完整藏文原文 · 德格版页 当前仅加载第 52 函德格 221b 版页；藏文 NFD、目录标记与异常页序保留在来源切片中，重复版页行以稳定序号区分。
བུ་གང་ཞིག་དེ་ལྟ་བུར་འཛིན་ན་བདག་ནི་མིག་གོ། །མིག་ནི་བདག་གི་བའོ། །རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱི་བར་དུ་ཡང་དེ་བཞིན་ཏེ། བདག་ནི་གཟུགས་སོ་གཟུགས་ནི་བདག་གི་བའོ། །དེ་བཞིན་དུ་ཆོས་ཀྱི་བར་དུ་ཡང་རྒྱས་པར་རིག་པར་བྱའོ། །
D119.052.0221b01.01བདག་ནི་སའོ། །ས་ནི་བདག་གི་བ་སྟེ། ཆུ་དང་། མེ་དང་། རླུང་ཡང་དེ་བཞིན་དུ་རིག་པར་བྱའོ། །རིགས་ཀྱི་བུ་དེ་ལ་གང་ཞིག་འདི་སྐད་དུ་བདག་ཅེས་བྱ་བ་ནི་དད་པའོ། །དད་པ་ནི་བདག་གི་བའོ། །བདག་ཅེས་བྱ་བ་ནི་མང་དུ་ཐོས་པའོ། །མང་དུ་ཐོས་པ་ནི་བདག་གི་བའོ། །བདག་
D119.052.0221b02.01ཅེས་བྱ་བ་ནི་སྦྱིན་པའི་ཕ་རོལ་ཏུ་ཕྱིན་པ། སྦྱིན་པའི་ཕ་རོལ་ཏུ་ཕྱིན་པ་ནི་བདག་གི་བའོ། །བདག་ཅེས་བྱ་བ་ནི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ནི་བདག་གི་བའོ། །བདག་ནི་བཟོད་པའི་ཕ་རོལ་ཏུ་ཕྱིན་པ། བཟོད་པའི་ཕ་རོལ་ཏུ་ཕྱིན་པ་ནི་བདག་གི་བའོ། །
D119.052.0221b03.01བདག་ནི་བརྩོན་འགྲུས་ཀྱི་ཕ་རོལ་ཏུ་ཕྱིན་པ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་ནི་བདག་གི་བའོ། །བདག་ནི་བསམ་གཏན་གྱི་ཕ་རོལ་ཏུ་ཕྱིན་པ། བསམ་གཏན་གྱི་ཕ་རོལ་ཏུ་ཕྱིན་པ་ནི་བདག་གི་བའོ། །བདག་ནི་ཤེས་རབ་ཀྱི་ཕ་རོལ་ཏུ་ཕྱིན་པ། ཤེས་རབ་ཀྱི་ཕ་རོལ་ཏུ་
D119.052.0221b04.01ཕྱིན་པ་ནི་བདག་གི་བའོ། །བདག་ནི་དྲན་པ་ཉེ་བར་གཞག་པ་བཞི་པའོ། །དྲན་པ་ཉེ་བར་གཞག་པ་བཞི་ནི་བདག་གི་བའོ། །དེ་བཞིན་དུ་ཡང་དག་པར་སྤོང་བ་བཞི་དང་། རྫུ་འཕྲུལ་གྱི་རྐང་པ་བཞི་དང་། དབང་པོ་ལྔ་དང་། སྟོབས་ལྔ་དང་། བྱང་ཆུབ་ཀྱི་ཡན་ལག་
D119.052.0221b05.01བདུན་དང་། འཕགས་པའི་ལམ་ཡན་ལག་བརྒྱད་ཀྱང་རྒྱས་པར་རིག་པར་བྱའོ། །རིགས་ཀྱི་བུ་དེ་བཞིན་གཤེགས་པ་ནི་དེ་ལྟར་མི་འཛིན་པས་ན་དེ་བཞིན་གཤེགས་པ་ནི་ཆོས་ཀྱི་འཁོར་ལོ་མི་བསྐོར་རོ། །རིགས་ཀྱི་བུ་ཅི་སྟེ་དེ་བཞིན་གཤེགས་པ་རྟག་པ་གནས་པ་མི་འགྱུར་
D119.052.0221b06.01མི་འཕོ་བ་ཡིན་ན་ཅིའི་ཕྱིར་དེ་བཞིན་གཤེགས་པ་ཆོས་ཀྱི་འཁོར་ལོ་བསྐོར་ཏོ་ཞེས་སྨྲས། དེ་བས་ན་ཁྱོད་ཀྱིས་དེ་བཞིན་གཤེགས་པས་ཆོས་ཀྱི་འཁོར་ལོ་བསྐོར་ཏོ་ཞེས་བྱ་བའི་མི་རིགས་སོ། །རིགས་ཀྱི་བུ་དཔེར་ན་མིག་དང་སྣང་བ་དང་། བསམ་པ་འདུས་པ་ལས་མིག་
D119.052.0221b07.01