完整藏文原文 · 德格版页 当前仅加载第 52 函德格 195a 版页；藏文 NFD、目录标记与异常页序保留在来源切片中，重复版页行以稳定序号区分。
སྲིད་ཀུན་སྤྱི་བོ་སྐྱེས་ལ་གཏད་ནས་ཕོ་བྲང་དང་། བཙུན་མོ་དང་། བུ་དང་འཁོར་ཀུན་ཡོངས་སུ་སྤངས་ཏེ། ལོ་རིལ་པོ་བརྒྱད་ཁྲི་བཞི་སྟོང་གི་བར་དུ་བྱང་ཆུབ་ལ་ནན་ཏན་བྱས་སོ། །དེའི་ཚེ་རྒྱལ་པོ་སྤྱི་བོ་སྐྱེས་དེ་ཚེས་{བཅྭ་,བཅོ་}ལྔའི་ཉིན་པར་ཁྲུས་བྱས་ཏེ།
D119.052.0195a01.01རྒྱལ་ཐབས་བླངས་ནས་ཡང་ཐོག་མཐོན་པོར་འདུག་པ་ལས་ཤར་ཕྱོགས་ནས་གསེར་གྱི་འཁོར་ལོ་རྩིབས་མ་སྟོང་དང་ལྡན་པ་བཟོ་བྱས་པ་ནི་མ་ཡིན་གྱི་ལྷུན་གྱིས་གྲུབ་པ་ཅིག་བྱུང་བར་གྱུར་ཏོ། །དེའི་ཚེ་རྒྱལ་པོ་སྤྱི་བོ་སྐྱེས་དེ་འདི་སྙམ་དུ་སེམས་པར་གྱུར་ཏོ། །བདག་
D119.052.0195a02.01གིས་སྔོན་དྲང་སྲོང་མངོན་པར་ཤེས་པ་ལྔ་དང་ལྡན་པ་ལས་ཐོས་ན་རྒྱལ་རིགས་རྒྱལ་པོར་འགྱུར་བ་ཚེས་{བཅྭ་,བཅོ་}ལྔའི་ཉིན་པར་ཁྲུས་བྱས་ཏེ་རྒྱལ་པོའི་དབང་བླངས་ནས་ཡང་ཐོག་མཐོན་པོར་འདུག་པ་ལས་གསེར་གྱི་འཁོར་ལོ་རྩིབས་མ་སྟོང་དང་ལྡན་པ་བཟོ་མ་བྱས་པ་ལྷུན་གྱིས་གྲུབ་པ་རང་
D119.052.0195a03.01བྱུང་ན་རྒྱལ་པོ་དེ་གདོན་མི་ཟ་བར་འཁོར་ལོས་སྒྱུར་བའི་རྒྱལ་པོར་འགྱུར་རོ་ཞེས་ཐོས་པ་བསམས་ནས། དེ་བརྟག་པའི་ཕྱིར་ལག་པ་གཡོན་པས་ནི་འཁོར་ལོ་བླངས། ལག་པ་གཡས་པས་ནི་པོག་ཕོར་ཐོགས་ནས་པུས་མོ་གཡས་པ་ས་ལ་བཙུགས་ཏེ་འདི་སྐད་ཅེས་
D119.052.0195a04.01སྨྲས་སོ། །གསེར་གྱི་འཁོར་ལོ་འདི་ཡང་དག་པ་ཞིག་ཡིན་ན་སྔོན་འདས་པའི་འཁོར་ལོས་སྒྱུར་བའི་རྒྱལ་པོའི་ཆོས་སུ་གར་འགྲོ་བར་སོང་ཤིག་ཅེས་སྨྲས་པ་དང་། དེ་སྐད་སྨྲས་མ་ཐག་ཏུ་གསེར་གྱི་འཁོར་ལོ་དེ་སྟེང་གི་ནམ་མཁའ་ལ་འཕགས་ནས་ཕྱོགས་བཅུར་
D119.052.0195a05.01བསྐོར་ཏེ་ཕྱིར་རྒྱལ་པོའི་ལག་པ་གཡོན་པར་འོངས་སོ། །དེའི་ཚེ་རྒྱལ་པོ་སྤྱི་བོ་སྐྱེས་ཤིན་ཏུ་དགའ་མགུ་རངས་ནས་བདག་ནི་ངེས་པར་འཁོར་ལོས་སྒྱུར་བའི་རྒྱལ་པོ་ཡིན་ནོ་ཞེས་སྨྲས་སོ། །ཕྱིས་རིང་པོ་མ་ལོན་པར་བལ་གླང་རིན་པོ་ཆེ་ཤིན་ཏུ་བཟང་བ་པད་མོ་དཀར་པོ་
D119.052.0195a06.01ལྟར་དཀར་ལ་ཡན་ལག་བདུན་ས་ལ་རེག་པ་བྱུང་སྟེ། རྒྱལ་པོ་སྤྱི་བོ་སྐྱེས་དེས་མཐོང་ནས་ཡང་འདི་སྙམ་དུ་བསམས་སོ། །བདག་གིས་སྔོན་དྲང་སྲོང་མངོན་པར་ཤེས་པ་ལྔ་དང་ལྡན་པ་ལས་ཐོས་ན། གལ་ཏེ་འཁོར་ལོས་སྒྱུར་བའི་རྒྱལ་པོ་ཚེས་{བཅྭ་,བཅོ་}ལྔའི་ཉིན་པར་
D119.052.0195a07.01