完整藏文原文 · 德格版页 当前仅加载第 52 函德格 38b 版页；藏文 NFD、目录标记与异常页序保留在来源切片中，重复版页行以稳定序号区分。
བ་ལ་ཇི་ཙམ་ཐེ་ཚོམ་དུ་གྱུར་པ་དེ་དག་ཇི་དགའ་བར་དྲིས་ཤིག་དང་ངས་བསྟན་ཅིང་བཤད་དེ་ཁྱེད་ཀྱི་སེམས་རངས་པར་བྱའོ། །ངས་ནི་ཆོས་ཐམས་ཅད་ངོ་བོ་ཉིད་ཀྱིས་སྟོང་པ་ཉིད་དུ་མངོན་པར་རྟོགས་ཏེ། དགེ་སློང་དག་དེ་བཞིན་གཤེགས་པས་ནི་ཆོས་ཐམས་
D119.052.0038b01.01ཅད་རང་བཞིན་གྱིས་སྟོང་པ་ཉིད་དུ་རྟོགས་པར་ཟད་དོ་སྙམ་དུ་མི་བསམ་མོ། །དགེ་སློང་དག་འདུལ་བ་ལ་ཇི་ཙམ་དུ་ཐེ་ཚོམ་དུ་གྱུར་པ་དེ་དག་ད་ཞུ་བའི་དུས་ལ་བབ་བོ། །དེ་ནས་དགེ་སློང་རྣམས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་
D119.052.0038b02.01འདས་བདག་ཅག་ནི་ཤེས་རབ་དང་མི་ལྡན་པས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཞུ་ཞིང་གསོལ་བའི་མཐུ་མ་མཆིས་སོ། །དེ་ཅིའི་སླད་དུ་ཞེ་ན། དེ་བཞིན་གཤེགས་པའི་སྤྱོད་ཡུལ་བསམ་གྱིས་མི་ཁྱབ་པས་
D119.052.0038b03.01ཏིང་ངེ་འཛིན་ཡང་བསམ་གྱིས་མི་ཁྱབ་ལ། སྟོན་པས་བསྟན་པ་ཡང་བསམ་གྱིས་མི་ཁྱབ་པས་བདག་ཅག་ནི་ཤེས་རབ་ཞན་ཏེ་དེ་བཞིན་གཤེགས་པ་ལ་ཞུ་ཞིང་གསོལ་བའི་མཐུ་མ་མཆིས་སོ། །བཅོམ་ལྡན་འདས་དཔེར་བགྱི་ན། རྒན་པོ་ལོ་བརྒྱ་ཉི་ཤུ་ལོན་
D119.052.0038b04.01པ། རྒས་འཁོགས་པ། རྟག་ཏུ་ན་བ་རྩོལ་བའི་མཐུ་མ་མཆིས་པ། ཉམ་ཆུང་བ་ཚེའི་དབང་དུ་མ་གྱུར་པ་གཅིག་ལ་མི་ཕྱུག་པོ་དོན་གཉེར་བའི་ཕྱིར་ཡུལ་གཞན་དུ་མཆི་བ་ཞིག་གསེར་སྲང་བརྒྱ་སྟོང་དུ་མ་གཏམས་ནས་འདི་སྐད་དུ་བདག་གི་ནོར་བུ་རིན་པོ་ཆེ་འདི་ཁྱོད་ལ་
D119.052.0038b05.01གཏམས་ཀྱིས་ལོ་བཅུ་འམ། གལ་ཏེ་ལོ་ཉི་ཤུ་ན་ཕྱིར་འཁོར་གྱིས་སླར་བྱིན་ཅིག་ཅེས་སྨྲས་སོ། །རྒན་པོ་དེས་རིན་པོ་ཆེ་དེ་བླངས་ནས་རིང་པོ་མ་ལོན་པར་ནད་ཀྱིས་ཤི་སྟེ། རབས་ཀྱང་ཆད་པས་རིན་པོ་ཆེ་དེ་ཅི་གཏམས་པ་རྣམས་ཀྱང་ཐམས་ཅད་འཁྱམས་པར་
D119.052.0038b06.01གྱུར་ཏོ། །ནོར་བདག་ཕྱིར་ལོག་ནས་སླར་བླངས་པའི་གནས་མ་མཆིས་པར་གྱུར་ཏོ། །དེ་ལྟར་གླེན་པ་དེ་གཏམས་པའི་རིགས་སམ། མི་རིགས་པའི་གནས་མི་འཚལ་བས་ཡུལ་གཞན་ནས་སླར་འཁོར་ཡང་རིན་པོ་ཆེ་ཀུན་འཁྱམས་ཏེ་སླར་བླངས་པའི་གནས་མ་མཆིས་
D119.052.0038b07.01