完整藏文原文 · 德格版页 当前仅加载第 52 函德格 148b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་ཆེན་པོ་ཡིན་པར་རིག་པར་བྱའོ། །རིགས་ཀྱི་བུ་གཞན་ཡང་འདི་ལྟ་སྟེ་དཔེར་ན་འོན་པས་སྒྲ་སྐད་ཅི་ཡང་མི་ཐོས་སོ། །ལོག་སྲེད་ཅན་ཡང་དེ་དང་འདྲ་སྟེ། མདོ་སྡེ་དམ་པ་འདི་ཉན་པར་རྩོལ་ཡང་མི་ཐོས་སོ། །དེ་ཅིའི་ཕྱིར་ཞེ་ན། ཐོས་པའི་རྒྱུ་མེད་པའི་ཕྱིར་
D119.052.0148b01.01རོ། །རིགས་ཀྱི་བུ་གཞན་ཡང་འདི་ལྟ་སྟེ་དཔེར་ན་སྨན་པ་མཁས་པ་དཔྱད་ཐམས་ཅད་རབ་ཏུ་རྟོགས་པ་རིག་སྔགས་ཚད་མེད་པ་ཡང་ཤེས་པ་ཞིག་གིས་རྒྱལ་པོ་ལ་འདི་སྐད་ཅེས་སྨྲས་སོ། །རྒྱལ་པོ་ཆེན་པོ་རྒྱལ་པོ་ཆེན་པོ་ལ་ནི་ངེས་པར་འཆི་བར་འགྱུར་བའི་ནད་ཡོད་དོ། །
D119.052.0148b02.01རྒྱལ་པོས་སྨྲས་པ། ཁྱོད་ཁོ་བོའི་ཁོང་པར་མ་ཕྱིན་ན། ཁོ་བོ་ལ་ངེས་པར་འཆི་བར་འགྱུར་བའི་ནད་ཡོད་པར་ཇི་ལྟར་ཤེས། སྨན་པས་སྨྲས་པ། དེ་ལྟར་ཡིད་མི་ཆེས་ན་བཀྲུ་སྨན་ཐོང་ཤིག་དང་། ནད་ཕྱིར་འབྱུང་སྟེ་མཐོང་བར་འགྱུར་རོ་ཞེས་སྨྲས་ཀྱང་སྨན་འཐུང་དུ་མ་བཏུབ་བོ། །
D119.052.0148b03.01དེ་ནས་སྨན་པ་དེས་རིག་སྔགས་ཀྱི་མཐུས་རྒྱལ་པོ་དེའི་རྐུབ་ལ་ཤུ་བ་སྐྱེས་ནས་རྐུབ་ནས་སྲིན་བུ་དང་ཁྲག་བྱུང་བར་བྱས་སོ། །རྒྱལ་པོ་དེ་དེ་ལྟར་གྱུར་པ་མཐོང་ནས་ཤིན་ཏུ་སྐྲག་སྟེ། སྨན་པ་དེ་ལ་ལེགས་སོ་ལེགས་སོ་ཞེས་བསྟོད་ནས་སྔར་ཁྱོད་ཀྱི་ཚིག་མ་ཉན་ཏེ། ད་ཡང་ཁྱོད་ཀྱིས་
D119.052.0148b04.01བདག་གི་ལུས་ལ་ཤིན་ཏུ་ཕན་པ་ཆེན་པོ་བྱས་སོ་ཞེས་སྨྲས་ནས་སྨན་པ་དེ་ཕ་མ་ལྟ་བུར་བཀུར་སྟི་བྱེད་དོ། །ཐེག་པ་ཆེན་པོའི་མདོ་སྡེ་མྱ་ངན་ལས་འདས་པ་ཆེན་པོ་ཡང་དེ་དང་འདྲ་སྟེ། སེམས་ཅན་གང་འདོད་པ་དང་བཅས་པའམ། འདོད་པ་མེད་ཀྱང་རུང་སྟེ། དེ་དག་གི་ཉོན་མོངས་པ་
D119.052.0148b05.01ཐམས་ཅད་ཞི་བར་བྱེད་དོ། །སེམས་ཅན་གང་རྨི་ལམ་ན་མདོ་སྡེ་འདི་རྨིས་པས་མཆོད་པ་དང་། བཀུར་སྟི་བྱེད་པ་ནི་ཇི་ལྟར་རྒྱལ་པོ་ཆེན་པོས་སྨན་པ་མཁས་པ་ལ་བཀུར་སྟི་བྱེད་པ་བཞིན་ནོ། །ཇི་ལྟར་སྨན་པ་མཁས་པས་ངེས་པར་འཆི་བར་འགྱུར་བ་མི་གསོ་བ་བཞིན་དུ་མྱ་ངན་ལས་འདས་
D119.052.0148b06.01པ་ཆེན་པོའི་མདོ་སྡེ་འདི་ཡང་དེ་དང་འདྲ་སྟེ། ལོག་སྲེད་ཅན་ལ་གསོ་བར་མི་འགྱུར་རོ། །རིགས་ཀྱི་བུ་གཞན་ཡང་འདི་ལྟ་སྟེ་དཔེར་ན་སྨན་པ་མཁས་པས་རིག་པའི་གནས་བརྒྱད་ལ་མཁས་པ་དག་ནད་ཐམས་ཅད་གསོ་ནུས་ཀྱང་ངེས་པར་འཆི་བར་འགྱུར་བའི་ནད་གསོ་ནུས་པ་མ་ཡིན་ནོ། །
D119.052.0148b07.01