完整藏文原文 · 德格版页 当前仅加载第 52 函德格 227a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། ཁོང་དུ་ཆུད་པར་བྱ་བ་དང་། གཞན་ལ་ཡང་རྒྱ་ཆེར་སྟོན་ཅིང་འཆད་ཀྱང་བཟོད་དོ། །བཅོམ་ལྡན་འདས་གལ་ཏེ་སེམས་ཅན་གང་ཞིག་ལོངས་སྤྱོད་ལ་ཆགས་པར་འགྱུར་ན་བདག་གིས་དེ་ལ་སྔར་ལོངས་སྤྱོད་བྱིན་ཏེ། དེའི་འོག་ཏུ་ཡོངས་སུ་མྱ་ངན་
D119.052.0227a01.01ལས་འདས་པ་ཆེན་པོའི་མདོ་སྡེ་འདི་ཀློག་པར་བསྐུལ་ལོ། །གལ་ཏེ་ལོངས་སྤྱོད་ཆེན་པོ་དང་ལྡན་པ་ཞིག་ན། སྔར་ཡིད་ལ་འདོད་པའི་གཏམ་སྙན་པ་བྱས་ཏེ། དེའི་འོག་ཏུ་ཐེག་པ་ཆེན་པོ་ཡོངས་སུ་མྱ་ངན་ལས་འདས་པའི་མདོ་སྡེ་འདི་ཀློག་པར་བསྐུལ་ལོ། །གལ་ཏེ་མ་རབས་ཤིག་
D119.052.0227a02.01ཡིན་ན་ཡང་མཐུས་ནན་གྱིས་ཀློག་ཏུ་གཞུག་གོ། །གལ་ཏེ་ང་རྒྱལ་ཅན་ཞིག་ཡིན་ན་ཡང་བདག་གིས་སྔར་ཡིད་བཞིན་དུ་གཡོག་བྱས་ཏེ་ཤིན་ཏུ་དགའ་ཞིང་མགུ་བར་བྱས་ལ་དེའི་འོག་ཏུ་ཡོངས་སུ་མྱ་ངན་ལས་འདས་པའི་མདོ་སྡེ་འདི་བསྟན་ཏོ། །གལ་ཏེ་ཤིན་ཏུ་རྒྱས་པའི་མདོ་
D119.052.0227a03.01སྡེ་ལ་སྐུར་པ་ཞིག་མཆིས་ན་མཐུ་སྟོབས་ཀྱིས་བཏུལ་བར་འཚལ་ལོ། །བཏུལ་ནས་དེའི་འོག་ཏུ་ཡོངས་སུ་མྱ་ངན་ལས་འདས་པའི་མདོ་སྡེ་ཀློག་ཏུ་གཞུག་གོ། །གལ་ཏེ་ཐེག་པ་ཆེན་པོའི་མདོ་སྡེ་ལ་དད་ཅིང་མོས་པ་ཞིག་ན། བདག་དེའི་དྲུང་དུ་མཆིས་ཏེ། ཤིན་ཏུ་
D119.052.0227a04.01བསྟི་སྟང་དང་བཅས་པས་རིམ་གྲོ་དང་། བཀུར་སྟི་དང་། མཆོད་པ་དང་། བསྟོད་པ་བགྱིའོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་འོད་སྲུང་ལ་བཀའ་སྩལ་པ། ལེགས་སོ་ལེགས་སོ། །ཁྱོད་ཐེག་པ་ཆེན་པོའི་མདོ་སྡེ་ལ་ཤིན་ཏུ་མོས་པ་དང་། ཐེག་པ་
D119.052.0227a05.01ཆེན་པོའི་མདོ་སྡེ་ལ་ཤིན་ཏུ་དགའ་བ་དང་། ཐེག་པ་ཆེན་པོའི་མདོ་སྡེ་འདོད་པ་དང་། ཐེག་པ་ཆེན་པོའི་མདོ་སྡེའི་རོ་ལ་དགའ་བ་དང་། ཐེག་པ་ཆེན་པོ་ལ་ཤིན་ཏུ་དད་པ་དང་། བསྟི་སྟང་དང་། བཀུར་སྟི་དང་། མཆོད་པ་བྱེད་པ་ལེགས་སོ། །རིགས་ཀྱི་བུ་ཁྱོད་ཀྱིས་
D119.052.0227a06.01འདི་ལྟར་ཤིན་ཏུ་དགེ་བའི་སེམས་འདིའི་རྒྱུ་དང་འདིའི་རྐྱེན་གྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ཚད་མེད་མཐའ་ཡས་པ་གང་གཱ་ཀླུང་གི་བྱེ་མ་སྙེད་ལས་ཤིན་ཏུ་འཕགས་ཏེ། དེ་དག་པས་སྔར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་འཚང་རྒྱའོ། །ཁྱོད་
D119.052.0227a07.01