完整藏文原文 · 德格版页 当前仅加载第 52 函德格 13b 版页；藏文 NFD、目录标记与异常页序保留在来源切片中，重复版页行以稳定序号区分。
གང་ན་བར་ལྷགས་ཏེ། བཅོམ་ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་ལ་ཐུགས་བརྩེ་བའི་སླད་དུ་མཆོད་པ་ནང་གི་ཐ་མ་འདི་བཞེས་ཤིག་ཅེས་གསོལ་ཏོ། །དེ་བཞིན་གཤེགས་
D119.052.0013b01.01པ་དུས་མཁྱེན་པས་ཅང་མི་གསུང་བར་བཞེས་སུ་མ་གནང་ངོ་། །དེ་ནས་ལྷ་རྣམས་ཀྱང་བསམས་པ་བཞིན་དུ་མ་གྱུར་པས་མྱ་ངན་གྱིས་ཡིད་གདུངས་ཏེ་ཕྱོགས་གཅིག་ཏུ་འཁོད་དོ། །དེ་ལ་གཅིག་མ་གཏོགས་པ་ནི་སྲིད་པའི་རྩེ་མོ་སྟེ། ཚངས་པའི་རིས་ཀྱི་ལྷ་རྣམས་ཀྱང་
D119.052.0013b02.01འདུས་པར་གྱུར་ཏོ། །དེའི་ཚེ་ཚངས་པའི་རྒྱལ་པོ་དང་། ཚངས་པའི་རིས་ཀྱི་ལྷ་རྣམས་ཀྱི་འོད་ཀྱིས་གླིང་བཞི་ཀུན་སྣང་བར་བྱས་ནས་འདོད་པའི་ཁམས་ན་ལྷ་དང་། མི་དང་། ཉི་ཟླའི་འོད་ཀྱང་མི་སྣང་བར་བྱས་སོ། །དེ་དག་ཀྱང་སོ་སོ་ནས་རིན་པོ་ཆེའི་རྒྱལ་མཚན་དང་། བ་དན་
D119.052.0013b03.01དང་། གདུགས་ཐོགས་པ་ནི་བ་དན་ནང་གི་ཐུང་ངུ་ཡང་ཚངས་པའི་གནས་ནས་ཤིང་སཱ་ལའི་ཚལ་ལ་ཐུག་པ་ཐོགས་ནས་སངས་རྒྱས་གང་ན་བར་ལྷགས་ཏེ། བཅོམ་ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་
D119.052.0013b04.01འདས་བདག་ཅག་ལ་ཐུགས་བརྩེ་བའི་སླད་དུ་བདག་ཅག་གི་མཆོད་པ་ནང་གི་ཐ་མ་འདི་བཞེས་ཤིག་ཅེས་གསོལ་ཏོ། །དེ་བཞིན་གཤེགས་པ་དུས་མཁྱེན་པས་ཅང་མི་གསུང་བར་བཞེས་སུ་མ་གནང་ངོ་། །ཚངས་པའི་ལྷ་རྣམས་བསམས་པ་བཞིན་དུ་མ་གྱུར་ནས་མྱ་ངན་གྱིས་ཡིད་
D119.052.0013b05.01གདུངས་ཏེ་ཕྱོགས་གཅིག་ཏུ་འཁོད་དོ། །དེའི་ཚེ་ལྷ་མ་ཡིན་གྱི་རྒྱལ་པོ་ཐགས་{བཟངས་,བཟང་}རིས་ཀྱང་ལྷ་མ་ཡིན་གྱི་འཁོར་དཔག་ཏུ་མེད་པ་དང་བཅས་ཏེ་ལྷགས་སོ། །དེ་རྣམས་ཀྱི་ལུས་ཀྱི་འོད་ཀྱང་ཚངས་པའི་ལྷ་བས་ཀྱང་ལྷག་པར་གྱུར་ཏེ། རིན་པོ་ཆེའི་རྒྱལ་མཚན་དང་། བ་དན་
D119.052.0013b06.01དང་། གདུགས་རྣམས་ཐོགས་ཏེ། གདུགས་ནང་གི་ཆུང་ངུ་ཡང་སྟོང་ཆུང་ངུའི་འཇིག་རྟེན་གྱི་ཁམས་ཁེབས་པ་དང་། ཕུལ་དུ་བྱུང་བའི་ཞལ་ཟས་མཆོག་རྣམས་ཐོགས་ནས་སངས་རྒྱས་གང་ན་བར་ལྷགས་ཏེ། བཅོམ་ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ་ནས་བཅོམ་
D119.052.0013b07.01