀྱང་མཆོད་པའི་ཡོ་བྱད་སྔ་མ་བས་
D119.052.0017b05.01ལྷག་པར་བཤམས་ནས་སངས་རྒྱས་གང་ན་བར་ལྷགས་པ་ནས་ཕྱོགས་གཅིག་ཏུ་འཁོད་པའི་བར་དུ་རྒྱས་པར་རིག་པར་བྱའོ། །དེའི་ཚེ་ཤིང་སཱ་ལའི་དྲུང་གཉིས་ཀྱི་བར་བསོད་ནམས་ཀྱི་ས་གཞི་བཀྲ་ཤིས་ཀྱི་གནས་དེར་ཁོ་ར་ཁོར་ཡུག་ཏུ་དཔག་ཚད་སུམ་ཅུ་རྩ་གཉིས་ཀྱི་བར་འཁོར་
D119.052.0017b06.01གྱི་དཀྱིལ་འཁོར་གྱིས་ས་སྟོང་ཅུང་ཟད་ཀྱང་མེད་པར་ཡོངས་སུ་གང་ངོ་། །དེའི་ཚེ་ཕྱོགས་བཞི་ནས་འདུས་པའི་བྱང་ཆུབ་སེམས་དཔའ་འཁོར་དང་བཅས་ཏེ། འདུག་པའི་གནས་ནི་སྨྱུང་གི་རྩེ་མོའམ། ཁབ་ཀྱི་རྩེ་མོ་ཙམ་མམ། རྡུལ་ཕྲ་མོ་ཙམ་མོ། །ཕྱོགས་བཅུའི་འཇིག་
D119.052.0017b07.01