完整藏文原文 · 德格版页 当前仅加载第 52 函德格 42a 版页；藏文 NFD、目录标记与异常页序保留在来源切片中，重复版页行以稳定序号区分。
རིགས་ཀྱི་བུ་འདི་ལྟ་སྟེ་དཔེར་ན་རྒྱལ་བུ་རྒྱལ་ཚབ་ཅིག་མཉེས་པ་བྱས་ཏེ་བཙས་ན་རྒྱལ་པོ་དེ་བྱམས་ཤིང་དྲན་པའི་ཕྱིར་གང་ནས་གང་དུ་བཙས་པའི་གནས་དེ་དག་ཏུ་བལྟར་འགྲོའོ། །བྱང་ཆུབ་སེམས་དཔའ་ཡང་ཚེ་རིང་བར་འདོད་ན་དེ་བཞིན་དུ་སེམས་ཅན་ཐམས་
D119.052.0042a01.01ཅད་ལ་བུ་དང་འདྲ་བར་སྲུང་ཞིང་བྱམས་པ་དང་། སྙིང་རྗེ་དང་། དགའ་བ་དང་། བཏང་སྙོམས་ཆེན་པོ་བསྐྱེད་དེ་སྲོག་མི་གཅོད་པའི་ཁྲིམས་གཟུང་བར་བྱའོ། །དགེ་བའི་ཆོས་ལ་གཟུད་ཅིང་སེམས་ཅན་ཐམས་ཅད་ཁྲིམས་ལྔ་དང་དགེ་བ་བཅུའི་ལས་ཀྱི་ལམ་ལ་དགོད་
D119.052.0042a02.01དོ། །གཞན་ཡང་སེམས་ཅན་དམྱལ་བ་དང་། {ཡི་དགས་,ཡི་དྭགས་}དང་། བྱོལ་སོང་དང་། ལྷ་མ་ཡིན་གྱི་གནས་དང་། རྒྱུད་ཐམས་ཅད་དུ་སྡུག་བསྔལ་བའི་སེམས་ཅན་ཐམས་ཅད་བསྒྲལ་བ་ནི་མ་གྲོལ་བ་རྣམས་གྲོལ་བར་བྱ་བ་དང་། ཕ་རོལ་ཏུ་མ་ཕྱིན་པ་རྣམས་ཕ་རོལ་ཏུ་
D119.052.0042a03.01ཕྱིན་པར་བྱ་བ་དང་། མྱ་ངན་ལས་མ་འདས་པ་རྣམས་མྱ་ངན་ལས་འདའ་བར་བྱ་བ་དང་། འཇིགས་སྐྲག་པ་རྣམས་བདེ་བར་སྤྲོ་བསྲིང་ངོ་། །དེ་ལྟ་བུའི་ལས་ཀྱི་རྒྱུ་དང་རྐྱེན་གྱིས་བྱང་ཆུབ་སེམས་དཔའ་ཚེ་རིང་བར་འགྱུར་ཞིང་ཤེས་རབ་ཀྱི་དབང་ཐོབ་པ་དང་། གང་
D119.052.0042a04.01ནས་གང་དུ་ཚེ་འཕོས་ཀྱང་མཐོ་རིས་ཀྱི་ལྷར་སྐྱེ་བར་འགྱུར་རོ། །དེ་ནས་བྱང་ཆུབ་སེམས་དཔའ་འོད་སྲུང་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོས་སེམས་ཅན་ཐམས་ཅད་ལ་བུ་གཅིག་པ་དང་
D119.052.0042a05.01འདྲ་བར་འདུ་ཤེས་བསྐྱེད་དོ་ཞེས་བགྱི་བའི་དོན་ཤིན་ཏུ་ཟབ་པས་བདག་གིས་མི་རིག་གོ། །བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཐམས་ཅད་ལ་སེམས་མཉམ་པར་བུ་གཅིག་པ་དང་འདྲ་བར་འདུ་ཤེས་བསྐྱེད་དོ་ཞེས་དེ་བཞིན་
D119.052.0042a06.01གཤེགས་པས་གསུངས་པ་མི་རིགས་སོ། །དེ་ཅིའི་སླད་དུ་ཞེ་ན། དེ་བཞིན་གཤེགས་པས་བསྟན་པ་ལ་ཞུགས་པ་དག་ཁ་ཅིག་ནི་ཚུལ་ཁྲིམས་ཉམས་པ་ཡང་མཆིས། ཁ་ཅིག་ནི་ཁ་ན་མ་ཐོ་བའི་ཆོས་བགྱིད། ཁ་ཅིག་ནི་དམ་པའི་ཆོས་ཉམས་པར་བགྱིད་
D119.052.0042a07.01