完整藏文原文 · 德格版页 当前仅加载第 52 函德格 187a 版页；藏文 NFD、目录标记与异常页序保留在来源切片中，重复版页行以稳定序号区分。
པའོ། །རིགས་ཀྱི་བུ་གཞན་ཡང་ཟག་པ་དང་བཅས་པའི་ཆོས་ལ་ཡང་རྒྱུ་དང་བཅས། འབྲས་བུ་དང་བཅས་པ་རྣམ་པ་གཉིས་ཡོད་དོ། །ཟག་པ་མེད་པའི་ཆོས་ལ་ཡང་རྒྱུ་དང་བཅས་འབྲས་བུ་དང་བཅས་པ་རྣམ་པ་གཉིས་ཡོད་དོ། །ཟག་པ་དང་བཅས་པ་
D119.052.0187a01.01འབྲས་བུ་དང་བཅས་པ་ནི་སྡུག་བསྔལ་ཞེས་བྱའོ། །ཟག་པ་དང་བཅས་པའི་རྒྱུ་དང་བཅས་པ་ནི་ཀུན་འབྱུང་ཞེས་བྱའོ། །ཟག་པ་མེད་པའི་འབྲས་བུ་དང་བཅས་པ་ནི་འགོག་པ་ཞེས་བྱའོ། །ཟག་པ་མེད་པའི་རྒྱུ་དང་བཅས་པ་ནི་ལམ་ཞེས་བྱའོ། །རིགས་ཀྱི་བུ་གཞན་ཡང་
D119.052.0187a02.01མཚན་ཉིད་རྣམ་པ་འདི་བརྒྱད་ནི་སྡུག་བསྔལ་ཞེས་བྱའོ། །འདི་ལྟ་སྟེ། སྐྱེ་བའི་སྡུག་བསྔལ་དང་། རྒ་བའི་སྡུག་བསྔལ་དང་། ན་བའི་སྡུག་བསྔལ་དང་། ཤི་བའི་སྡུག་བསྔལ་དང་། འདོད་པ་དང་བྲལ་བའི་སྡུག་བསྔལ་དང་། དགྲ་སྡང་བ་དང་ཕྲད་པའི་སྡུག་བསྔལ་དང་། འདོད་
D119.052.0187a03.01པ་མི་རྙེད་པའི་སྡུག་བསྔལ་དང་། ཕུང་པོ་ལྔ་ནི་སྡུག་བསྔལ་ཏེ། གང་སྡུག་བསྔལ་བརྒྱད་པོ་འདི་དག་སྐྱེ་བར་བྱེད་པ་ནི་ཀུན་འབྱུང་ཞེས་བྱའོ། །ཆོས་འདི་དག་གི་གནས་ཀྱང་མེད་པ་ནི་འགོག་པ་ཞེས་བྱའོ། །སྟོབས་བཅུ་དང་། མི་འཇིགས་པ་བཞི་དང་། དྲན་པ་ཉེ་བར་གཞག་པ་
D119.052.0187a04.01གསུམ་དང་། སྙིང་རྗེ་ཆེན་པོ་ནི་ལམ་ཞེས་བྱའོ། །རིགས་ཀྱི་བུ་སྐྱེ་བ་ཞེས་བྱ་བ་ནི་འབྱུང་བའི་མཚན་ཉིད་དེ། དེ་ཡང་རྣམ་པ་ལྔའོ། །འདི་ལྟ་སྟེ། ཐོག་མ་བྱུང་བ་དང་། ཐ་མར་ཟད་པ་དང་། འཕེལ་ཞིང་སྐྱེ་བ་དང་། མངལ་ནས་བྱུང་བ་དང་། རིགས་ལས་སྐྱེས་པའོ། །
D119.052.0187a05.01རྒས་ཞེས་བྱ་བ་ནི་རྒས་པ་ལ་རྣམ་པ་གཉིས་ཏེ། སྐད་ཅིག་སྐད་ཅིག་ཏུ་རྒས་པ་དང་། མཐར་རྒས་པའོ། །ཡང་རྣམ་པ་གཉིས་ཏེ། སྐྱེ་ཞིང་འཕེལ་བས་རྒས་པ་དང་། འགོག་ཅིང་ཞིགས་པས་རྒས་པ་ནི་རྒས་པ་ཞེས་བྱའོ། །ན་བ་ཞེས་བྱ་བ་གང་ཞེ་ན། ན་བ་ནི་ཆེན་པོ་བཞིའི་སྦྲུལ་
D119.052.0187a06.01གདུག་པ་ཤས་མི་མཉམ་པ་ལས་ནད་དུ་གྱུར་ཏེ། དེ་ཡང་རྣམ་པ་གཉིས་སོ། །ལུས་ན་བ་དང་། སེམས་ན་བ་སྟེ། ལུས་ན་བ་ལ་ཡང་རྣམ་པ་ལྔའོ། །བད་ཀན་ལས་གྱུར་པ་དང་། རླུང་ལས་གྱུར་པ་དང་། མཁྲིས་པ་ལས་གྱུར་པ་དང་། འདུས་པ་ལས་ནད་དུ་གྱུར་པ་
D119.052.0187a07.01