完整藏文原文 · 德格版页 当前仅加载第 52 函德格 121a 版页；藏文 NFD、目录标记与异常页序保留在来源切片中，重复版页行以稳定序号区分。
བས་ན་ངས་རིམ་གྱིས་ཡང་དག་པའི་ཆོས་བསྟན་ཏོ། །གཞན་ཡང་ཡང་དག་པའི་དགེ་འདུན་མ་ཡིན་པ་ལ་སྐྱབས་སུ་སོང་བ་དག་ལ་ཡང་དག་པའི་དགེ་འདུན་དག་ལ་སྐྱབས་སུ་འགྲོ་བའི་གནས་ཀྱང་བྱེད་དོ། །གང་དཀོན་མཆོག་གསུམ་ལ་བྱེ་བྲག་འབྱེད་པ་
D119.052.0121a01.01དག་ལ་ནི་སྐྱབས་སུ་འགྲོ་བའི་གནས་གཅིག་སྟེ་གསུམ་དུ་བྱེ་བྲག་མེད་དོ་ཞེས་ཀྱང་སྟོན་ཏོ། །དམུས་ལོང་ལྡོངས་པར་གྱུར་པ་ལ་ནི་མིག་ལྟ་བུར་ཡང་སྟོན་ཏོ། །གཞན་ཡང་ཉན་ཐོས་དང་རང་སངས་རྒྱས་ཀྱི་སྐྱབས་སུ་འགྲོ་བའི་གནས་ཡང་དག་པའང་བྱའོ་སྙམ་དུ་སེམས་སོ། །རིགས་
D119.052.0121a02.01ཀྱི་བུ་དེ་ལྟར་བྱང་ཆུབ་སེམས་དཔའ་དག་ནི་སེམས་ཅན་མ་རུངས་པ་ཚད་མེད་པ་དང་མཁས་པ་ཤེས་རབ་ཅན་དེ་དག་གི་ཕྱིར་སངས་རྒྱས་ཀྱི་མཛད་པ་བྱེད་དོ། །རིགས་ཀྱི་བུ་དཔེར་ན་སྐྱེས་བུ་ཞིག་གཡུལ་ངོར་ཕྱིན་པའི་ཚེ་འདི་སྙམ་དུ་བདག་ནི་མཆོག་སྟེ། དམག་གི་ཚོགས་འདི་
D119.052.0121a03.01དག་ཐམས་ཅད་ཀྱང་བདག་འབའ་ཞིག་ལ་ལྟོས་སོ་སྙམ་སེམས་སོ། །གཞན་ཡང་དཔེར་ན་རྒྱལ་ཚབ་གཞོན་ནུ་འདི་སྙམ་དུ་སེམས་ཏེ། བདག་ནི་རྒྱལ་བུ་ཐམས་ཅད་ཐུལ་ཏེ་རྒྱལ་པོ་ཆེན་པོའི་སྲིད་དང་དབང་བ་ཐམས་ཅད་ལ་བདག་དབང་དུ་གྱུར་ཏེ། རྒྱལ་བུ་ཐམས་ཅད་ཀྱང་
D119.052.0121a04.01བདག་ལ་ཕྱོགས་པས་དེ་བས་ན་ཞན་པའི་བསམ་པ་མི་སྐྱེད་དོ་སྙམ་དུ་སེམས་ཏེ། ཇི་ལྟར་རྒྱལ་པོ་དང་རྒྱལ་བུ་དེ་བཞིན་དུ་བློན་པོ་ཆེན་པོ་ཡང་དེ་དང་འདྲའོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོའང་དེ་དང་འདྲ་བར་འདི་སྙམ་དུ་སེམས་སོ། །ཇི་ལྟར་ན་
D119.052.0121a05.01དངོས་པོ་གསུམ་པོ་བདག་དང་རང་བཞིན་གཅིག་ཏུ་འགྱུར་སྙམ་སེམས་སོ། །རིགས་ཀྱི་བུ་ངས་བསྟན་པའི་དངོས་པོ་གསུམ་པོ་འདི་ནི་མྱ་ངན་ལས་འདས་པའོ། །དེ་བཞིན་གཤེགས་པ་ནི་བླ་ན་མེད་པའི་སྐྱེས་བུ་དམ་པ་སྟེ་ཇི་ལྟར་མིའི་ལུས་ལ་ཡན་ལག་དང་ཉིང་ལག་ཐམས་ཅད་ཀྱི་
D119.052.0121a06.01ནང་ན་མགོ་བོ་དམ་པ་སྟེ་གཞན་མ་ཡིན་པ་བཞིན་དུ་སངས་རྒྱས་ཀྱང་དེ་དང་འདྲ་བར་མཆོག་དམ་པ་སྟེ་ཆོས་དང་དགེ་འདུན་ནི་མ་ཡིན་ནོ། །འཇིག་རྟེན་པ་རྣམས་བསྒྲལ་བའི་ཕྱིར་མཚན་ཉིད་རྣམ་པ་སྣ་ཚོགས་སུ་སྐས་ཀྱི་ཐེམ་པ་ལྟར་བྱེ་བྲག་ཏུ་བསྟན་ཏོ། །དེ་བས་ན་ཁྱོད་ནི་བུས་པ་གླེན་
D119.052.0121a07.01